السلام عليكم ورحمة الله وبركاته
يا جماعة لو سمحتو أنا دايخ على وش التكييف الفضي بتاع اللانوس الكاملة ومش لاقيه عشان اللي عندي مفيش فيه ولا زرار شغال غير بتاع سرعة المرواح والكومبريسور عشان الكيليبسات بتاعت الزراير التانية(تقليب الهواء ودرجة الحرارة وسحب الهواء) اللي بتربط بين الزراير دي والويرات نفسها مكسورة.
ولما سألت على الكيليبسات دي في المحلات قالولي دي مش بتتباع ولازم تجيب الوش كامل استيراد بكيليبساته بويراته وحاجته كلها.
والمشكلة كمان الوش الاستيراد بيبقى متبهدل ومخدوش وحالته حالة..
فياريت يا جماعة اللي عندو الوش ده بحاجته كلها وعايز يبيعه يبعتلي رسالة, أو اللي عندو الكيليبسات دي أو يعرف حد بيبيعها يراسلني بردو.
وياترى الوش الاستيراد بحاجته كلها يعملو كام؟
+
سؤال جانبي:
أنا لما فكيت الوش وبصيت وراه لقيت الكيليبسات دي كلها متكسرة كذا حتة ومتبهدلة والويرات بردو متقطعة ومتبهدلة..ياترى ايه السبب؟
هل من الشمس مثلا أو اللي اشتريت منو العربية كان مغير الوش ده قبل كده ولا اييييييه؟
والف شكر يا جماعة.