:dots:السادة الاعضاء الافاضل
ارجو مساعدتي في اتخاذ قرار الشراء
اجراء مقارنة بين السيراتو والياريس
عرض للطباعة
:dots:السادة الاعضاء الافاضل
ارجو مساعدتي في اتخاذ قرار الشراء
اجراء مقارنة بين السيراتو والياريس
كنت ممكن تعمل استطلاع احسن....علي الاقل هايبقي واضح...
انا كنت برضة محتار قوي..كدة...وبعدين الحمد لله ....ربنا هداني للياريس...وهي ما شاء الله عربية ممتازة...وممكن تدور في المنتدي علي كلمة "ياريس" وتشوف رأي الاعضاء فيها....
والله انا كمان محتار جدا في السيارتين دول ... لأني بعد عناء طويل وصلت لهما .. بس يا ريت حد يقول لنا الفارق والمميزات والعيوب .. وكمان كنت عايز اسأل عن تكييف اليارس خصوصا إني محتاجه علشان باسافر كثير ومسافات حوالي 125 كيلو كل اسبوعين تقريبا بالاضافة إلى سفر المصيف سنويا إلى الساحل الشمالي
ياريس يا ريس
التكييف يابانى
والكاسيت يابانى
والكاوتش يابانى
والموتور يابانى
والمفاجأه بقى إن العربيه كلها يابانى:thumbsup::thumbsup::thumbsup::thumbsu p:
معلش يا جماعة ........... أنا غلطت ما بين صاحب الموضوع الأصلي و الزميل هاملت
طيب
زي ما أنا قلت
لو سواقت كلها داخلية و بتسافر مرة في الشهر ( يعني مش بتسافر كتير )
ال 1300 كويسين و خصوصا إن الياريس بتوفر في البنزين
طيب لو بتسافر كتير و محتاج موتور قوي علشان التكييف و علشان السرعات العالية و محتاج ثبات
ده متوفر أكتر في السيراتو من الياريس
يبقى سفر كتير سيراتو
مدن و طرق داخلية يبقى ياريس
لو اوتوماتيك
يبقى ياريس بالتاكيد
لو مانيوال
انا لو مكانك اختار الياريس لعدة اسباب
1- ماركة محترمة
2- تصميم جديد وعصي
3- مساحة داخليه واسعه (تنفع لعائلة)
4- شبابية
5- تكييف ممتاز
6- ناعمه وسحب ممتاز
7- استهلاك وقود اقتصادى
السيراتو عربيه ممتازة ، بس الكواليتى للخامات اقل من الياريس وهتحس بكده اول لما تقعد جوا العربيه
عموما لو اختارت اى من السيارتين هيبقى اختيار موفق
ولكن انا افضل الياريس للاسباب اللى ذكرتها فوق
مش هقول اكتر من الى قالوو casber طبعاا
انا رأى ياريـــــــــــــــــــــ ــــــس
أنا متشكر لكم جميعا على الردود الجميلة دي لكن معلش اللي انا عايز اتأكد منه .. هل التكييف في السيارتين بقوة بعض خصوصا في اوقات السفر حيث أزور عائلتي كل اسبوعين في المنصورة يعني 125 كيلو رايح و125 كيلو جاي
طيب ما بين الأسبوعين
بتسوق كتير في طرق داخلية ؟
لو الإجابة نعم .................................. يبقى ياريس
إنما لو أغلب سواقتك
طرق سريعة و محتاج ثبات على الطريق و تكييف شديد ميأثرش على العربية في المستقبل و يستحمل
يبقى السيراتو علشان موتورها 1600 و ثباتها على الطريق السريع أفضل من الياريس
يبقى برضه نرجع نقول
الياريس أفضل جوه البلد
السيراتو على الطرق السريعة و السرعات العالية و التكييف
ياريس
بره البلد و جوه البلد هيا الياريس
عربيه محترمه فعلا
و كل يوم بيزيد اقتناعي بيها عن اليوم اللي قبله .
انا عارف ان الاستاذ حازم من انصار يارس لانه يعرفها جيدا بحكم أنه ملاكها .. علشان كده يا ريت توضيح مسألة التكييف علشان انا من النوع اللي بيشغل التكييف بصفة مستمرة دائما .. وشكرا
شكرا لك جدا على ذوقك ... انا مش من هواة الجري وأخري 110 كيلو.. بس يا ريت لو في عيوب تقولها لي مع العلم ان الاستخدام لعائلة صغيرة .. شكرا مرة اخرى
كده العربيه مناسبه لحضرتك جدا
بالنسبه للعيوب مع استعمالك اتحدي انك مش حتشتكي منها نهائي في اي حاجه
تتعود علي ابعادها شويه بس لان ابعادها صعبه شويه
انما كتكييف و اعتماديه و سرعه و ثبات و احتمال للعائله مش حتشتكي منها نهائي
و اركبها و ادعيلي :)
اشكرك يا فندم ... واعتقد اني شوفت مشاركة لك قبل كده وقلت انك من المحلة .. يعني احنا جيران تقريبا !!!! علشان الفارق بين المنصورة والمحلة مش كبير ..
ان قرأت ايضا في احدى المشاركات تليفون مسئول في تويوتا بيبع يارس بالسعر القديم .. شكرا لك مرة اخرى
انا من المحله فعلا
و لو حضرتك تشرفني او نتقابل يبقي ليا الشرف طبعا
بالنسبه للمعرض اللي بيبيع الياريس بالسعر القديم ما اعرفش لسه عنده و لا لاء
و علي فكره انا شاري منه برضه
اسمه استاذ خالد
0106347989
قوله من طرف حازم اللي اخد منك الياريس الرمادي في المحله تبع كونتاكت
اشكرك يا استاذ حازم ... لكن هل الاستاذ خالد مسئول بشركة كونتاكت كارز اللي لها موقع على النت؟؟
ربنا يباركلك يا أستاذ هاملت في الاختيار إن شاء الله
و مادام الأستاذ حازم خضر .......... نصحك بيها
فتيقن إن إن شاء الله هاتكون النصيحة في محلها
الراجل حيادي جدا و مش متحيز
ربنا يباركله
و يباركلك في الأختيار و الياريس عربية حلوة
شكرا جدا يا استاذ توت عنخ امون .. وادعي ربنا يسهل وإجراءاتها تمشي كويس علشان انا ناوي اشتري قسط مش كاش
أعتقد إن فيه حرف ( ف ) ناقص فى الجمله اللى فوق
انا اسف قصدي فعلا
الاستاذ حازم .. معلش انا محتاج المشورة في يارس تاني علشان وانا ياتكلم مع واحد صاحبي عرفت بالصدفة انه عنده يارس في شرشم الشيخ.. قالي العربية ممتازة لكن المشكلة في موضوع الفبير الموجود في امام ومؤخرة السيارة
يا هاملت باشا
فعلا اكصدامات العربيه ضعيفه و انا دايما بقول كده.
لكن لما تبص للعربيه كمجمل مميزات و عيوب حتلاقيها حاجه صغيره.
انت عارف لو تكييفها ضعيف او بتسخن او سحبها وحش حقولك بلاش منها
عارف حتي لو تحت الفيبر دا مفيش دعامات حديد تحمي العربيه و اللي راكبينها برضه كنت حقول لاء.
توكل علي الله و مش حتندم
هي المشكلة .. ان زوجتي هاتكون لها النصيب الاكبر في ركوب السيارة بالنظر إلى أنها طبيبة ومنشغلة بالدارسات العليا وبالتالي هاتكون اكثر استخداما بالسيارة .. لكنها لا تجيد القيادة وتعرف نص نص تقود السيارات الاوتوماتيك فقط بسبب معيشتها مع اسرتها في منطقة الخليج لفترة طويلة
علشان كده انا خايف من حدوث اي تصادم بالسيارة
شكرا لك .. ومعلش علشان انا بسأل كثير شوية.. لكن برضة كنت عايز اسألك عن الاوتوماتيك بتاع اليارس .. هل كويس ولا ايه نظامه؟؟
كويس من حيث ايه بالضبط؟؟
لو من حيث السحب ف العربيه برضه سحبها حلو زي المانيوال لكن استهلاك البنزين بيزيد زياده بسيطه
من حيث التحمل
عربيه ابن خالي ياريس اتوماتيك 2006 و عامله 60 الف كيلو و زيت الفتيس عمره ما اخد باله منه و لا بص علييه و العربيه ماشيه ما شاء الله من غير اي مشاكل نهائي.
اتوكل علي الله ما تقلقش
معلش .. سعر الاوتوماتيك كام؟؟
هاف اوبشن 96 الف
فول اوبشن 102 الف
معلش تعبتك معايا .. واسيبك تنام بقى بعد ارهاق الاسئلة بتاعتي
ولا يهمك يا باشا انتا تأمر:)
انا مش هاقولك غير كلمة واحدة
الياريس 84 حصان
السيراتو 122
بالاضافة ان الموتور الاكبر عمرو الافتراضي بيبقى اطول لانو لان المجهود بالنسبالو بيبقى اقل
ده غير ان السيراتو ستيبل جدا على موتورها القوي جدا ده
وعلى فكرة بقى ياباشا لو بتنقل في الغيارات على 3 هتلاقي سحب البنزين في السيراتو زي الياريس بالظبط لكن لو قرصت هيسحب اكتر بس هيديلك اللي نتا عايزو سواء جوا البلد اوبره البلد