الموضوع: سواقين مش عارفين قيمة العربيات إلى معاهم (سواقين الميكروباص فى الفلاحين)

المشاركة الأصلية كتبت بواسطة shaddadfalcon1

العربيات دي مشكلتها انها عاليه قوي وصاجها ناشف جدا ومعظم اللي بيسوقوها غشم وكذا مره يبقي هيجيلي جنب العربيه علي عكس الميكروباص الجديد تحس ان اللي راكبه خايف عليه من الهواء الطاير وميستاجرش يكسر عليك حتي لانه عارف ان الخطبه هتاذيه اكتر منك وهتكلف الوفات
جوز احتي عنده تويوتا الجديد وكان راكن علي جنب علي الصحراوي وجه ملاكي لبس فيه من ورا طبقله الشنطه بس واتكلفت مصنعية بس 3 الاف جنيه

ماهو دة الطبيعى و العادى فى مصر , السواقة بلطجة و مين صاجة أنشف من مين

المشاركة الأصلية كتبت بواسطة taiwo

ههههههههههههههههه ليه التصييح ده يابرنس ..
أنت هتضربلنا السياحة ف طنطا كده ... :_alshmokh15[1]:

ولا ضرب سياحة ولا حاجة ماهى كل محافظة أو مدينه فيها إلى مكفيها

المشاركة الأصلية كتبت بواسطة elawany13

الميكروباص الوحيد اللى تحس انه ابن ناس ومحترم
ميكروباص التويوتا
تبصله تلاقيه اكصدامات فبر زى حالاتنا
وشكله رقيق
وماشاء الله قوى وتسارعه مذهل رغم انه سولار

انما الميكروباصات القديمة ديه
والا الجديد gmc
عاوزين الحرق

هما أصلا محروقين جاهز دا شكلهم غير طبيعى

المشاركة الأصلية كتبت بواسطة mazher_m

عربيات من زمن فات
المشكله ان اصحابها احوالها الماديه متسمحش انه حتي يريحها يوم
مش يصرف عليها ويصلحها

والله كلامك عقلانى جدا و أى نعم أحنا بنضحك على طريقة سواقتهم بس الناس دى كل همها أنها تعيش و خلاص و لو كانوا لقوا شغل محترم أو مستوى أجتماعى نضيف مكانوش بقى دة شكلهم ولا طريقتهم ولا ثقافتهم
ربنا يتولاهم و يتولى الجميع إن شاء الله

المشاركة الأصلية كتبت بواسطة mbhead

دول فان في منهم شيفي و فورد و دودج و جي ام سي كان مع والدي واحدة شيفي كامبر قمة المتعة العربية دي كان فيها تلاجة و كنبتين قدام بعد و ترابيزة و ستاير كانت 8 سلندر اوتوماتيك و الازاز القدام كهربا موجودين بكثرة في البحيرة و كفر الشيخ و قطع غيارهم كذلك
بيصلوا للسواقين ببساطة الفان مصريف تشغيله عالية و فسعره بيقل و الطلب عليه يقل يشتريه سواق يحوله اجرة و يشل الموتور و يحط ديزل غالبا موتور شيفرولية جامبو و في بعض الاحيان موتور امريكاني ديزل و هكذا عربيات كتيرة جدا المرسيدس الاس كلاس القديم مالي الصعيد و الامريكاني كاديلادك و بويك و ماشابه ذلك انا والدي زمان كان بيشتري عربيات يصلحها بنفسه و يبعها علي سبيل الهواية و احيانا الربح بيحكيلي انه سنة 89 اشتري عربية جاجوار موديل 58 لقي واحد ركبها مخبطة و متربة لكن موتورها سليم و صالونه والدي اتكلم معاه لقي الراجل مش عارف ينطق اسمها صح و لا عارف قيمتها و قاله اي حاجة بنقضي بيها المشوار و خلاص كان اشترها بسعر قليل 3 الاف علي ما اتذكر .....العربيات دي عموما بغض النظر هيا فان او حتي كاديلاك توضيبها عشان تبقي نضيفة مكلف حاليا لان قطع الغيار مش متوفرة وبالاخص الرفايع فتتجاب من بره مصر و التكلفة عالية و العربيات دائما كل ما تقدم كل ما يبقي تصليحها اصعب لان اللي بيفهم فيها بيقل مع الزمن يبقي الحالة الوحيدة وجود هاوي علي استعداد مادي و دول موجودين في مصر ....ثقافة القديم مش موجوده في مصر لان سعر العربيات عالي و مستوي دخول معظم الافراد لا يسمح بشراء عربية مكلفة في التشغيل و الصيانة و مشكوك في اعمتاديها كسيارة للاستخدام اليومي و تقدير الاشياء القديمة عموما غير موجود سواء في العربيات او غيره كمثال مباني اسكندرية القديمة اللي شكلها و طرازها المعماري غاية في الجمال بتتهد و يتبني بدلها ابراج قبيحة و لا احد يهتم اما خارج مصر الامر مختلف مستوي دخول الافراد عموما اعلي و العربيات رخيصة للغاية و المستعمل بالاخص عربية زي المرسيدس الزلمكة دي في المانيا تمنها الف او الفين يورو وتقدير السيارات الكلاسيكية موجود
أسف علي الاطالة

بسم الله ماشاء الله
يعجبنى فيك إنك راجل كتالوج
و بحب أشوف ردود حضرتك كدة من أول موضوع العربيات الأمريكانى القديم إلى كنت عملته و حضرتك دخلت ترد فيه على ماأظن

المشاركة الأصلية كتبت بواسطة k_e

انا من الي بشوفه من المكروباصات وسواقينهم بقا عندي فوبيا المكروباص :( بقيت ابعد عنهم اكتر ماببعد عن العربيات النقل
ربنا يتوب علينا

أصل النقل ممكن يخاف على عربيته , لكن الميكروباصات دى صراع الجبابرة يعنى بمعنى أصح لو دخل فى عربيه دايو ولا لانوس ممكن يطبقها زى ورقة الجبنه المثلثات

المشاركة الأصلية كتبت بواسطة mirra

العربيات دى اغلبها كانت عربيات اسعاف جاية تبع المعونة الامريكية فى التمانينيات و لما اتكهنت اتباعت خردة فى مزاد بس كان ليها ورق اشتراها السواقين و عملوها ميكروباص كمان كان فية منها ملك شركات بترول.....زى عربيات الجيش الواز اللى بتتكهن و بعدين تبقى ميكروباص ارياف.

والله معلومة جميلة أوى و ميرسى على الأضافة

المشاركة الأصلية كتبت بواسطة elawany13

ثبات ايه ياباشا !!!!
اكيد طبعا لو مش ملعوب فيها هيبقى فيها ثبات
انما العربيات ديه اتعدمت العافية
كل حته فيها اتلحمت وفكت واتلحمت واتعدلت مليون مرة
من سنين طويلة اكثر من 15 سنة
كنت راكب عربية زيهم
وكان فيه شوية ميه على الاسفلت
وكنا ماشيين على سرعة لا تتجاوز 20 كم/س
والعربية تقريبا فاضية
لاقيتها لفت عملت 45 درجة

هوا بيتكلم على العربيه بشكل عام مش الحاله دى
لأن الحالات إلى موجودة فى مصر أغلبها زى مانت جربت
لكن فيه حالات نادره جدا جدا جدا بتبقى أفضل كمان من عربيات كتيرة جدا جديدة