عايز اعمل مصنع بلاستيك

**ghost11** · 10-07-2012 11:21 PM

انا قصدى على مصنع لعمل اكياس الشنط البلاستيك بس وده منتشر جدا وفى المحافظات وانا للاسف الارض بتاعتى فى منطقة سكنية فالظاهر كده ان الموشوع مش هينفع انا بافكر جديا فى موضوع التوزيع زى ما يوسف اقترح او ممكن لو عندك افكار حلوة يا مزاجنجى تقولى عليها وندرسها مع بعض

**MaZaGAngeE** · 10-07-2012 11:35 PM

المبلغ ده ممكن تعمل بيه مشروع كويس لو انت في المنيا مثلا
انا اقدر اساعدك انك تاخد محجر و تركب كسارة و هزاز
لو انت من محافظة فيها محاجر رملة او زلط دي هتكون فرصة ربحيتها ممتازة جدا

كمان ممكن اساعدك في مصنع حلل المونيوم و كوبايات و براريد
ممكن كمان الصابون السائل و الصلب

دول في حدود المبلغ 300 الف و اقل

**ghost11** · 11-07-2012 07:37 AM

انا من الشرقية ومعرفش فى محاجر عندنا ولا لا
على العموم انا انشاء الله هابدا موضوع توزيع شنط البلاستيك ولو مشى معايا وعرفت افتح لنفسى سوق هاعمل المصنع لانى مش عايز اخسر كتير الفلوس دى تمن ايام غربه وعذاب وربنا يعمل اللى فيه الخير

**MohammedAladel** · 11-07-2012 03:07 PM

السوبر ماركت ماله ؟ ومحل موبايلات نضيف إحنا فى المنيا كلها مفيش واحد صيانة محترم أو معتمد أو مكتبة مثلا مطعم فيه مشاريع كتير والله بالنسبة للمحجر أخو جوز عمتى عمله وخسر فيه طيب ليه ؟؟ عشان ما عملش حساب السوق كان فاكر إن المشاريع دى هات مكن وعمال واعمل منظر وخلاص بس دلوقتى هو قام على رجله تانى بس بعد ما خسر كتييييييييير

**MohammedAladel** · 11-07-2012 03:07 PM

أو جرب تاخدلك توكيل ملابس فى منطقة مافيهاش توكيل ويبقى شغل على نضيف

**MaZaGAngeE** · 11-07-2012 10:37 PM

المشاركة الأصلية كتبت بواسطة mohammedaladel

للمحجر أخو جوز عمتى عمله وخسر فيه طيب ليه ؟؟ عشان ما عملش حساب السوق

باشا
فيه اكتر من 5 انواع من الحجر الجيري في المنيا
منهم نوعين 2 اللي ليهم سعر و قيمة و الباقي بيتم استخدامهم طوب للمباني
و المحاجر ليها مشاكلها زي اي شغل في الدنيا
بس ارباحها عالية جدا و على قد ما تصرف على المحجر على قد ما هتكسب منه
و اهم حاجة ان يكون عندك تسويق كويس لمصانع زجاج او شركات تصدير