تحذير بخصوص تغيير الزيت

**DONYO** · 08-07-2012 09:34 AM

ارجو من الزملاء الانتباة التام لان فيه موقف حصل معايا في بنزينه شل اللي في شارع الهرم على ايدك الشمال وانت جي من الجيزة ( يعني على الرصيف التاني).
رحتلهم اغير زيت وفلتر والصنايعي جاب علبه الزيت وانا اديته الفلتر من عندي وبعدين اللي تحت فك الطبه وركب الفلتر الجديد وقال للي واقف فوق حط الزيت.
الرااجل حط 3 كيلو بس - لاحظوا اني كما مغير فلتر والفلتر بياخد لوحدة نصف كيلو من الزيت - وكان عاوز يدفن العلية ، قلتله كمل الزيت حط ال4 كيلو كلهم قالي لأ كدة كثير عليها ، قلتلة يا عم انا مغير فلتر وكل مرة بتاخد ال4 كيلو كلهم راح دالق شوية كمان ( كأنه من جيب اهله ) وراح رامي العلبة في المكان اللي تحت اللي الراجل بيقف فيه علشان يفك الطبه.
قمت قلتلة هات العلبة من تحت انا عاوزها وخدتها وحطيتها في شنطة العربية ومشيت وبرة البنزينه وقفت لقيت في العلبة حوالي نصف كيلو كمان كان عاوز يضرب عليهم . قمت زودت الموتو باقي الكمية .
تخيلوا كان عاوز يمشيني بزيت ناقص ويحرقلي الموتور او اضعف الايمان يتعبة علشان البيه طمعان في كيلو زيت...........حسبي الله ونعم الوكيل

**SYD** · 08-07-2012 10:26 AM

انت متأكد ان موتورك بياخد ال4 كلهم بالفلتر ؟؟؟

بغض النظر انه طمعان او غيره
أشتري منه واسمع منه للأخر
يمكن يكون بيتكلم صح

انا معاك انهم مش بيفهموا
بس من كتر التغيير يمكن هوا اكتشف ان عربيتك بتاخد الكمية دي بس

بس احسن انك خدتهم منه وماتكسفتش

ربنا يرحمنا برحمته

**SAMEH_FOUAD** · 08-07-2012 10:42 AM

الفلتر بياخد فقط ربع كيلو , والعربية بتاخد 3.5 لتر زيت

راجع مقاس زيت ماتورك كويس على ارض مستوية وان تكون السيارة باردة تماما

**MohammedAladel** · 08-07-2012 11:46 AM

طيب خليك رحت لمركز صيانة عمره ما اشتغل فى عربية زى اللى معاك وقلتله حطلى زيت ايه وغيرلى فلتر إيه المفروض يعمله يسألك ؟ ولا هو ليه معرفة وخبرة مع تغيير الزيوت فى العربيات أصل والدى راح وخدوا منه العربية وقالهم غيرولى زيت وفلت راح طلع برا استناهم لحد ما غيروا والله حاجة تغيظ المفروض يبقى واقف معاهم بعدين إدوله شوية زيت فى الجركن باقييين انا منظر الزيت عندى بعد التغيير محروق الزيت دا تخليقى توتال كوارتز 9000 لحد ما أنا شاكك إن هما ما غيروش الزيت !! والله أعلم وأدينى ماشى بالعربية معرفش ع الزيت القديم ولا الجديد