اقتباس:
المشاركة الأصلية كتبت بواسطة darkmagician
واياكم باذن الله
ياباشا والله اللي انا مستغربو ان الناس اللي بتغض بتستخدم حاجات مصانع بتستخدمها يعني الناس بتفهم اهو بس للاسف الفهم ده كلو مسخر للغش
على فكرة انا لما بحتاج زيت قديم بروح اديلو 5 جنيه ويديني 4 لتر يعني تخيل بقا لو انت خدت جركن 4 لتر ورحت عاملو تاني ومبرشمو وبعتو بالميت يعني ب 100 جنيه شوف المكسب بقا
حسبي الله ونعم الوكيل
وبتشترى زيت قديم ليه
فين زيت عربيتك
أنا بغير الزيت والفلتر بنفسى وبحتفظ بالزيت القديم
أولا علشان مبهدلش الشارع بالزيت القديم
ثانيا : بحاول استفاد بيه بستخدمه فى التزييت
وفى التعامل مع مسمار مصدى ولا حاجه
بالنسبة لغش الزيوت فعلا احنا كشعب مصرى دماغنا بقت فى المكاسب المهولة وبس
حلال ولا حرام مش بتفرق
إلا من رحم ربى
أنا لما عرفت موضوع بيع الزيوت المستعملة كنت متخيل فى الأول انهم بيلموها وبيرجعوها للمصانع الكبيرة
وبيعاد تدويرها بصورة علمية وبنظافة
وبعدين اكتشتف انهم بيغشوها تحت بير السلم
ويبعوها تانى لمحلات تغيير الزيوت
من يومها وانا حريص انى اشترى من الزيت من البنزينة النظيفة للشركة المنتجة للزيت