يا باشا و الله عارف أن فى ناس كتير هنا بتساعد الغريب قبل الصديق
بس فى مواضيع تبقى تستاهل تتثبت و محدش حتى بيقول شكراً
و أنا بزعل أن واحد يبقى عامل موضوع و تعبان فيه و فى الأخر الموضوع يفضل ينزل تحت و محدش يقدر قيمة الموضوع ده
عرض للطباعة
يا هندسه ما انا ياما عملت مواضيع
ونفس الى بتتكلم فيه
عادى مش هزعل ومش هقف
تلاقى ساعات 100 مشاركه
وتلاقى 3 او 4 بالكتير هما الى ردوا
متزعلشى ومتقفشى
كمل المسيره
واعمل الخير وارميه البحر
وده الى اتعودناه منك يا هندسه
ربنا يخليك يا باشا
بس بصراحة انا علمت الموضوع لما الظاهرة بقت اوضح من الشمس
في مواضيع احياناً بتاخد شغل مايزيد عن الشهر ونص في اعدادها وفي النهاية تلقيها مش مكملة 20 مشاركة متضمنين ردود صاحب الموضوع نفسه
ومواضيع تانية كلمتين واقلب او اي كلام في اي كلام وتلاقيها متجددة ونشطة وممكن تتخطي مئات الردود والاف المشاهدات
وفي النهاية المعيار الوحيد - شهرة صاحب الموضوع وليس محتوي الموضوع
ودي تلاحظها من كلام بعض الأعضاء في موضوع الديسلايك
لو واحد حط لواحد غير معجب يرد عليه بغير معجب
يعني بيحط غير معجب لكونه غير معجب بالشخص مش لكونه غير معجب بالمحتوي او الرد
تحياتي
ده صحيح الى حد ما.
بس كويس انت راجع بدري النهاردة :-)
يبقي انت كدة لسة ماعرفتنيش يا عبدالله
اولا انا الصراحة بتكلم عن نفسي وعن مواضيعي وعن مواضيع أعضاء اخري مش انا بس
ولكن الهدف للأمانة كان لموضوعاتي انا شخصياً
انا بفضل الله بتمتع بطول نفس لأبعد مما تتخيل
بفضل الله - بعمل الخير وبرميه البحر او بعمل لله لأني بجد استفدت اكتر بكتير من عطائي
وكانت اول كلماتي في سلسلة القيادة هي الأية الكريمة
بسم الله الرحمن الرحيم
وَمَا أُرِيدُ أَنْ أُخَالِفَكُمْ إِلَىٰ مَا أَنْهَاكُمْ عَنْهُ ۚ إِنْ أُرِيدُ إِلَّا الْإِصْلَاحَ مَا اسْتَطَعْتُ ۚ وَمَا تَوْفِيقِي إِلَّا بِاللَّـهِ ۚ عَلَيْهِ تَوَكَّلْتُ وَإِلَيْهِ أُنِيبُ ﴿٨٨﴾
صدق الله العظيم
الحمد لله - بفضل الله
ليا مواضيع تخطت الألاف من المشاركات والمئات من الردود
ولي مواضيع مثبته واخري تم تثبيتها والغاء تثبيتها
ولي سلاسل من الموضوعات
وفي الي اكثر من ذلك
انا بفضل الله ولله الحمد وبلا فخر صاحب اكبر عدد من الموضوعات علي موقع نايل موتورز بعد طبعا المهندس نادر
بس كل الي الواحد منتظره
كلمة الشكر لما تلاقي موضوع قيم ومتعوب فيه
ولا هي المسألة انت صاحبي هرد - انت مش صاحبي مش هرد
وللأسف ان الظاهرة دي وصلت للناس في الشارع
والرسول عليه الصلاة والسلام نهانا عنها ونبهنا ليها
سأل رسول الله صلى الله عليه وسلم :أي الإسلام خير ؟قال (تطعم الطعام وتقرأ السلام على من عرفت ومن لم تعرف) البخاري
وبالقياس
رد السلام ايضاً علي من عرفت ومن لم تعرف
واعتقد انت بتلاحظها
تبقي واقف وحد يعدي ومايسلمش
واحياناً انت تسلم ومحدش يرد
عارف ليه ؟؟؟
عشان احنا ماشيين بمبدأ "الي اعرفه احسن من الي معرفوش"