مساء الفل على احسن منتدى و اجدع ناس
من الآخر اجيب جين 2 ولا لأ؟؟؟؟
ولو أه ليه و لو لأ ليه؟
يعني العيوب و المميزات بالتفصيل
وهل في حد شغال فيها بره التوكيل؟وقطع الغيار بره التوكيل منتشره وسعرها ايه؟
وشكرا جدا جدا
عرض للطباعة
مساء الفل على احسن منتدى و اجدع ناس
من الآخر اجيب جين 2 ولا لأ؟؟؟؟
ولو أه ليه و لو لأ ليه؟
يعني العيوب و المميزات بالتفصيل
وهل في حد شغال فيها بره التوكيل؟وقطع الغيار بره التوكيل منتشره وسعرها ايه؟
وشكرا جدا جدا
آه ليه عشان الشكل عربية شكلها جميل شبابية معظم ملاكها بيشكروا فيها وبيحبوها وقرأت عن قطع غيارها فى المتوسط زى حال معظم الجديد وموجودة برا التوكيل و جوا التوكيل على كلام معظم ملاكها فى المنتدى برضوا كلهم بيقولوا ثبات ممتاز على الطريق وأمان من الآخر عربية حلوة تتشرى
العربية موتور ممتاز وثبات على الطريق بس العيوب العفشة نشفة لانها رياضية التابلوة فقير وجود اجزاء بلاستيكية فى الصالون كتير ممكن تخليك تسمع صوت تزيق لكن فى المجمل سيارة جيدة
العفشة الناشفة مقابلها ثبات على الطريق ودا مش عيب دا تصميمها كدا بالنسبة للخامات جوا وكدا حتى لو ما كانتش عالية بص لتمن العربية زيرو سعرها منافس جدا برضه
أنا كنت فى نفس حيرتك يا abdallaam و كنت خلاص ناوى أشتريها بس غيرت رأيى لسببين:
1. جرب تقرا الموضوع دة http://www.nilemotors.net/Nile/45257-a.html و أنت تتقفل من بروتون و الجين 2 ....
2. سعر أعادة البيع مش فى صالح الجين 2 لأننا فى بلد تعشق كل ما هو كورى ويابانى ....
أشترى عربية ليك وللسوق ....
قرار شرا عربية جديدة من أسخف و أصعب القرارات لأن العربيات كتييييييييييييير والناس اللى بتفتى فى بلدنا مفيش أكتر منها ....
ربنا يوفقك ....
عربية مقابل سعرها ممتازة
عربية محترمة جدا لكن التوكيل وقطع الغيار
بيكرهوا الناس فالعربية
هو لو تقدر تستحمل عز العرب يبقي توكل علي الله
طالما بتحب العربية دي هتستحمل توكلها
والله اعلم
مجرد راي شخصي فقط ..
أقرا برضوة الموضوع دة يا abdallaam أكيد هتستفيد منة ....http://www.nilemotors.net/Nile/295478-2.html
العشفة مينفعش نقول عليها ناشفة ، الصح انها عفشة رياضية
فى ناس كثير معاهم جين كان لهم تجربة مع السيراتو ، لما قارنوها بالجين ، قالوا السيراتو عفشتها ناشفة.
العفشة الناشفة بتبقى ماسكة العربية في الطريق او المطبات متحسش انها ملبن زي التويوتا كدة
اعتقد ان في ناس بتفضل العربية تبقى ناشفة كدة وفي ناس تاني بتحب العربية تبقى ناعمة ومريحة
من رأي اعمل تيست درايف للعربية وشوف عفشتها نظامها ايه
والله يارجاله مش عارف اقولكوا ايه على الأهتمام و الردود الجميله
بس انا مش عارف كل ماأقول خلاص هجيبها ارجع في كلامي لو سمعت او قرأت اي حاجه مش في صالح العربيه حتى لو حاجه صغيره.وفي نفس الوقت العربيه سعرها مناااااااااااافس جدا
انا خلالالالالالالالالالالالا لالاص هتجنن
هو زي ماقولتلك .. ماتخدش برأي حد وانزل جربها بنفسك وشوف مشيها وثباتها وتسارعها وقعدتها والكلام ده
وانت هتقتنع لو عجبتك
السلام عليكم ورحمة الله وبركاتة
الاخ العزيز
انت كدة ف حيرتك كنت شبه حيرتى لما قررت اشترى البروتون الواجا 2006 بس انا هقولك على حاجة بسيطة جدا
علشان تقارن صح سيبك من كلام السوق ( يعنى عربية تقيلة للبيع - عربية رشة خوارج - قطع غيارها مش موجودة وغالية )
اولا لازم تاخد قرار انك تعرف كل حاجة عن العربية( حتى لو مش هتشتريها ) يعنى كل كبيرة وصغيرة تشوف المشاكل الى ممكن تقابلك وتشوف حلولها اية وكمان تشوف اية الطرق لحل المشكلة واعتقد ان اللينكات الى الزملاء حطوها مثال كويس .
ثانى حاجة لازم تحط ف دماغك ان كل مشكله حد قالها مش شرط انها تبقى ف عربيتك او تحصلك ف يوم ف كلمة للاخ فيلكس شوفته قالها وعجبانى جدا لما ايرباج حد فتح لما خبط خبطة بسيطة
وهى كلمة حظ عاثر لان العربيات حظوظ
ثالث حاجة لازم تبقى عارف ان كل عربية خصوصا ف مصر ليها عيوووووووووب حتى المرسيدس والبى ام وخش المنتدى بتاعهم وانت تعرف ( هتلاقى ناس بتشكى من قطع الغيار - التوكيل - تقفيل حاجة معينة -فلسفة ميكانيكا معينة ) هتلاقى كلام كتير بس الموضوع يرجع بقى ف الاخر لقناعتك الشخصية بالعربية نفسها
شوف مشاكل العربية وشوف مميزاتها وشوف العيوب دى انت هتقدر تتعامل معاها وتنجز فيها ولا ممكن تقابلك مشكلة زى الحارة السد ولما توصل للحارة السد ياترى ف طريق تانى او تعديل
كل الكلام دة هتلاقية ف كل العربية الحيرة واحد بس المقارنة بسيطة
لان كل عربية ليها مشاكلها من اول الدايو لحد المرسيدس شوف انت هتسلك ف انى واحدة وشوف انى شكل هيعجبك وانى امكانيات هتشدك وانى صنايعى هيريحك وانى مكان تجيب من قطع الغيار واقرا كتير عن المشاكل وشوف الناس حلتها ازاى يعنى هات الموضوع من اخرة لاولة زى مانا عملت
وعلى فكرة بقى ناااااااااااااس كتير ف المنتدى بتساعد ف انك تاخد القرار كلم ناس وخد نصيحتهم هتلاقى مليون واحد يدلك
وبمناسبة الموضوع احب اخص بالشكر م/ فيلكس ( محمد )
حد فاهم وبيجيب من الاخر
محمد الكلام اللى انت بتقولوا دة بيعبر عن وجهة نظرك لو قرات التعليق جيد كنت قريت ان الثبات ممتاز والعفشة ناشفة ودة عيب لو انت بتركب عربيات كتير وبتقارن وانت معاك ميجان جرب تسوق الاتنين وانت تعرف الفرق .وجودة الخامات الداخلية وشكل التابلوة هذة رؤية شخصية وهذة هى وجهة نظرى كمهندس ميكانيكا .على فكرة الكلام اللى بقولوا عن تجربة وحددت العيوب بالشكل المبين فى التعليق وعلى فكرة انا زرت مصانع تجميع سيارات كتير داخل وخارج مصر بروتون شركة صاعدة جدا وهى رقم 1 فى ماليزيا وانواع كتيرة غير البريسونا والجين تو بس هى ليها فئة منافسة محددة
من الاخر العربية تسارع جميل جدا وموتور داخل البلد ادائة رائع بس لو بتسافر مسافات طويلة ممكن مش هتكون مريحة اوى بس دية نقطة ثانوية .جودة خامات التابلوة حضرتك ممكن تحكم عليها كانطباع شخصى وهى عملية جدا يعنى تصميم التابلوة والمقاعد رياضية
الاتوماتيك جميلة جدا المانيوال نقلات الفتيس مشوارها قصير .التكيف ادائة ممتاز .السعر مناسب
استخير ربنا قبل اتخاذ القرار وقارن بين هذة العربية واى عربية تانية فى نفس الفئة لاتخاذ قرار مناسب علشان انا مجرب حيرة اختيار السيارة
ربنا يوفقك الى الاختيار الصواب
كلام سليم ....
لكن أنا مؤمن بالحكمة اللى بتقول:
كثرة الأخطاء تولد عدم المصداقية ....
يعنى لما ألاقى فى قسم الشكاوى اللى معمول لملاك العربيات البروتون كلام كتييييييييييييير جدآ عن مشاكل مختلفة بتقابلهم ... هل هقدر أصدق أن دى عيوب فردية قابلتهم هما بس ومش ممكن هلاقيها فى العربية اللى هشتريها؟؟!!
هو الواحد بيشترى عربية زيرو عشان يطلع عينة؟؟!!
أجمل حاجة فى المنتدى دة أنة بيخلينا نتبادل خبرات بعض ....
يعنى لما ألاقى شبة أجماع من ملاك الشيفرولية الأفيو أن العربية دى كلها مشاكل ... هل من المنطق أنى أشتريها وأقول أنا مليش دعوة بكلام حد وهجربها بنفسى؟؟!!
كلامك سليم طبعا محدش يقدر يقول علية حاجة .
بس نقدر نقول ان ف فرق بين الاجماع على عيب معين ( مثلا ماكينة زجاج واجا - علبة دركسيون واجا ) مينفعش نغض النظر عنة بس السوال هنا العيب دة يخليك تبعد عن عربية كاملة بكل مميزات يعنى مثلا قطع غيار المرسيدس غالية جدا يبقى كدة المرسيدس وحشة ..... ياريت تكون وجه نظرى وصلت