سماعات الاوكتافيا

**alfaject** · 23-06-2008 11:32 AM

فوجئت بعد استلامي للاوكتافيا A5 مو 2008 خليجي ان الابواب الخلفيه ليس بها سماعات مثل الابواب الامامية - مع ان الابواب مجهزة بغطاء السماعات المثقب -هل يعلم احد كيف يمكن تركيب سماعات للبابين الخلفيين ؟؟ و كم تبلغ التكلفة ؟؟

**nokiy** · 23-06-2008 08:21 PM

جرب تسأل عليهم في التوكيل
هما مش هيركبوهملك لانك عربيتك خليجي
اشتريهم وركبهم في اي مركز صيانه معتمد
نصيحه متخليش اي حد يفتي في العربيه :)

**NaderNabil** · 23-06-2008 08:49 PM

انا كنت متخيل الخليجي هايجي فيه السماعات الخلفية!!

المهم فكك من التوكيل أو مراكز الخدمة....عليك و علي محل مشهور من بتوع الكماليات...أدريان مثلا....هايفكوا الأبواب و يشوفوا مقاس السماعات كام سنتي متر...و علي اساسه هاتختار نوع السماعات المناسب....انا اتوقع انها تكون بحجم 16 سم....

و غالبا هتلاقي التوصيلات كلها جاهزة جوه الأبواب ماعليك الا انك توصلهم بالسماعات...

خد باللك ان سماعات العربية الأصليين قويين و كل حاجة و صوتهم نضيف بس مش أفضل حاجة....يعني غير كمان اللي قدام بالمرة....

الطقم النضيف (2 سماعة) بيعمل حوالي 300 جنيه

و ابقي قللي عملت ايه عشان انا مكسل جدا اعمل الموضوع ده:)

**noon_eg** · 24-06-2008 07:02 AM

انا بافكر اشترى اوكتافيا خليجى ممكن اعرف حضرتك عربيتك اتوماتيك ولا منيوال ؟

وهى فعلا الاتوماتيك مش بتسحب كويس ؟

وهل ممكن اجرب العربيه فى معرض مثلا ولا اشترى وانا ونصيبى ؟

**NaderNabil** · 24-06-2008 10:31 AM

انا بافكر اشترى اوكتافيا خليجى ممكن اعرف حضرتك عربيتك اتوماتيك ولا منيوال ؟

وهى فعلا الاتوماتيك مش بتسحب كويس ؟

وهل ممكن اجرب العربيه فى معرض مثلا ولا اشترى وانا ونصيبى ؟

حضرتك الموضوع هتلاقيه فيه كل المعلومات الل حضرتك محتاجها ان شاء الله
http://www.nilemotors.net/Nile/showthread.php?t=8283

و لو فيه أي أسئله تانية خليها في الموضوع هناك عشان المنفعة العامة

**Mustafa_Farouk** · 24-06-2008 04:02 PM

يا ريت يا alfaject تقول عملت ايه، عشان فعلاً الصوت في A5 ضعيف أوي ومش حلو أساساً، بس دي من ارتوك.

**alfaject** · 24-07-2008 06:58 PM

shokran ya gama3a 3la elrodoud
ana lesa ma ro7tesh arakeb el nsama3at we lama arekebhom habqa aqoul lokom
el 3rabya sa7baha tequeel shewaya fi el awel laken lma tegree betobqa shedida geda
ana geet beha men el bahrain we kont bagree 3la 160 we kanet kaenaha mashia 3la 80
we tab3an feeha emkania swaqetha ala el manwal laneha tiptronic

**yasser66** · 25-08-2008 09:02 PM

انا اشتريت السيار من الخليج وهى بتيجى معاها السمعات ولا يمكن يقدروا يشيلوا حاجة مثل مابتوصل السيارة من المصنع بسلمها للمستهلك للاسف التلاعب كلة عندنا فى مصر لان الضمير مات والفلوس عمت قلوب التجار و.............

**SaNisSro** · 26-08-2008 11:13 AM

روح على شارع دمشق في مصر الجديدة حتلاقي المحلات كلها في خدمة عربيتك...وانصحك بسماعات كينوود لانها فعلا ممتازة..او لو حابب تاخد بايونيير..حقولك ازاي تعرف الاصلي من التقليد..بايونير الاصلي حتلائي حروفها كبيتال مش سمول وجمبها اشارة بايونير..انما التأليد حتلاقيها سمول بالاحمر ومفيش اشارة جمبيها..فيه واحد بيبيع النوع الاصلي في محل وانت ماشي جامعة الدول وعديت توكيل ميتسوبيشي على يمينك حتخش يمين على الدقي والعجوزة هوة على اليمين قبل توكيل سكودا تحت الكوبري