الموضوع: الفوانيس عندي في الضياع

روح لكهربائى شاطر يضبطلك موضوع الحاجات اللى مش شغاله و يفك الفوانيس و ينضفها من التراب و يغير اللمبات اللى مش شغاله و انصحك باللمبات الاوسرام النايت بريكر بلس فهى ممتازه و لا تحتاج لكتاوت و بتركب مكان الاستوك من غير موضوع الكتاوت ووجع الدماغ

انا كنت بافكر فيهم برضو، بس ناس كتير هنا في المنتدى بتقول فيه لمبات تانية إضائتها أفضل، وكمان الاوسرام اضاءتها صفرا مش بيضا.

بالنسبة للكت آوت، هو فعلا مشكلة يعني؟ لإن فيه ناس بتقول عادي، وناس تقول بلاش. عايز اعرف العيوب والمميزات يعني واقرر. عشان الواحد ممكن يضحي ويلعب شوية في كهربة العربية مقابل إنه يشوف قدامه كويس في الطريق.

وبالنسبة للكهربائي، هل فيه ترشيحات لكهربائي معين؟

النهاردة ركبت اوسرام نايتبريكر بلاس في الفوانيس الأمامية، وبالمرة غيرت كل اللمض في العربية من قدام وورا بلمبات فيلبس أصلية، ولمعت الكشافات

وطبعاً فرق كبيييييير لا يوصف.

الراجل، فكلي الفوانيس اللي قدام وورا كلها، ونضفها من جوة، غير كل اللمب، وعمل فتحة في الفانوس الخلف يمين عشان مكنش فيه فتحة للشبورة، لمعلي الفوانيس كلها بمعجون التلميع بتاع ابرو.
رجلشلي الفوانيس، وصلح ماتور الفانوس اليمين بتاع ضبط ارتفاع العالي، وصلحلي الزرار بتاع باب السواق، اللي بيخلي نور الصالون يشتغل لو الباب مش مقفول كويس
وركبلي الفانوس الصغير بتاع الرفرف الشمال عشان كان واقع

وخد في ده كله 80 جنيه

عاشت الاوسرام، ولا تقولي كت اوت ولا بتاع

مبروووووك
بس فعلا عند مين الكلام ده