التغيير من معدنى الى تخليقى ......

**galilio_mad** · 23-06-2008 09:58 AM

سلام عليكم يا رجالة

الموضوع انى عايز انقل لكم اللى حصل معايا عشان يمكن يفيد حد

انا عربيتى عاملة حوالى 260000 كم و انا عامل منهم بتاع 50-55 الف فى سنتين
كنت باحط زيت شيل هيلكس سوبر و باغيرة كل 2000-2500 كم
المشكلة انى فى فترات بسافر كتير ( الشهر اللى فات مرتين شرم الشيخ و 6 مرات اسكندرية )
فطبعا بانسى الزيت كتير او ما بلاقيش وقت اغيره
قعدت ادور على النت كتير قوى , مواقع رسمية و منتديات برضو
المهم اللى وصلتلة ان ممكن التغيير من زيت معدنى الى تخليقى بدون مشاكل
انتهزت انا فرصة انى من 3 اسابيع كده غيرت جوان وش السلندر فطبعا الميكانيكى حبيبى روق الموتور من جوه على الاخر
و اداله غسلة محترمة, حطيت زيت اسو غريب كده ب 42 جنية و طلعت مشيت بالعربية حوالى 100 كم عشان النظافة
رجعتله تانى يوم , عاد التربيط على الشغل و رحت منزل الزيت و الفلتر

حطيت شل هيلكس الترا - و الحمد لله النتيجة فوق الممتازة , مفيش رشح و لا تعريق و لا نقصان زيت
النهاردة الصبح و انا جاى الشغل العربية كانت عاملة 1200 كم بالضبط على الالترا
و كل يوم باشوف المقاس و بسم الله ما شاء الله مفيش نقصان
مع العلم ان الموتور عندى ما بياكلش زيت خالص و الاويلسيلات كلها 80-90%

يا رب افيد حد بالكلام ده

**ahmedsrs** · 23-06-2008 06:54 PM

ممكن اسم الزيت الى حطيته كغسيل للموتور وهل هو الأويل فلش

**galilio_mad** · 24-06-2008 11:42 AM

لأ انا مستعملتش فلاش اويل
الراجل كتر خيره لما لقى المكنة مفتوحة روقها بجاز و فرشه طويلة رفيعة فى مجارى المية و الزيت
و فكينا الكارتيرة و غسلنا كل حاجه
و بعد ما خلص نزل كل بواقى الغسيل ببنزين بكومبريسور الهوا
الحمد لله المكنه ما كانش فيها Sludge و حتى ال Varnish كان فى المعقول