انا فى حيره نيسان صنى الجديده 2013 اوتوماتيك ولا النترا تانى فئه اوتوماتيك + فتحة سقف

**hossam_elwani** · 08-07-2012 04:59 PM

انا حاجز نيسان صنى 2013 على قد فلوسى بس ربنا كرم وكله بفضله ونعمته بمبلغ زياده فداخله فى دماغى من الاول الالنترا قبل النيسان ماتظهر فى السوق لانها شكلها مبهر جداا وكمان واخده تصنيف عالمى ومحرك قوى وصالون واسع واقتصاديه فى البنزين زيها زى النيسان وفتيس تبترونيك بس للاسف حفقد الميزات الى فى النيسان من ABS+ EBD+ BA + امبوليزر + توكيل قوى نسبيا لنيسان مقارنه بغبور والشكل كاساس فى الاختيار طاغى عليا اعمل ايه ؟؟

مع العلم انى حدفع مقدمه كبيره نسبيا للنيسان وحيزيد شويه للالنترا والقسط الشهرى هو هو مفيش زياده فى الحالتين ومقسط من بنك ناصر

وعلى فكره مفيش استعداد لانى اطلع بلفئه دى اعلى من كده يعنى مقدرش ازود تانى فوق المبلغ ده عشان اجيب العربيه بإيرباج او abs

يعنى المشوره بين الاتنين دول بس فقط لاغير

انا فى حيره نيسان صنى الجديده 2013 اوتوماتيك بـــ 100000

ولا النترا تانى فئه اوتوماتيك + فتحة سقف بــــ 127000

شارك فى الاستطلاع وشورو عليا

**eng.m7md.ali** · 08-07-2012 05:06 PM

الالنترا احلى في كل حاجة
تسارع وفتيس وخامات تقفيل وشكل ويمكن ثبات مع ان ال 2 زي بعض في دي
والكويس في الصني هو الامان والفرامل
شوف انت مرتاح لايه لان في الاخر اللي معاه هيونداي هيقولك النترا واللي معاه صني هيقولك صني
ولو حابب التميز دخل معاهم الفلوانس في المقارنة

**hossam_elwani** · 08-07-2012 05:11 PM

وعلى فكره الالنترا معمول عليها خصم 1250 عند موزع فى طنطا

يعنى حتبقى بــ 125750 جنيه

**hossam_elwani** · 08-07-2012 05:13 PM

المشاركة الأصلية كتبت بواسطة eng f3lix

الالنترا احلى في كل حاجة
تسارع وفتيس وخامات تقفيل وشكل ويمكن ثبات مع ان ال 2 زي بعض في دي
والكويس في الصني هو الامان والفرامل
شوف انت مرتاح لايه لان في الاخر اللي معاه هيونداي هيقولك النترا واللي معاه صني هيقولك صني
ولو حابب التميز دخل معاهم الفلوانس في المقارنة

الفلورنس لا بقبلها شكلا ولا موضوعا

كفايه سعر اعاد البيع فى الارض

**Mohamed_Hamada** · 08-07-2012 05:48 PM

لو عاوز وسائل أمان ووسع رهيب واعتمادية واقتصادية في البنزين يبقى الصني.. لو عاوز شد وجري تبقى الالنترا

**hossam_elwani** · 08-07-2012 06:10 PM

المشاركة الأصلية كتبت بواسطة mohamed_hamada

لو عاوز وسائل أمان ووسع رهيب واعتمادية واقتصادية في البنزين يبقى الصني.. لو عاوز شد وجري تبقى الالنترا

من ناحية الوسع اعتقد ان الالنترا نفس وسع الصنى من حيث السعه اللتريه للصالون

والاعتماديه لليابانى مفيهاش كلام

بس الهيونداى بقت اعتماديه جداا والخليج يشهد بكده

اما من ناحية البنزين فتقريبا واحد

الصنى بتعمل من 5.7 الى 6.5 تقريبا

متوسط على الطرق السريعه وداخل المدينه

الالنترا بتعمل من 6.1 الى6.7

متوسط على الطرق السريعه وداخل المدينه

يعنى الفرق مش كبير

**ashouhdy** · 08-07-2012 06:17 PM

بعيد عن السياسة ومشاحنتها ياحسام باشا :-))))

انا صوتت للالنترا عشان كنت فاكر فيها abs

لو تعرف تجبها فى abs حتى لو خليجى وضمان تريبل A يبقى ممتاز لو معرفتش يبقى ابلع تصميم وخامات الصنى واركبها

**hossam_elwani** · 08-07-2012 06:37 PM

المشاركة الأصلية كتبت بواسطة ashouhdy

بعيد عن السياسة ومشاحنتها ياحسام باشا :-))))

انا صوتت للالنترا عشان كنت فاكر فيها abs

لو تعرف تجبها فى abs حتى لو خليجى وضمان تريبل a يبقى ممتاز لو معرفتش يبقى ابلع تصميم وخامات الصنى واركبها

الغريبه ان عوامل الامان دخلت فى اختيارتنا بشكل حاسم من امتى واحنا بنبص ليها على مدى السنين الى فاتت والعربيات القديمه ما احنا ماشيين ومفرقتش معنا abs من غير ه ايه الى حصل يعنى كلها فرامل وبتوقف وخلاص ده حتى الــ abs بسببه مسافه ايقاف العربيه بتكبر والنقطه الايجابيه الى فيها لصالح المناوره اثناء الايقاف فقط لاغير !!!!!!!!!!!!

**ashouhdy** · 08-07-2012 08:29 PM

ايوا بس حسيت بيها لما ركبت عربية ب abs وبتدخل ملف فى رملة والعربية تيجى تعوم الabs يلمها شعور تانى بالامان
وغير كدة مش فى كل الاحوال حتعرف تسيطر على اعصابك وتضرب فرامل ومتخليش العربية تزحف

لسة من فترة واحدة بتعدى بعربية بيبى قدمها معملتش حاجة غير انى وقفت على الفرامل ولولا الاabs بعد ستر ربنا كان الله اعلم اية اللى حيحصل

خليك باللى فيها abs اضمن حتى لو خليجى لو مش حتقدر يبقى الصنى بقى وامرك لله :(

مشاهدة نتائج الإستطلاع: لو كنت مكانى تختار اى من العربيتين دول فى ظل الظروف المذكوره فى الموضوع

الموضوع: انا فى حيره نيسان صنى الجديده 2013 اوتوماتيك ولا النترا تانى فئه اوتوماتيك + فتحة سقف

LinkBack

أدوات الموضوع

عرض

-

-

-

المواضيع المتشابهه

استرا 2005 اوتوماتيك * لوجان اوتوماتيك 2013

نيسان صنى اوتوماتيك 2013 أم كورولا 2007

محتاجة مساعدتكوا اشتري لانسر اوتوماتيك أم نيسان صني او تيدا اوتوماتيك

نيسان صنى 89000ج اوتوماتيك ولا هيونداى اكسنت 84000ج اوتوماتيك

مقارنة لمالكى نيسان اوتوماتيك EX salon واوبترا اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة