الموضوع: النتــــــــــــرا2012 نظره عليها بشكل مختلف

السلام عليكم ورحمة الله وبركاته



ـــــــــــــــــــــــــ ـــــــــــــــــــــــــ ـ
القسم الأول : الصور والمواصفات
ـــــــــــــــــــــــــ ـــــــــــــــــــــــــ ـ

ماشاء الله لا قوة إلا بالله

• موتور 1.6 .. ماني متأكد بس حكمت لأنه معيار الزيت في الطرف جهة المروحة مو في نص المكينة

.

• مقاعد جلد ( لون بيج ) .. مريحة وممتازة جداً .. لا يوجد فيها ميزة التسخين



• تحكم كهرباء ( بمقعد السائق فقط ) .. في جميع الاتجاهات رفع خفض امام خلف انكماش وتوسع .. ويوجد زر خاص بالعصعص :)



• كاميرا خلفية متصلة بالمرآة الأمامية تشتغل تلقائياً عند الرجوع للخف + 4 حساسات خلفية .. بدون حساسات أمامية :(



• الشبك الأمامي من الكروم + دواسة البنزين والفرامل من الكروم + القير عليه لمسه من الكروم .. ( على بساطتها تعطي منظر رائع )



• الدخول الذكي أو مايسمى بالبصمة .. وسأتوسع في الوصف هنا لأنها ميزة مهمة .. هي للمعلومية لمن لا يعرف بصمة تواصل مع مفتاح السيارة وليس مع بصمة الاصباع :) .. بمعنى انه لو قربت من السيارة والمفتاح في جيبك تضغط على الزر الموجود في مقبض الباب وتفتح وتقفل السيارة بدون الحاجة لإخراج المفتاح من جيبك .. المهم أن تكون والمفتاح بالقرب من باب السيارة .. وأيضاً تركب السيارة وتضغط زر التشغيل وتشتغل السيارة والمفتاح في جيبك أو أي مكان المهم يكون المفتاح داخل السيارة وقت التشغيل .. هذا شرح ( الدخول الذكي ) .. ميزة جميلة ومهمة جدا .. فتستطيع فتح الباب وتشغيل السيارة والذهاب والعودة واطفائها وقفل الباب وفتح الشنطة الخلفية واقفالها كل هذا والمفتاح في جيبك :) .. فعند سماعك لمصطلح ( البصمة ) هذا يعني تخاطب السيارة مع بصمة المفتاح .. سواء في الفتح أو التشغيل .. وتفيدك كثييير من أحد فوائدها لمن تكون يدك مليانة وتبغى تفتح السيارة .. وقتها لو عندك اصباع طارف انحلت المشكلة :)



• مثبت سرعة .. أيضا مهم جداً .. وميزته لو ثبت السرعة على 100 ودعست بنزين مثلا لتجاوز سيارة وسبت الدواسه ترجع السرعة تلقائيا على 100 .. وأيضاً فيه امكانية زيادة وتتخفيف السرعة من الدركسون مباشرة دون الحاجة لدواسه البنزين أو الفرامل .. تفيد وقت السفر في خطوط طويلة بحيث تثبت السرعة مثلاً على 100 وترفع رجلك من دواسه البنزبن .. ويصبح التحكم كله من المقود .. فلو تبغى تزيد السرعة تضغط ضغطة على زر + في المقود ترتفع السرعة ( 2 كيلو ) .. ولو تبغى تخفف السرعة تضغط زر - تخف معاك السرعة ( 2 كيلو ) .. الزياد والنقصان تعتمد على طريقة الضغط .. ضغطة وحدة تزيد او تنقص السرعة 2 كيلو .. ضغتتين او ثلاثة تزيد او تنقص السرعة 6 كيلو .. ولو جلست ضاغط على زر + أو - تزيد أو تنقص السرعة على حسب ضغطك الين تسيب الزر .. فيصبح لديك في طريق السفر تحكم كامل في سرعة السيارة سواء زيادة أو نقصان من الدركسون .. هذا لا يغني طبعا عن البنزين والفرامل !



• تكييف اوتوماتيكي .. فيه امكانية فصل درجة برودة تكييف السائق عن الراكب والعكس .. فلو كنت بردان تقدر تخفظ درجة برودة المكيف في الجهة اليسرى فتصبح دافئة .. وتبقى الجهة اليمنى باردة والعكس


• إضاءة أمامية تلقائية مع مستشعر للضوء .. بحيث تحط خيار النور على ( تلقائي ) .. فيشتغل في الليل ويطفي في النهار تلقائيا



• وسادتين هوائية اللي وجدتها .. مع انه أحد الموظفين في المعرض قال لي تجي بـ 6 وسائد ! .. اللي وجدته ثنتين واحدة للسائق وأخرى للراكب



• فيها نظام ( ABS ) ولا يوجد فيها نظام ( ESP ) .. و فيها شي اسمه EPS ماعرف وش يعني اللي عنده خلفية يفيدني



• حساس للمطر .. صحيح ماعندنا مطر لكن من باب ذكر المواصفات .. والحساس يستشعر قوة المطر ويشغل المساحات على حسب قوة الهطول .. الله يجيب المطر .. ويبعد الحفر



• باقي المواصفات جنط أعتقد مقاس17 , فتحة سقف , نظام توفير الوقود ECO , امكانية طي المقاعد الخلفية لتزيد من مساحة الشنطة , مشغل سي دي + يو اس بي + آيبود + AUX , القزاز كهرباء وينفتح تلقائيا في حال وجود عائق ,



صور من الخارج في النهار





صور من الداخل في الليل



ماشاء الله لا قوة إلا بالله

صور متفرقة توضح الفروقات المختلفة
















منقول للامانه وتحياتى للجميع