الموضوع: سواقين مش عارفين قيمة العربيات إلى معاهم (سواقين الميكروباص فى الفلاحين)

اللي عاوزهم هتلاقيهم بالهبل موجودين فالتجنيد في طنطا وموقف سوق الجملة

المشاركة الأصلية كتبت بواسطة MohammedAladel

ياعم دا سؤال برضه ما إنت جاوبت عليه السواقين دول آخرهم كدا حتى لو راكب شيفورليه دبابة طول ما العربية ماشية خلاص مش بيغيروا الكاوتشات غير لما يضرب منه على الطريق

يا ساتر يا رب

المشاركة الأصلية كتبت بواسطة shaddadfalcon1

انت قصدك علي العربيات دي؟ عايز تشوفها بقي روح في موقف دمنهور وانت مش هتشوف اكتر منها والعربيات دي علي حد علمي بتبقي معاهم من زمان وبتبقي رخيصه وتمشي تجعر وفي اللي منها مظبطها ببتبقي بسم الله ماشاء الله ماشي 130 وتتلاقيه بيرعلشك عشان يعدي

والله و أنا ماشية كل إلى شوفتهم كانوا متدمرين و عمرى ماشوفت حاجة متظبطة

المشاركة الأصلية كتبت بواسطة mahmoud_afifi

عادي جدا !
ما في ناس في المدن معاها عربيات حديثه وغاليه ومهمله فيها والواحد لما بيشوفهم بيبقى عاوز يديهم بالي في رجله لا مؤاخذه.
واحد جاري جايب جيتا تقريبا ماكملتش معاه سنه الا وكان مبهدلها من بره وجوه واستخدام همجي بمعنى الكلمه.

والله الناس دى خسارة فيهم العربيات

المشاركة الأصلية كتبت بواسطة mohammedabdallh

العربيات دى موجوده منها كتير
وبشوف ناس مظبطاها بس طبعا مش زى الى فى الصوره وبتستحمل بطريقه غريبه ومش بتحس جواها لالمطبات وزبتجرى بطريق تخوف
بس مين الى هيصرف عليها ويخليها عروسه ويغير فيها

ماهو بقى عشان كدة الأجانب بيعملوا فيهم تعديلات وهم

المشاركة الأصلية كتبت بواسطة Elawany13

ده انا نفسى احرق العربيات الميكروباصات القديمة ديه بالذات وأمحيها من الوجود خالص
منتشرة فعلا فى القرى النائية فى الغربية
وموجوده على الطرق السريعة خاصة لمحافظة البحيرة دمنهور وأبو المطامير وكده
بيسوقها أطفال بمنتهى التهور والهبل وناس مشلولة وسواقين عندهم الشلل الرعاش
ودائما بيحصل منها كوراث رهيبة
أفظع حادثه فيهم حصلت رمضان العام الماضى
فى احدى قرى محافظة الغربية
عند أذان المغرب والسرعة والتخبيط اللى بنشوفه فى رمضان
طفل بيقود هذه المركبة على سرعة عالية
وطبعا محملة عدد مهول من الركاب ضعف طاقتها الإستيعابية
وهوب وقع فى ترعة وناس كتير جدا ماتوا من قرية واحده
وكانت شغلانة

وليا حادثة سابقة مع واحد فيهم

http://www.nilemotors.net/Nile/229585-a.html

يا نهار أسود أل أنا كنت زعلانه عشان شوية هباب أسود

المشاركة الأصلية كتبت بواسطة exact

اللي عاوزهم هتلاقيهم بالهبل موجودين فالتجنيد في طنطا وموقف سوق الجملة

ميرسى الله يخليك بس كلهم أكيد أجرة مفيش منهم ملاكى و كمان هيتصرف عليهم كل حاجة أساسا , دا مش بعيد يتجاب عربيه أستيراد من بره نفس الموديل عشان تركب عليها

المشاركة الأصلية كتبت بواسطة exact

اللي عاوزهم هتلاقيهم بالهبل موجودين فالتجنيد في طنطا وموقف سوق الجملة

ههههههههههههههههه ليه التصييح ده يابرنس ..
أنت هتضربلنا السياحة ف طنطا كده ...

دول فان في منهم شيفي و فورد و دودج و جي ام سي كان مع والدي واحدة شيفي كامبر قمة المتعة العربية دي كان فيها تلاجة و كنبتين قدام بعد و ترابيزة و ستاير كانت 8 سلندر اوتوماتيك و الازاز القدام كهربا موجودين بكثرة في البحيرة و كفر الشيخ و قطع غيارهم كذلك
بيصلوا للسواقين ببساطة الفان مصريف تشغيله عالية و فسعره بيقل و الطلب عليه يقل يشتريه سواق يحوله اجرة و يشل الموتور و يحط ديزل غالبا موتور شيفرولية جامبو و في بعض الاحيان موتور امريكاني ديزل و هكذا عربيات كتيرة جدا المرسيدس الاس كلاس القديم مالي الصعيد و الامريكاني كاديلادك و بويك و ماشابه ذلك انا والدي زمان كان بيشتري عربيات يصلحها بنفسه و يبعها علي سبيل الهواية و احيانا الربح بيحكيلي انه سنة 89 اشتري عربية جاجوار موديل 58 لقي واحد ركبها مخبطة و متربة لكن موتورها سليم و صالونه والدي اتكلم معاه لقي الراجل مش عارف ينطق اسمها صح و لا عارف قيمتها و قاله اي حاجة بنقضي بيها المشوار و خلاص كان اشترها بسعر قليل 3 الاف علي ما اتذكر .....العربيات دي عموما بغض النظر هيا فان او حتي كاديلاك توضيبها عشان تبقي نضيفة مكلف حاليا لان قطع الغيار مش متوفرة وبالاخص الرفايع فتتجاب من بره مصر و التكلفة عالية و العربيات دائما كل ما تقدم كل ما يبقي تصليحها اصعب لان اللي بيفهم فيها بيقل مع الزمن يبقي الحالة الوحيدة وجود هاوي علي استعداد مادي و دول موجودين في مصر ....ثقافة القديم مش موجوده في مصر لان سعر العربيات عالي و مستوي دخول معظم الافراد لا يسمح بشراء عربية مكلفة في التشغيل و الصيانة و مشكوك في اعمتاديها كسيارة للاستخدام اليومي و تقدير الاشياء القديمة عموما غير موجود سواء في العربيات او غيره كمثال مباني اسكندرية القديمة اللي شكلها و طرازها المعماري غاية في الجمال بتتهد و يتبني بدلها ابراج قبيحة و لا احد يهتم اما خارج مصر الامر مختلف مستوي دخول الافراد عموما اعلي و العربيات رخيصة للغاية و المستعمل بالاخص عربية زي المرسيدس الزلمكة دي في المانيا تمنها الف او الفين يورو وتقدير السيارات الكلاسيكية موجود
أسف علي الاطالة