الموضوع: تنظيف البوابة خطوة خطوة - بالصور

السلام عليكم ورحمة الله وبركاته

النهاردة ان شاء الله هنشوف سوا ازاي تنظف البوابة Throttle بخطوات سهلة جدا ومفهاش اي مجهود

الأدوات المطلوبة

1- مفك صليبة
2- بيبة مقاس 10
3- منظف كربراتير او انجيكشن اسبراي

انا شخصيا استخدمت منظف انجيكشن جانك
ودي صورته


الخطوات


1- هتفك غطاء الموتور البلاستيك بالبيبة ال10


2- هتفك العمة من المسامير الأربعة المحددين بأسهم وارقام وانا معلم عليهم باللون الأحمر لسهولة تمييزهم



3- هتفك خرطوم فايظ الزيت من تحت العمة
4- هتنظف البوابة الأول بمنديل ورق




5- ممكن تفتح البوابة شوية عن طريق الأكسراتير لتسهيل التنظيف من الداخل زي الصورة كدة


6- هترش شوية بالأسبراي في البوابة - وهي مقفولة طبعاً
7- هتجيب منديل وتنظف تاني - وبردو هيساعد انه هيشرب شوية من المنظف عشان تساعد علي تطايره وماتخفش مش هينزل جوة المانفولد لأن البوابة المفترض بتكون قافلة كويس
8- هتفك غطاء العمة من المسامير الأربعة التانين وانا معلم عليهم بالأصفر لسهولة تمييزهم


9- لو لقيت مكان لبخر الزيت - رش عليه شوية بالمنظف عشان تنظف العمة من جوة من اي اثار لبخر الزيت




ودة شكل البوابة بعد التنظيف




والتركيب طبعاً هتعكس كل الخطوات السابقة وتتأكد من تركيب خرطوم بخر او فايظ الزيت

وأشوفكم قريباً في تقرير مصور أخر ان شاء الله

والله المستعان
،
،