ايه العرببية الوهم دى...والله خسارة فيك يا منصور ..منصور ياجماعة اخروااااا..النص نقل الدبابة
عرض للطباعة
ايه العرببية الوهم دى...والله خسارة فيك يا منصور ..منصور ياجماعة اخروااااا..النص نقل الدبابة
حلوة اوي اوي
اوبااااااااا , ايه يا جدعان الوحش دا...تحفه
أنا بعتبر الأسترا j سواء الهاتش و من بعدها السيدان الجديدة من أشيك و أقوى تصميمات العربيات اللي تلفت الأنتباه في الفترة الأخيرة..
و على الله منصور ربنا يهديه كده و ينزل بعروض كويسة تخلى العربية تنتشر.. ده لو نزلها أصلاً أو ممكن لو نزلها يبطل يجيب الهاتش lol...
رائعه
العربية شكلها كويس بس منصور هيدمرها تدمير كامل سواء سعر او قطع غيار ....محدش يسرق التوكيل من منصور و يريحنا بقي
منصور مش حينزلها ف الفتره دى
مصدر مبيعات داخل منصور :)
هتنزل فى شهر 9
هتبقى نفس اوبشن الاسترا
التيربو مش هتنزل فى الاول
وعلى الارجح هتنزل الاول فئه واحده و لو لقو فى اقبال هينزلو فئات تانيه و التيربو(سياسه غبيه)
رينج السعر تحت ال 200 و اعلى حاجه هتوصل لل 200 او 200 و سيكه
معلش.. انا مش متفق معاكو فى موضوع مبيعاتها ده لو بقت بالسعر اللى بتقولو عليه.. لسبب بسيط جدا..
الشعب المصرى ماشى بثقافه اشترى اللى بيحبو جارك مش اللى بتحبو..
الناس كلها دلوقتى بتشترى سكودا ايه فايف وباسات وجيتا.. نادر لما حد فيهم هيبص ايه تانى موجود ف الرينج ده..
طب ما الفورد فوكس الجديده اول فئه فيها بنفس اعلى فئه ف الالنترا الجديده.. وبرغم كده شوف كام فورد فوكس وكام النترا انا لو معايا 150 الف هجيب الفوكس.. بس مليون واحد قدامى هيجيب الالنترا.. اصلها هيونداى يا بيه وكورى والسوق بيحبها وسعر اعاده البطيخ وقطع الغيار واى هبل ف الجبل وييجو عند اول صيانه يتلبو سعر محترم عشان لسه العربيه 2012 ويقولك لا بس الاوروبى غالى ووحش... الناس ما بتحبش التغيير.. بتخاف .. شوف فيه كام لانسر شارك وكام لانسر كلاسيك وفى المقابل بنفس السعر كام رينو فلوانس..رغم ان الفوكس والفلوانس احسن من التانيين.. بس هيا ثقافه سوق غبيه
ده انت تسمع كلام عجب من الناس.. يقولك يا سلام.. هو فيه زي ركوبه الالمانى.. ابن جوز خالت بنت عمت ابو خال جدى كان معاه اوبل سى دى اكس.. كان فيه زرار للتخميس.. اى والله..(( يقصد التراكشن كنترول )).. تقوله تانى يوم انا اشتريت اوبل.. يقولك دى بنت %$^%& تيييييييت ووحشه.. تقوله ما خاله عمت ابو ام اللى جابوك كان عندها سى دى اكس اللى بتخمس بزرار.. يقولك لا بس كانت قرفاهم ومصاريف وبتسخن وصرفو عليها 50 الف كونيه عشان جالها اسهال فى حساس التربتوح..
بنفس المنطق ده الناس هتجيب اى حاجه وهتنسى ان فيه استرا سيدان او هاتش او ان فيه فيات برافو او بيجو 308 او رينو فلوانس
يخربيت الشياكة والفخامة بجد!