الموضوع: عايز اعمل مصنع بلاستيك

اللي عايش بره مصر :::::::::::::::::::::::::::::::: اياك تعمل او تفكر او حتى تحلم بمشروع في مصر الا لما تنزل نهائي و تستقر في البلد
غير كده يبقى انت اللي معاك فلوس و عايز تطيرها في الهوا

لو ناوي تنزل مصر خلال سنتين يبقى لازم تبدأ من دلوقتي في بعض الاجراءات :

- اعداد دراسة جدوى
- التقديم على طلب ارض في منطقة صناعية
- استخراج التصاريح و الاوراق و التراخيص و اللذي منه

طبعا كل دي حاجات محتاجة وقت طوووووووووووووووووووووووو ووويل و محامي هيعملها مش انت فممكن تستفيد بالوقت في اجراء الورق ده كله .
بس خلي بالك انت لازم تبني خلال 3 سنوات بالكتير

انت ممكن في اي وقت تغير نشاط المصنع زي ما انت عايز و الموضوع مش مشكلة كبيرة يعني .
اهم حاجة ان الشغل بتاع المباني و المعدات و تشغيل المصنع تكون انت بنفسك موجود مش اي حد تاني
و لو كنت محتاج 300 الف للبداية اعمل حسابك على 600 الف عشان هتلاقي عفاريت بالهبل طالعة من تحت رجليك مش معمول حسابها ...

مز مزاجنجني

اعتقد المشروع ده يكفيه غرفتين في البداية ولو شقة 100 متر تكفي كبداية طيبة وكتوسعة معقولة في المستقبل


وهيعوز فقط عداد صناعي


والرخص والحاجات دي ممكن يعملها على المهل لو نازي يشتغل مباشرة





.

المشاركة الأصلية كتبت بواسطة yousef1978

مز مزاجنجني
اعتقد المشروع ده يكفيه غرفتين في البداية ولو شقة 100 متر تكفي كبداية طيبة وكتوسعة معقولة في المستقبل
وهيعوز فقط عداد صناعي
والرخص والحاجات دي ممكن يعملها على المهل لو نازي يشتغل مباشرة
.

لا يا حاج يوسف ................. مينفعش كده و ماكانش حد غلب يا ريس
صناعة البلاستيك من الصناعات اللي ليها صرف صناعي خاص بيها و مسجلة في جدول أ في وزارة البيئة و لازم تكون في منطقة صناعية و مينفعش تبقى في منطقة سكنية ... لو اتمسكت هتشيل قضية بيئة غرامتها 100 الف الى 150 الف ....... و طبعا اللي يحب يخدم كتييييييييييير

و عشان تاخد ارض في منطقة صناعية هتدفع تامين 50 جنيه للمتر و لما تبدأ المباني بتسترد التامين و تاخد عقد تخصيص للارض و بعد 4 سنين اظن بتاخد عقد ملكية
و كل ما اخدت ارض كبيرة كل ما سهلت على نفسك في التوسعات ... متقولش انا النهاردة محتاج 200 متر بس ........... في خلال سنة هتلاقي نفسك محتاج 2000 متر

المشاركة الأصلية كتبت بواسطة ghost11

انا عندى الارض 130 متر هارمى الاساسات إن شاء الله واعمل دور ارضى فقط وتقريبا هيكون معايا 200 الف بعد البناء معرفش المبلغ ده يشغلنى ولا لا انا هابدا على مهلى وممكن اجيب المعدات استعمال نضيف بس مش عارف هاحتاج عربية نص نقل علشان التوزيع ولا ايه النظام

انت عايز تعمل ايه في البلاستيك ؟
او انت عايز تعمل مرحلة في الوسط بس ؟
خلي بالك ان خامات البلاستيك غالية جدا
و ضروري جدا يكون عندك عربية نص نقل حمولة 8 طن و عربية ربع نقل لخدمات المصنع و دول لوحدهم ب 300 الف

حدد الفكرة و ندرسها مع بعض و نشوف كل تفاصيلها و تكاليفها
و لو الموضوع كويس ممكن نتشارك مع بعض فيها

حاج مزاجنجي

أعتقد إن الزميل بيتكلم عن مصنع أكياس بلاستيك وده ما فيش فيه مشكلة ومنتشر في كل المدن

ويمكن انت بتتكلم عن مشروع إعادة إنتاج المواد البلاستيكية أو حاجات تاني مرتبطة بالبلاستيك لكن صناعة الأكياس من البولي ايثيلين ومقصات وكده









بخصوص المبلغ اللي مع حضرتك - لو انت مصمم تخوض التجربة فأنا أنصحك إنك ما تعملش إنشاءات علشان انت محتاج لكل مبلغ - وتقدر تشوف غرفتين في اي مكان ملكك او تأجر دور أرضي أو بدروم في أي منطقة ولو بعيدة شوية عن العمران والإيجار هيكون حمله أخف من أعباء الفلوس لو احتجتلها واضطريت تشتري خامات بالآجل وبسعر أغلى


أنا سبت مصر من زمان

لكن أعتقد إن تكلفة الطن الفاخر ممكن تقترب من 8000 جنيه - وانت هتحتاج مثلا عشرين طن من أحجام وألوان مختلفة وده بصورة مستمرة - يعني غير الكميات اللي هتكون مفروشة في السوق ولسه ما جمعتش ثمنها

يعني ممكن في إعتقادي تحتاج مونة وسيارة يدوبك 200 أالف يكفوهم

يبقى الفلوس اللي هتبني بيها تقدر تجيب بيها ماكينات مستعمله

طبعا انا بأقولك على حسابات غير دقيقة نهائيا وعليك أن تعود لدراسة جدوى عمليه من خلال مختصين


اما لو أخذت نصيحتي - شرا العبد ولا تربيته ولو حتى في البداية

يعني ممكن بالمبلغ ده تتفق مع مصنع محترم إنك تشتري حصة من إنتاجه بالكاش اللي معاك وبسعر منافس
المصنع هيستفيد إنه هيزود إنتاجه ويحسن تكلفة المنتج لديه وانت هتكون على البر وتقدر تعيش التجربة من غير تكلفة إنشائية نهائيا من معدات او إنشاءات أو رخص أو أي تجهيزات أو حتى ضرائب وخلافه

وكمان تقدر تتفق مع المصنع إنه يكيس الكيلو أكياس داخل كيس عليه إسم خاص بيك

ربنا يوفقك ويا ريت تقولنا اخبارك اول بأول يمكن نستفيد من تجربتك وأنزل أنا كمان لأني زهقت ع الآخر




.