الموضوع: فصل نظام التكييف الساخن صيفاً

المشاركة الأصلية كتبت بواسطة drmagieed

شكرا ليكم يا جماعة ... بس أنا قصدي عربية مجهزة بتكييف بارد وساخن يبقي ليه نبوظ الساخن حتي لو ما إستخدمنهوش ... المشكلة إني عايز العربية فيها الميزة دي ولما أحب أرجعها ما تحصلش مشاكل ... هو كل إللي بيعملوه بيقفل دورة مياه السخن ما يخلهاش تروح للمزواسير والسربنتينة إللي تحت التابلوة وترجع للماتور تاني... بس أنا فكرت وعلي قد معلوماتي لي إستنتاج هو أن أكيد لما في الأحوال الطبيعية بنشغل التكييف علي البارد أو ما نشغلش السخن بيبقي فيه بوابة أو صمام بيمنع المياه السخنة تيجي من الماتور وتمشي في المواسير لحد ما توصل لسربنتينة السخن ... وده معناه إن مش من المفترض مرور مياه ساخنة في هذه الوصلة عمال علي بطال ... يعني المفروض في الصيف أو في حالة عدم تشغيل السخن يكون النظام ده جاف ... ودة معناه إنه مصنوع من معدن لا يصدأ أو مقاوم للصدأ ... والله أعلم ... المشكلة بقي لما الصمام أو البوابة بتبوظ المياه الساخنة بتيجي من الماتور وتمشي في السربنتينة وتعمل سخونة تحت التابلوه ... والكارثة بقي لما تشغل التكييف البارد والمروحة تشتغل فتجيب هواء بارد مع ساخن يدخل مقصورة القيادة فيقلل من كفاءة التبريد والإحساس بالبرودة ... والسؤال هنا بقي:
1- الإستنتاج ده مظبوط ولا لاء.
2- هل من الممكن إصلاح أو إستبدال الصمام أو البوابة دي في حالة تلفها ... البعض بيقول دي محتاجه حل التابلوه؟؟؟؟
أفيدوني أثابكم الله.
منتظر ردودكم:copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5::copy of m-s5:

استنتاج حضرتك سليم 100%

و فعلا في بوابتين مش بوابة واحدة

الاولى موجودة في بطن العربية من برا (عند المواسير اللي داخلة من اموتور للطابلوه)
او دي اللي بتسمح بمرور الماء الساخن داخل السربنتية مع العلم ان بيبقي فيها كدا كدا مياه بس هيا البوابة اللي فاصلة بينهم و الا لو هي فاضية مياه الردياتير حتنقص اول ما تشغل التكييف الساخن
و اول ما تتفتح المياه تاخد دورتها مع المحرك و تدخل السربنتينة و دي لو باظت بتبقى كانها مفتوحة علطول او مبتبقاش محكمة الغلق و سهلة التغيير عادي

تاني بوابة موجودة داخل الطابلوه عند المروحة بتاعة التكييف و دي مسؤولة عن تحويل فتحة مجرى الهواء من البار للساخن و العكس و دي لو باظت بتحتاج تفك الطابلوه و في عربيات مش بتحتاج عشان بتبقى باينة من تحت

و ده بيفسر ليه مفتاح التحويل من بارد لسخن في بعض العربيات بيبقي تقيل عشان في واير بيشد بوابتين (بالنسبة للعربيات اللي تكيفها مش تاتش)