معدل البنزين للأسبيرانزا

**AMRSPEED** · 20-06-2007 06:08 AM

انا العربيه معايا جوه البلد بتعمل 100 كيلو فى الصفيحه فياريت اعرف العيب من ايه
والمعدل الطبيعى قد ايه فى البلد وخارج البلد

**ehabbadr** · 20-06-2007 07:30 AM

المعدل بيختلف حسب التكييف شغال و لا لأ و طريقه القياده و حضرتك العربيه عامله معاك كام كيلو وبتلين و لا خلصت انا عن نفسى العربيه عامله 5000 كم داخل البلد مع التكييف حوالى 220 كم فى الصفيحه و خارج البلد رحت القاهره بحوالى 14 ليتر لكن حكايه 100 كم فى الصفيحه دى غريبه جدا (الصفيحه 20 ليتر )

**e1a2f** · 20-06-2007 10:30 AM

قصدك 100كيلو في 10 التر أي 200 كيلو في الصفيحة كما تفضل د ايهاب سابقاً المعدل الفعلي للسيارة مفروض يكون 200-220 كيلو في الصفيحة اي 20لتر داخل البلد وبالخارج 12-13 كيلو باللتر وتختلف حسب القيادة ويمكن مراجعة العداد الخاص بإستهلاك لتر/ 100كيلومتر لمعرفة الطريقة الإقتصادية لتحقق أحسن استهلاك وقود

**AMRSPEED** · 20-06-2007 03:06 PM

انا المعدل داخل البلد من غير تكيف 100 كيلو فى الصفيحه يعنى 20 لتر ومن غير تكيف كمان ورحت التوكيل مش عارفين حاجه فممكن يكون من ايه

**tarek2** · 20-06-2007 03:25 PM

أنا معدل أسـتهلاك البنـزين عـنـدى 200 كـم فى الصـفـيحـة ، أنت طـريـقـة حسـابك للمـعـدل غلط ؟
لحسـاب المعدل يجب الأتـى :
1- ملىء التنك بالكامـل ( فول تنك ) - مع تسـجيل قراءة عداد الكيلومتـر .

2- عند وصول مـؤشـر البنزين الى منتصف التنـك - سجل قـراءة العـداد مرة أخـرى و أمـلاء التنك ( فول تـنـك )

3- أقـسم الفـرق بين الـقـرأتين / كميـة البنـزين ( تفويل التنـك ) فى المـرة الـتـانبـة = معـدل استهلاك كـم / لتر

الرجــا من السـادة الأعـضـاء تسـجـيـل معدلاتـهـم لأمكـان المـقارنـة ومحـاولة معرفة الفرق فى الأسـتـهـلاك .

**TAREKSHEIR** · 22-06-2007 11:08 AM

على كده بقى الـ 620 معدلها كام .
الأوبل 1600 معدلها خارج البلد ياجماعه 290 فى الصفيحه .. :( :( :(

**TAREK ZIAD** · 22-06-2007 02:10 PM

على كده بقى الـ 620 معدلها كام .
الأوبل 1600 معدلها خارج البلد ياجماعه 290 فى الصفيحه

عزيزى طارق باشا
ال 620 إستهلاكها أعلى بكتير جدا من الكورسا (سيارة والدى) و لا مجال للمقارنة لكى لا تستاء، العربية كبيرة وتقيلة وكمالياتها كتيرة وبتستهلك بنزين ماتنساش إنها 2000 سى سى. و الحقيقة أنا حسيت فعليا بالموضوع دة مقارنة بسيارتى السابقة فى مصر لكن دى مقارنة غير صحيحة لإختلاف إمكانيات و قدرة السيارتين. حاولت أحسب معدل الإستهلاك لكن الوقت لم يسعفنى قبل السفر. أعتقد أخونا حسام الدين ممكن يفيدنا لاحقا.
تحياتى
م/طارق زياد

**TAREKSHEIR** · 22-06-2007 04:28 PM

أنا إللى فاهمه إنكم بتحسبوا للـ 516 وهى 1600 سى سى فبقارنها بللى زيها 1600 سى سى ( كورسا سيدان ) وشايف إن هى كده بتسحب بنزين كتير . مش أنا كده فاهم صح ؟
وبسأل على الـ 620 على أساس إذا كانت الـ 516 كده تبقى دى إيه .
وعلى حد علمى الـ 620 بتعمل حوالى 220 فى الصفيحه بره وجوه ده بسؤال ناس مجربه يعنى على كلامكم زى الـ 516 . إيه رأيكم . :(

**mohamed yousry** · 22-06-2007 05:35 PM

اعتقد ان اى عربية 1600 تنتمى لسوق شرق اسيا (كورى صينى يابانى) هتعمل 225 كيلو كمتوسط فى الصفيحة على البطىء... ودة اللى بتعملة الفرنا معايا وكذلك الاكسنت 1300 (لأنها كربراتير) ...ومحسبتش بالظبط السريع لأنى عمرى ما سافرت بيها....و ياريت احد الخبراء يعملنا مقارنة فى استهلاك البنزين بين معظم العربيات الشعبية المنتشرة فى مصر.......

**TAREKSHEIR** · 22-06-2007 09:54 PM

أنا أعرف التويوتا 1300 بتعمل فى الطوالى 330 فى الصفيحه .
الأوبل كورسا 1600 بتعمل فى الطوالى برضه 290 فى الصفيحه
الـ 128 الـ 1100 زى التويوتا تقريباً .

الموضوع: معدل البنزين للأسبيرانزا

LinkBack

أدوات الموضوع

عرض

-

-

-

-

-

-

-

المواضيع المتشابهه

معدل استهلاك البنزين فى 127

معدل استهلاك البنزين !!!!!

معدل استلاك البنزين لل 206 كام ؟

معدل استهلاك البنزين

معدل استهلاك البنزين والعوامات بتاعة عدادات البنزين ؟

الكلمات الدلالية لهذا الموضوع

المفضلات

المفضلات

ضوابط المشاركة