الموضوع: تقرير صيانة 50000 كم وتقييم كامل للفيرنا

ممكن اعرف فين مكان الصيانة دا او اماكن تانية موثوق فيها لاني محتاجة اعمل صيانة ال50 الف ف مكان اقرب من التوكيل

شكرا

المشاركة الأصلية كتبت بواسطة ashraf_ibrahim

ازيكم يا شباب عاملين ايه
طبعا انا بقالي فترة معدي ال 50000 كم ومعدي ال 15000 كم بتوع الزيت كمان
بس نعمل ايه مفلس مفلس مفلس يا ولدي
الحمد لله المرتب نزل فقلت لازم أفرجها على زوزو بقا مينفعش كدة
قمت نازل مشتريلها جركن زيت كاسترول ايدج ب 270 جنيه
وقررت إني أعملها الصيانة بتاعتها بعد ما عدادها تجاوز ال 50900 كم أي بواقع تقريبا 1000 كم اضافي عن موعد الصيانة وعن موعد تغيير الزيت
أحب أقول ان الزيت كان تمام ومنقصش ولا حاجة وسحب العربية كان ممتاز وصوتها مش عالي ولا أي حاجة ويمكن دا كان اختبار اجباري للزيت لأني أفلست تماما الشهر اللي فات الحمد لله
المهم حددت معاد الصيانة يوم الخميس وتوكلت على الله وطلعت على سبيد سيرفيس في جسر السويس ورا حديقة بدر مباشرة :d
مركز المهندس هاني
الحمد لله دخلت -انا منزله بدري أصلا واتأخرت عليه -
عشان الواحد يبقا ضامن انه موجود بس ماتأخرتش بمزاجي والله كان شغل
طبعا قبل ما تتمد ايد في العربية اتحط كيس على الكرسي والطارة اتكيست هي كمان عشان تجريب العربية وكدة

دي صورة الموتور قبل ما نبتدي شغل :d
محدش يشتم عشان كانت حالتها يرثى لها الحقيقة



بدأنا بفك العجل الامامي وبصينا على التيل قلي التيل محتاج يتغير !
قلتله طب غير يا باشا :d
فجبنا تيل موبيس ب 100 جنيه ودي صورة العلبة وصورة التيل الجديد



هنا نلاقي ان فيه صامولتين عجل في علبة التيل

صورة التيل نفسه بقا



ودي صورة التيل القديم يا شباب -هو كان فاضل فيه شوية صغيرين :d
كان التوكيل مركبلي ماندو
التيل دا انا مشيت عليه تقريبا 27000 كم تقريبا يعني قعد معايا سنة تقريبا


[img][/img]
كان عندي مسمار بايظ في الطنبورة الامامية يمين غيرنا المسمار واشترينا صامولة ليه ب 15 جنيه الصامولة والمسمار ب 10 جنيه -الأصلي طبعا -
ودي صورة المسمار وهو لسة بيركب :d
وهتلاقوا في العلبة اني مشتري صامولتين واحدة احتياطي للطواريء بقا :d

ودي صورة الطنبورة نفسها

[img][/img]
بعد كدة رجلشنا فرامل ورا


وربطنا عفشة ونضفنا الانجكشن وظبطنا كل حاجة
وغسلنا الموتور وكله بقا في التمام و
ودي صورة الموتور بعد الغسيل طبعا شتان بين حالته قبل الغسيل وحالته بعد الغسيل هي بس كاميرة الموبايل مش موضحة الصورة اوي معلش يا شباب


طبعا مننساش اننا غيرنا الزيت وغيرنا فلتر زيت -فلتر زيت ب 20 جنيه -

مش هتكلم بقا على المصنعية عشان هاني خرب بيني ومن كتر ما دفعت فلوس كنت عايز أبات عنده لأنه تقريبا مصنعيته حاجة لا توصف
غالي جدا يا هاني
لا ما شاء الله شغل ممتاز جدا وسعر مصنعية قليل جدا مقارنة بالتوكيل والمراكز المعتمدة كمان
دا غير انه في النهاية حطلي العربية على الجهاز والحمد لله كله تمام
وخدنا فاتورة مختومة بختم المركز بضمان 5000 كم او 3 شهور على أعمال الصيانة اللي المركز عملها



*يتبع تقرير عن العربية

طب والزيت كات نوعه ايه وكام كيلو ارجو الأفاده