هل ينفع اني الاقي 125 او 127 بالسعر ده ولا لا ؟
حد عنده فكرة ؟
هل ينفع اني الاقي 125 او 127 بالسعر ده ولا لا ؟
حد عنده فكرة ؟
ممكن بس الحالة هتبقي متوسطة لأن ال 125 رينجها من 5.5-6 والله أعلم
ممكن اتباعت قدامى 128 حالتها تحت المتوسطة موديل قديم مش فاكر سنة كام بالظبط ب 5 آلاف
أدخل على مواقع المستعمل وإتفرج زى كونتاكت كارز وفبريكا وبيزات
يا ريت لو حد قدامه اي حاجة يقول
بص ياريس اوعى تغلط غلطتى وتشترى حاجه زى دى بالسعر ده مستحيل هتدوخ معاها السبعه وستين دوخه
انا عندى سيات مرميه فى الشارع بقالها كام شهر ومش عايزه تتباع حتى
كل شويه مشكلة فى حته
اقسملك بالله ضيعت عليها فلوس بشكل لا يوصف وكنت جايبها ب 5750 جنيه
وصرفت عليها والله او اقولك قدهم مش هتصدقنى فى كام شهر يعنى حاجه غير عاديه بتأكل فلوس بشكل غير عادى
الافضل والله انك تحوش مبلغ محترم وتجيب يا اما زيرو يا اما مستعمل محترم بتكيف وبحالة ممتازه
وتكون موديل جديد فى ال 2000 او 2001
حاجه فى رينج الالفينات لكن تجيب حاجه يمكن تكون اكبر منك بالسن
يعنى السيات دى موديل 1982 يعنى اكبر منى بست سنين اصلآ :d
حاجه بقالها تلاتين سنه اساسى طالع عين ابوها
طب اقل رنج ممكن اجيبه كام ؟
كدا هتحط رجلك ع اول طريق الهلاك هاتلك حاجه مش شرط غاليه اوي بس تكون شغاله وحالتها معقوله ممكن 12 او 13 شوف العربيه دي كدا وقولي ايه رأيكhttp://www........cars.com/UsedCars_...p?CarID=880622
انا شاكك انها 78 وصاحبها كتبها غلط 87 لانها فله بصراحه
هو عن خبرتى كان عندنا عربية 125 موديل 79 و كانت محتاجة شغل جامد فى الفتيس و الدريكسيون و العفشة و تغيير كاوتش, تقريباً كل حاجة فيها كانت متلصمة.. و كنا بعناها ب 7000 جنية.. فبتهيألى صعب انك تلاقى 125 او 127 حالتهم كويسة بالسعر ده.. اصبر شوية و زود على المبلغ ده و هات حاجة اجدد بدل البهدلة بتاعت التصليح..
فعلا اخى الكريم لو لقيت حاجة بالسعر ده هتحط قدهم علشان تكون كويسة وبردوا هتتعبك - ان شاء الله ربنا يفرجها وتجيب الافضل - ممكن تكمل عليهم شوية وتجيب حاجة افضل - فقط اصبر قليلا
وفقك الله