سلام عليكم
باختصاااااار .. الموضوع ايداع مبلغ مالى كبير شويتين فى بنك :00020191:
وعايز اعرف ..للاستفاده من الفوائد هل احط المبلغ كرصيد ولا كودائع .. مع ترشيح احسن بنك فى الحالات دى
شكرااااا
عرض للطباعة
سلام عليكم
باختصاااااار .. الموضوع ايداع مبلغ مالى كبير شويتين فى بنك :00020191:
وعايز اعرف ..للاستفاده من الفوائد هل احط المبلغ كرصيد ولا كودائع .. مع ترشيح احسن بنك فى الحالات دى
شكرااااا
هي كلمة كبيرة دي عايمة شوية..
في بنوك مش كل فروعها بتقبل أيداعات كبيرة, فأبقى اسأل الأول قبل ما تروح أي حتة..
و أعلى فوائد بتكون لشهادات الأستثمار, و دي محتاجة منك لفة كده عشان تعرف أنهي بنك بيدي أعلى فائدة في الشهادات.. بس خلى بالك فلوس الشهادات بتكون مربوطة مينفعش تسحبها قبل 6 شهور من تاريخ الشراء. و لو كسرتها قبل نهاية مدتها بيكون فيها غرامة..
في برضه حسابات (يوم ب يوم), دي بتدي فايدة يومية كويسة خصوصاً لو مبلغ كبير من غير ما تربط فلوسك بس متوسط فايدتها بيبقى أقل شوية من الشهادات..
يا باشا انت مظبطنى بجد فأى موضوع بكتبه وبتنورهولى
طب والشهاده بتكون بكام ولا بتختلف من بنك لبنك؟؟
وفايدتها كام ؟؟ وهل هى فوايد سنويه ولا نصف سنويه ؟؟؟
طيب ممكن يا قراء الموضوع الاعزاء اللى يعرف بنك بالاسم وله تحربه شخصيه معاه وعارف انه فايدته عاليه ميبخلش عليا بالنصيحه
شكرا
فوايد البنوك فيها شبهة حرمانية
لو تقدر تشتري شقة و تاحرها او محل
او تعمل مشروع
فيه اختيارات كتيرة تبعدك عن حاجة فيها شبهه او حرام
و كمان هتحقق عائد اكبر بكتير من ال 11% بتاعة البنك
احسن حاجة بنك مصر تعمل شهادة التميز
3 سنين = 11.5 % ثابته
وادعيلي بقه :)
البنك الاهلي المصري
شهادة مربوطة لمدة 3 سنوات بتصرف فائدة 12% سنويا وتصرف كل 3 شهور والفائدة تحسب من اول يوم ايداع وليس الشهر التالي مثل البنوك الاخرى
وممكن تحول الارباح على حساب ادخار تلقائي وبرضه يتحسب عليه فائدة
شهادة الاستثمار احسن حاجة
بس حدد الاول لان فى فوائد شهرية وفى كل 3 شهور وفى كل 6 شهور
وفى الوديعة الى الفواد بتتضاف منها فيها ودى مثلا لو حطيت 100 الف بعد 10 سنين تاخدهم 300
قول الى يناسبك فى الفوائد وانا تحت امرك
مبحبش شهادات الاستثمار ابدا كل تعاملي مع البنك بيبقي الحساب الجاري فايدته بسيطه 6% اعتقد بس ممكن احطهم النهاردة و اسحبهم بكره يعني اكني حاطتهم في المكتب عندي بس عليهم فايدة بسيطة غير لما يربطني لمدة 3 سنين حراااام
و بالنسبة للبنوك انا بتعامل مع البنك التجاري الدولي cib و البنك الاهلي و كريدي اجريكول بصراحة احسن خدمة عملاء في التجاري الدولي و احسن اهتمام و احسن خدمة لكن لو بتدور علي فائدة يبقي الاهلي اما بالنسبة لكريدي فده انا بتعامل معاه علشان الفيزا بس (كارت الائتمان)
كان فيه موضوع كده كنت هعمله في البنك الاهلي بس مكملتش فيه و جه الجيش بتاعي و عطلني و ضيعلي حاجات كتير اللي هو اني بحط مثلا 100 الف في البنك و باخد قرض بضمان الفلوس ديه (الشهادات) كانت علي ما اتذكر بنسبة 80% من قيمة المبلغ الاجمالي يعني 80 الف و الفائدة في الشهادات كانت 12% ساعتها و فائدة القرض مش فاكر بصراحة بص المهم هرجع اسألك عليها تاني و اقولك علشان كانت عجباني الصراحة تقدر تشغل فلوسك و يعتبروا مضمونين في نفس الوقت هسأل لحضرتك ن=تاني و اقولك
حق الاقتراض على الشهادة انا عملتة 3 مرات
اول مرة لما جبنا الافيو ودا كان اول ما ابتدى حكاية القرض
كان بياخد على فايدة الشهادة 1% و .075% مصاريف ادارية وحاجة تانية
سددت ساعتها 64 الف فى سنة ونص وكانت فايدة 7000 باين الى خدها البنك وعلى ما افتكر ان ساعتها انا يعتبر دفعت من جيبى 1000 بس لان الشهادة كانت بتجيب ارباحها
وعملتة تانى مرة من بعض ما علو الفايدة ل 2%
يعنى لو شهادك فايدتها 10% هياخد هو 12%
وانا عملتها بلعبة حلوة
عندى شهادات فايدتها 9% خد بيها قرض وفايدة القرض 11%
رحت عامل فلوس القرض شهادة 11.5% ودا طبعا بعد ما رفعو ارباح الشهادات
استفد انا بالفلوس وبفرق فايدة .05% لصالحى
وولا لزمنى بقسط ولا بمدة ولا باى ححاجة
السلام عليكم
هو طبعا في افكار كتير و فروقات بسيطة بين كل البنوك بس المفروض تحدد انت عاوز تحط الفلوس لمدة اية ؟
علشان لو اقل من سنة يبقي الوديعة او حساب صندوق الاستثمار يكون افضل اختيار اما لو المدة اكثر من ذلك فيكون الشهادات افضل اختيار و اقل مدة لها 3 سنين
و لو عايز تسال في اي تفاصيل انا شغال في البنك الاهلي سوسيتية
لو مبلغ حضرتك تقدر تستغنى عنه تماما ومتقربهوش لمدة طوييييلة تبلغ 10 سنوات ... اسأل على شهادة البنك الأهلي (أ) ذات العائد المركب ... المبلغ اللي حضرتك بتاخده في نهاية المدة يساوي أصل المبلغ المودع مضروب في 3 ( أرباح اجمالية 200% + أصل المبلغ) ...... وأعتقد في بنوك تانية بتدي الشهادة دي بس مش حاضرين في ذاكرتي دلوقتي .........
بالنسبة لشبهة الحرام أو الحلال عليك الرجوع لجهات الاختصاص لافادتك .......
ممكن تفهمونى الوديعة او شهادات الاستثمار يعنى لو جيبت شهادة لمدة 3 سنين واحتجت الفلوس فى خلال المدة ده مش هاقدر اخد الفلوس
لا بتقدر تفك الشهادة بعد 6 شهور من عملها
يعنى لو عملت الشهادة فى شهر واحد تقدر تفكها من بعد شهر 7
بس لو انت حاطط 30الف بتاخدهم مثلا 29 الف
لانهم حاطين الفايدة وكدة على اساس انك هتقعد المدة كلها وخد ارباح على 6 شهور
المبلغ الى بيخصموة بيتحسب على حسب الارباح والشهور الى خدها
فيه صكوك اسلامية في البنك الوطني للتنمية (ابو ظبي حاليا ) مدتها من سنه الي 5 سنوات و يتديك عائد متغير حسب مدة الصك تبدأ من 7 % حتي 11 %
يمكن نفس نسبة البنوك التانية بس حضرتك تون تحريت الحلال علي قد ما تقدر
و انا سألت عنها في دار الافتاء و افتوا بأنها حلال
لا الفائدة على الإقتراض بالشهادة دلوقتى 2.5 فوق سعر الشهادة و بتكون متناقصه
بمعنى ان لو شهادتك بتديك فايده ثابتة 10% و عوزت تاخد بضمنها قرض فا فايدة القرض هتكون 12.5% متناقصه بمعنى ان الثابت بتاعها هيكون تقريبا 7 او 8 % فانت كده كده كسبان و مش بتدفع فايده خالص على القرض بتاعك لا ده انت كسبان فايده
و طبعا الموضوع ده هايل
بالضبط الفرق مابين البنوك الاسلامية و التانية و لا حاجة هيا بس اختلاف المسميات
أنتو متأكدين يا جماعه ان شهادات الأستثمار لسه بتجيب 11.5 و 12 % ؟؟
من كام اسبوع كده كنت فى cib وقالولى ان الفايده نزلت ل 10.75 %