.:احذروا عامل البنزين . و عامل المطعم . والكاشيير .(( بعض الطرق للغش ))..
للاسف طرق الغش فى مصر كثيرة ومتطورة ... دى بعض المواقف اللى حصلتلى
--
يا ريت كل واحد اتعرض لمحاولة غش يحكيلنا علشان نأخد بالنا ... وربنا يهدى ..
--
1-عامل بنزينة :: فى امارات مصر على الدائرى
قولتله حط 30 لتر ... بصيت لقيته خلص بسرعة بصيت على الماكينة لقيت مكتوب 30 و فوق مكتوب 16.2
لما قربت أكتر لقيت مكتوب 16.2 لتر ... و 30 جنيه الحساب
قولتله انت حطيت 16 لتر ليه .!؟!؟ قاللى انا كنت فاكرك عايز ب 30 جنيه ؟!!؟!؟!؟!؟!؟!؟ الصراحة لولا
انى مشغول كنت نزلت واشتكيت لمدير المحطة ... المهم خليته حطلى ب 25 جنيه كمان علشان نوصل لل 30 لتر :( -- أول مرة أشوف بنزين بيتباع بالجنيه مش اللتر
المهم لما سألت عرفت ان الحركة دى منتشرة بين بعض عمال البنزينة . لسرقة باقى المبلغ
من يومها بطلت أقعد فى العربية أثناء تموين البنزين .. ولازم أنزل أشوف العداد بعينى :(
-----------------------
2-مطعم وجبات سريعة ... طالب حاجات ب 20 جنيه لقيت المبلغ المطلوب 37 جنيه
بصيت فى الورقة بتاعت الحساب لقيت مكتوب جنب عدد كل سندويتش 2 بدل من 1 يعنى كل سندويتش محسوب عليا بضعف ثمنه ...؟!؟! قولتله راجع الحساب خد الورقة وقطعها وقاللى اسف على الغلطة دى :(
-------------------------
3-محل ملابس ::::::::::::
الحساب كام ......قاللى مبلغ كبير قولتله عايز تفصيل للحساب والفاتورة لكل حاجة ---عمل الفواتير
ولقيت فرق الحساب 100 جنيه ليا ... وقاللى اسف على الخطأ ده :( ؟!!؟!؟!؟
اتعلمت انى أطلب فاتورة فى كل حاجة أشتريها حتى لو هايفة .. بجد الناس اللى على ماكنة الحساب فى أى محل بقوا طماعين جدا والسرقة عينى عينك ..طبعا فى ناس كتير منهم محترمة لكن للاسف الغش انتشر
قوى بينهم
