مشكلة محيرة في الواجا 2006!!!! ارجو النصيحة من خبراء بروتون

**ahmedsadek82** · 09-07-2012 11:55 AM

بدأت المشكلة بأن العربية وانا ماشي بتقطع وتترج جامد و لمبة الengine الصفراء بتنور و العربية اهتزازها جامد زي متكون متلتة كده و بعدين لما اطفي الكونتاكت و ادور تاني بتتعدل, المهم رحت لواحد حطهالي على جهاز الاعطال و اداله ان سلندر 1 و 4 كانوا بيفصلوا و ده سبب الاهتزاز الرهيب يعني كانت شغاله 2 سلندر , المهم الراجل قالي غير بوجيهات و البوبينتين و فعلا رت شاري البوبينة الياباني و مركبها لكن برده ظهر نفس العيب و حطيناها على الجهاز برده اداه ان سلندر 1 و 4 بيطفوا !!!!!!! رحنا مبدلين البوبينة بتاعة 2 و 3 مكان بتاعة 1 و 4 عشان نتأكد ان البوبينات الجديدة مش بايظة ولا حاجة و النتيجة برده ظهور نفس العيب في 1 و 4 بيطفوا , الراجل ده قالي كده يبقى العربية الكنترول بتاعها في مشكلة فروح اشتري كنترول استيراد . انا مقتنعتش 100% فرحت لأمير و جوزيف حطوها على الجهاز بتاعهم و قرت نفس المشكله في سلندر 1 و4 قالولي دي عايزة بوبينة !!!! و كده رجعنا للنقطة صفر تاني !!!!!!! حد عنده حل عشان انا فعلا مش عارف اعمل ايه : اروح ادور على كنترول و لا اشتري نوع بوبينة تاني و لا اغير الكابلات بتاعة البوبينة ؟؟؟؟؟؟؟؟ و لا في حل تاني !!! ارجو المساعدة

**SOBHY_D** · 09-07-2012 01:26 PM

متابع باهتمام

**ahmedsadek82** · 09-07-2012 03:33 PM

عيزين حل يا جدعان

**abdohod** · 09-07-2012 04:32 PM

متابع لاهتمام شديد
وانصحك انك تروح مركز عصاوم وصفا وتكشف عليها هناك لأن الجهاز اللي عندهم اللي جاي من ماليزيا من بوتون ... هو الكشف غالي شوية 150 جنيه بس مش هيشتغلوا في العربية إلا لما يقولولك فيها ايه بالظبط 01000460111

**eng.m7md.ali** · 09-07-2012 08:29 PM

حضرتك غيرت بوجيهات؟
طب والسلوك بتاعتها؟
من الافضل تروح مركز عصام الصفا احسن

**ahmedsadek82** · 09-07-2012 09:31 PM

المشاركة الأصلية كتبت بواسطة eng f3lix

حضرتك غيرت بوجيهات؟
طب والسلوك بتاعتها؟
من الافضل تروح مركز عصام الصفا احسن

غيرت بوجيهات لكن الكبلات لأ

**eng.m7md.ali** · 09-07-2012 10:31 PM

ممكن تكون المشكلة في السلوك
لانها بتوحي ان العربية متلتة لو في حاجة غلط
من الاحسن تروح عند المهندس عصام يكشف عليها بالكومبيوتر

**tutankhamoun** · 10-07-2012 08:33 AM

المشكلة دي حصلتلي في عربية فيات
و طلع العيب في الكنترول .......... و غيرته ب 3000 جندي ........ جندي ورا جندي (بس التغيير كان بواحد جديد )

**D . a .\ AYMAN** · 16-07-2012 04:15 PM

جرب الأول تغير الكابلات قبل ما تروح ناحية الكونترول .. لأنها لو بتلمس هاتعمل كدة حتى لو غيرت البوبينة

بس في سؤال محتاج تسأله برضه قبل ما تقرر تغير الكونترول .. هل مابيتعملوش ريسيت مثلا بإنك تشيل كابل البطارية أو حاجة زي كدة .. بس للأسف معرفش إجابته محتاج حد من التوكيل يكون فاهم شوية

**tutankhamoun** · 17-07-2012 07:17 AM

المشاركة الأصلية كتبت بواسطة d . A .\ ayman

جرب الأول تغير الكابلات قبل ما تروح ناحية الكونترول .. لأنها لو بتلمس هاتعمل كدة حتى لو غيرت البوبينة

مظبوط و الله ينور أستاذ أيمن .

بس في سؤال محتاج تسأله برضه قبل ما تقرر تغير الكونترول .. هل مابيتعملوش ريسيت مثلا بإنك تشيل كابل البطارية أو حاجة زي كدة .. بس للأسف معرفش إجابته محتاج حد من التوكيل يكون فاهم شوية

بس موضوع اعادة الضبط ده لو الكنترول أو وحدة التحكم بتهيس (عمري ما سمعت عن موضوع اعادة الضبط بصراحة)
إنما دائما بيطلع وحدة التحكم ...... للآسف ضاربة (نصها ضارب)
علشان كدا بتشغل نص و النص تاني واقف و علشان كدا بتحصل الرجة ...... بس الكلام ده لو فعلا وحدة التحكم بايظة ....... بصراحة أنا عمري ما سمعت حد قال أنه غير وحدة تحكم خاصة بعربية بروتون .

الموضوع: مشكلة محيرة في الواجا 2006!!!! ارجو النصيحة من خبراء بروتون

LinkBack

أدوات الموضوع

عرض

مشكلة محيرة في الواجا 2006!!!! ارجو النصيحة من خبراء بروتون - انشر الموضوع فى :

-

-

-

-

-

-

-

المواضيع المتشابهه

ارجو النصيحة - فيات اونو 2006

ارجو النصيحة من خبراء الفيات و خاصة البونتو كلاسيك

خبراء النجمة ارجو النصيحة من فضلكم

النصيحة يا خبراء بروتون

ارجو الرد يا خبراء الواجا

الكلمات الدلالية لهذا الموضوع

المفضلات

المفضلات

ضوابط المشاركة