عاوز مساعدتكم يا شباب التوكيل عاوز 64 الف جنية لقطع الغيار بس

انا وديت العربية التوكيل والمقيسة خلصت واتسعرت وكانت الصدمة انهم عوزين يغيرو وش العرية بالكامل وقطع الغيار في المقيسة هتكلف 64 الف جنية !!!!!!

طلبت من المهندس اني اعمل شغل السمكرة الي فيها الرفارف والكبوت والاكصدام لو فية استعدال لشاسية في التوكيل وقلتلة هعمل الباقي برة علشان بصراحة الرقم دة كبير اوي واكيد انتو كتبين حجات ممكن تتصلح او مفيهاش مشكلة وانتو هتغيروها المهم قالي مينفعش يا تعمل العرية كلها في التوكيل يا تعملها كلها برة المهم خلاصة الكلام ..... محتاج مساعدتكم لو حد يعرف اتصرف ازاي ياريت ما يبخليش عليا برئية




http://i48.tinypic.com/1zcdb81.jpg



http://i46.tinypic.com/wi8whf.jpg

ان شاء الله الاخوة يفيدوك وربنا هيعوضك عليك بإذن الله قول الحمد لله دوما

64000 جنية أية اللى هيصلحوا بيهم العربية؟؟!!
دة أسمة أستهباااااال رسمى نظمى ....
دة العربية الزيرو ب 87000 ....

هي العربية دي أيه؟ جين تو؟
معلش الأول ربنا يخلف عليك و يعوضك عنها خير
بس ده مبلغ مبالغ فيه جدا, بيتهيألي لو نزلت الحرفيين عمرها ما تتكلف 20 ألف
أنا شايف لو هي الجين تو تنزل الحرفيين أو بورسعيد و تدور على نص أمامي
و لا هتتكلم في المبالغ دي خالص
ربنا يعوضك عنها خير إن شاء الله

كلام الرجالة تمام
توكيل ايه الي ياخد تقريبا تمن العربية في تصليحها
إنزل بورسعيد .. هات نص أمامي كامل بكل حاجته
والي يفضل منه بيعه

اسال الله العلي القدير ان ياجرك وان يبدلك خيرا منها.رايي انك تبيعها زي ما هية لحد بيشتري حوادث وبكدة تكون ريحت دماغك وعلي حسب سعر البيع يعني مثلا لو حتجيب 35 الف يبقي بيعها لانك بعد تصليحها ب30 الف مثلا حتبيعها ب60الف طبعا كل الارقام دي تقريبية بس دي مجرد وجهه نظري.اما لو مصمم تصلحها صلحها برة لان فرق السعر حيبقي كبير .الاهم من كل دة اوعي تزعل الحمد لله انك مصرفتش المبلغ دة لتصليح نفسك لا قدر الله الحمد لله انك بخير وباذن الله بكرة تجيب الي احسن منها العربية في ستين داهية بس المصيبة في الايمان او النفس او الاهل اكبر.

اولا انتى عايز واحد سمكرى قرد بجد علشان يعالج الدواخل باقل خسائر,
ثانيا هى العربية دى موجودة استيراد فى بور سعيد والا لاء؟لو موجودة جبها كاملة نصين اونص امامى نفس اللون ايهما اوفر وشيل اللى هنا بكل حاجة من ماتور وفتيس ودائرة التبريد بالتكييف وسقط كلها فى عربيتك يبقى اوفر بكتيير وركبت عربية جديدة بربع اللى عايزو التوكيل.
والف حمدلله على السلامة.

طبعا ابعد عن التوكيل ..اتعامل بره اوفر واضمن كمان ... انا ليا تجربة مع التوكيل زى الزفت ابعد عنو

حمدلله علي سلامتك وان شاء الله تتصلح باقل من كدا بكتير وترجع زي الاول

السلام عليكم

انا راى اطلع على مركز عصام وصفا واسال هتتكلف كام ؟

وانشاء الله ربنا هيعوض عليك وهيعطيك احسن منها فداك اى حاجه

الحمد لله علي سلامتك أولا وأخي السائل بيع العربيه أحسن لأن أكثر الحوادث الأماميه للعربيات لاتنضبط فيوجد بها إنعواج أو إنحراف شديد علشان كده التوكيل أعطاك سعر غالي لأنك ممكن تبهدله في حكاية العربيه وتصليح الشاصي من الأمام لذلك هو قالك هذا السعر لكي لايحرج نفسه معاك وربنا معاك بيعها أحسن وتوكل علي الله بالتوفيق

64 الف عفريت ينططهم
بيع العربية احسن لانها عاملة زي البي ام متتركبش غير مظبوطة على الشعرة
والف سلامة عليك وكويس انك بخير
من الواضح في الصور انها ممكن تستعدل الربعين اللي قدام مش شرط يتغيرو

السلام عليكم ورحمة الله وبركاته

اولا حمدلله علي سلامتك , عايز اقول لحضرتك ان العربيه كلها في الحرفين مش هتزيد عن 30الف جنيه
ياعني حضرتك ممكن تشتريها كامله وتشوف حضرتك ممكن تاخد الكروسليه كله وتسقط عليه حاجتك وتشوف سمكري كويس ياخدلك رقم الشاسيه ويحطه علي الكورسليه الجديد وكأنك ركبت عربية جديدة احسن ماتسمكر وفي الأخر برده مش هتطلع مظبوطه وربنا يوفقق ان شاء الله ...
:00020191:

ده أستهبال 64000 قرد ينططهم حضرتك روح لسمكرى أبن حلال هيشوف ممكن ايه يجاب من بورسعيد او الحرفيين وهتخلص فى أقل الأشياء ومتهيالى مش هتعدى 15000 الى 20000 جنية ويمكن أقل وممكن بعد كده تبعها او تركبها وربنا يسترها معاك

يا جماعة مفيش حاجة اسمها نصين في الجيم و لا حتى نص قدام علشان كل المتقطع دركسيون يمين و مفيش بتاع قطع غيار بروتون في بورسعيد اصلا و نصين العربية " دركسيون يمين اكتر من 30 الف و هي دي اسعار السوق "

الحمد لله مليون مره على خروجك سليم منها .. ده أول شىء .. شوف يا أخى الكريم .. انا رأيى إنك ماتدخلش نفسك فى موال التصليح ووجع الدماغ الفظيع مع الصنايعيه .. و الوقت الى هتضيعه ليل نهار علشان تعرف ترجع الحاجه زى ماكانت و عمرها ما هترجع زى الأول ... شوف يا أخى .. أنا رأيى إنك تبيعها قطع غيار .. و تستعوض ربنا فى الخساره و ربنا يعوضك خير بإذن الله و تشوف حاجه تاني تشتريها .. ربنا يهديك للخير

احسن حاجة توديها المنصورة هيرجعوهالك احسن مما كانت

يا حبيبى عربيتك دى تتصلح فى الحى السابع تسليم مفتاح ب 13 الف جنية

سيبك من التوكيل

وتتصلح فى الحرفيين ب 25الف جنية

ولعلمك الشخصى هترجع احسن من التوكيل

او اشتريها منك وريح بالك

وممكن اصلحها لك واقولك تتكلف كام فى مكانها

اقتباس:

---

المشاركة الأصلية كتبت بواسطة mrisuzu

وممكن اصلحها لك واقولك تتكلف كام فى مكانها

---

طيب قول له تتكلف كام لو انت اللى هتصلحها ، زي ما قولت له سعر الحي السابع او الحرفيين ،
بس لو موضوع السعر فى الحي السابع اكيد فعلا ياريت تكتب العنوان ويروح عند مين ، لو لك معرفة معينة او بترشح حد معين.
ولو العربية هتتباع توتال لوست هيكون سعرها كام ؟!!

الحى السابع روع لواحد مشهور اسمة شعلة

اشتريها ب 30 الف جنية

العربية مافياش حاجة اساسا..سيبك من منظرها كدة...هي محتاجة كابوت ..وصدر واكصدام و4 فوانيس مش اكتر...والرفارف تترد علي البارد...العربية سليمة ...وسيبك من الوكيل...انزل اشتري االحاجة بنفسك وسمكري شاطر هو اللي يتعامل...

نصابين ..

ياباشا انا اعرف صنيعيه عندنا في امبابه التوكيل بيبعتلهم العربيات الي بتبقا عامله حدثه زي كده
اوع تفتكر ان التكويل فيهم ناس ايه قرود دول التوكيل بي الاخص بيضحكو علي الناس الغلابه دول
لو عايز ادلك علي الناس دي هدلك عليهم بس لي الاسف الناس دي مابتردش عربيات دي بتشيل وتلحم
يعني من الاخر نص امامي

اولا الف سلامة وقدر ولطف
طبعا التوكيل حرامي ومش عز العرب بس لأ ده كلهم كدة
انا كنت عملت حادثة بالافيو وفى التوكيل اشتغلوا عليا هانغير البابين علشان ماينفعش يتسمكروا ومش عارف ايه وعملولى مقايسة ب 4000 جنيه قطع غيار ده غير الرش والمصنعيات والضريبة اللى هاتتحط على الفاتورة فى الاخر وفى النهاية عملتها فى الحرفيين ب1000 جنيه ولغاية دلوقتى اللى بشوفها مابيعرفش انها كانت عاملة حادثة من أصله
سيبك من التوكيل دول حرمية وعلى فكرة عربيتك مش محتاجة شغل كتيير زى ما انت متخيل فى الحرفيين بيصلحوا حوادث اصعب من كدة بكتيير

شكراً ليكم كلكم يا شباب ربنا يقدركم ديماً علي فعل الخير

انا مش عارف ارسي علي بر في قصة تصليحها والقاهرة ملقتش فيها لحد دلوقت انصاص استيراد ..
ومش عاوز اودي العربية لسمكري وتبقا مظبوطة منظر ولا اعملها في التوكيل واشيل منها الحجات الغالية زي الاير باج والحجات الخفيفة اللي سهل تتجاب من اللي شغلين في قطع غيار البروتون ... فعلا قطع غيار المكنيكا مش متوفرة عوزة لف يا اما التوكيل
المهم انا بقيت محتار مش عارف اغامر واصلحها ولا ابيعها . ! ؟؟

اقتباس:

---

المشاركة الأصلية كتبت بواسطة be7ee

شكراً ليكم كلكم يا شباب ربنا يقدركم ديماً علي فعل الخير

انا مش عارف ارسي علي بر في قصة تصليحها والقاهرة ملقتش فيها لحد دلوقت انصاص استيراد ..
ومش عاوز اودي العربية لسمكري وتبقا مظبوطة منظر ولا اعملها في التوكيل واشيل منها الحجات الغالية زي الاير باج والحجات الخفيفة اللي سهل تتجاب من اللي شغلين في قطع غيار البروتون ... فعلا قطع غيار المكنيكا مش متوفرة عوزة لف يا اما التوكيل
المهم انا بقيت محتار مش عارف اغامر واصلحها ولا ابيعها . ! ؟؟

---

روحت للراعي؟
الراعي معندوش غير انصاص جين2 بالنسبة للبروتون ده غير الفانتازيا والباسات المرطرطة عنده في المخازن

هو انت مش مأمن عليها؟

اقتباس:

---

المشاركة الأصلية كتبت بواسطة eng f3lix

روحت للراعي؟
الراعي معندوش غير انصاص جين2 بالنسبة للبروتون ده غير الفانتازيا والباسات المرطرطة عنده في المخازن

هو انت مش مأمن عليها؟

---

لا مرحتش الراعي هوة فين ؟

للاسف مش مأمن عليها ,, ياريت لو الاقي حد عندة انصاص جين لو ممكن حضرتك تديني رقم الراعي او عنوانة

شكراً علي اهتمامك جزاك الله كل خير

انا معرفلوش رقم بصراحة بس لو نزلت هسألك عنده
انا بنزل كل كام يوم الحرفيين بتابع شغل

اقتباس:

---

المشاركة الأصلية كتبت بواسطة eng f3lix

انا معرفلوش رقم بصراحة بس لو نزلت هسألك عنده
انا بنزل كل كام يوم الحرفيين بتابع شغل

---

ربنا معاك وشغلك يخلص علي خير ان شاء الله ... مش عاوز اكون تقيل عليك بس لو ممكن في اي وقت لو عديت من جنبة تخادلي الرقم بتاعة .. جزاك الله خير ..

ده استهبال
اوعى تدفع المبلغ ده
صلح برة او بيعها و زود فرق فلوس اقل مما يطلب التوكيل و تجيب اختها زيرو

ربنا يسترها على كل عباده عاوزاعرف هل السيارو برسونا قطع غيارها موجودة فى السوق وهل السيارة دى حلوة

رقم الراعي في الحرفيين 01006013142