تسريب بنزين في الفيرنا

**halawa10001** · 08-07-2012 07:48 AM

السلام عليكم جميعا
العربية اللي معايا فيرنا موديل 2009 موتور1600
المشكلة اللي عندي في العربية هي اني باشم ريحة بنزين دايما عند تدوير العربية الصبح وتفضل الريحة لمدة دقيقة او اتنين ومش عارف بتيجي منين مع ملاحظة ان الريحة بتكون من الخارج وبتكون اكتر وانا فاتح كبوت العربية الا اني حاولت اكتر من مرة اكشف على مكان التسريب ده عند مركز خدمة بتاع واحد صاحبي وملقيتش اي تسريب مع العلم ان العربية دلوقتي بقت سفاحة بنزين
ومن فترة كانت الريحة ظاهرة اوي داخل العربية واكتشفت ان مخرج البنزين من التانك (الوش البلاستيك الابيض) مشروخ وعامل نافورة بنزين وغيرت الوش البلاستيك ده وبعد كدة ابتديت اشم الريحة برة العربية وخصوصا بين الموتور وصدر الصالون الموتور
افيدوني افادكم الله

**HAITHAM1985** · 08-07-2012 08:46 AM

اللى أنا فهمته إن وش التانك اللى أنت غيرته محلش القضية بردوه ........ مممممممممم

طيب أنت راجعت على وصلات البنزين من التانك لغاية الموتور ...... أكيد عملت كده !!!

ممكن يكون عادم غير كامل الإحتراق بيدى نفس ريحة البنزين ....... بس أنا كده بخرف لأن ده معناه إن الموتور فيه حاجة لا قدر الله

مش عــــــــــارف ....... ممكن يكون التانك نفسه

مش عــــــــــارف ...... بس ربنا هيدلك على السبب

**bassemhoho** · 08-07-2012 08:47 AM

انا حصل معايا في فيرنا برضو اكتشفت ان خرطوم البنزين اللي جاي من التنك للموتور كله متشقق ولازم يتغير بس غبور مكنش عندو لان في ناس كتييييييير حاجزينو فلازم تستني في لوحه انتظار
المهم عرفت ان المصنع اللي بيعمل الخرطيم ديه لغبور في الحرفيين رحت اشريتو من هناك

**magedtohami** · 08-07-2012 10:45 AM

اكشف على دورة البنزين كلها وبسرعة مشيك بالعربيه كده خطر وربنا يستر طريقك

**tarek_2005** · 08-07-2012 12:01 PM

من كلامك ساعة اما بتدور العربية الصبح
سؤال مهم بتختفي الريحة بعد كدا ولا بتستمر
لو بتختفي غير كلبسات فلتر البنزين
لو بتستمر اكشف علي جميع وصلات البنزين في السيارة

**halawa10001** · 09-07-2012 02:55 AM

المشاركة الأصلية كتبت بواسطة bassemhoho

انا حصل معايا في فيرنا برضو اكتشفت ان خرطوم البنزين اللي جاي من التنك للموتور كله متشقق ولازم يتغير بس غبور مكنش عندو لان في ناس كتييييييير حاجزينو فلازم تستني في لوحه انتظار
المهم عرفت ان المصنع اللي بيعمل الخرطيم ديه لغبور في الحرفيين رحت اشريتو من هناك

هو واضح فعلا ان مجموعة الخراطيم الواصلة من التانك الى الموتور محتاجة تتغير فياريت اذا سمحت تبعت لي عنوان المصنع ده علشان اشتريها منه ولك جزيل الشكر

**halawa10001** · 09-07-2012 03:03 AM

المشكلة ان الريحة مش بتظهر الا لما تكون العربية باردة او مركونة لمدة ساعتين ومش بتستمر عند تدوير العربية الا لفترة بسيطة
وكنت بألاحظ نزول نقط من السائل عند بداية ظهور الخرطوم بتاع البنزين الصاعد من اسفل حوض الموتور الى مدخل الانجكشن وده كان بس لما تكون العربية باردة لكن لما روحت مركز خدمة وتم رفع العربية ووصفت للراجل مكان التسريب اللي شوفته ملقاش اي تسريب في المكان ده وكنت ساعتها ماشي مشوار طويل يعني العربية كانت سخنة يعني ممكن البنزين فعلا كان بيتبخر من سخونة الموتور علشان كده الراجل بتاع مركز الخدمة ملاحظش التسريب