متابع
عرض للطباعة
متابع
بعد الأخذ بنصائحكم المختلفه فولت و قولت أجرب تاني
حسست علي دواسة البنزين بحيث أن دائما الأيكو منور - حتي لو عايز احرق او اسحب بسرعه بحرق و بعدين أرفع رجلي عشان ينور تاني
المهم لحد لما اللمبه نورت 470 كيلو و مشيت عليها حوالي 30 كيلو كمان عشان كمنش فيه 92 - يعني فاضل شرطه واحده بس
عملت 500 كيلو متر
و فولت خدت 40 لتر بس و البنزين بدأ يخرج
بس برضه الكمبيوتر كاتب متوسط الاستهلاك 8.3 لتر لكل 100 هو ده مينفعش يتصفر
أنا بجرب بتفويله تانيه اهو لما نشوف اخرتها اييه
انتو بتتكلمو في اية ازاي انا معاية النترا 2012 عاملة 8000 ك وبتاخد بالظبط 156 كيلو في الصفيحة ومشفل الموفر كمان هل ده عيب ولي لسة العربية جديدة ولي اية بالظبط
معني كده أن ال 40 لتر عملوا 500 كم
يبقي متوسط الاستهلاك الفعلي = 8 لتر / 100 كم (حسابيا)
و هي نتيجة مطابقة لقرائة كمبيوتر العربية
طبعا ده أستخدام داخل المدينة أو منه جزء داخل المدينة و ده يبقي كويس جدا و هو المعدل الطبيعي للاستخدام في السرعات المنخفضة و المتوسطة
بالنسبة لتصفير العداد (متوسط الاستهلاك) :
1- بتجيب قرائة الكمبيوتر علي متوسط أستهلاك البنزين من المفتاح العلوي بالطارة الخاص بالعدادات
2- علي المفتاح اللي تحته مبااشرة تضغط عليه لمدة كام ثانية هتلاقي القراءة أتصفرت
انا عندي للاسف التفويلة بتعمل 400 كم بالعافية ... وساعات اقل كمان !
بس بصراحة معدل السرعة في ال 400 كم لا يتعدي ال 20 كم في الساعة .. علشان كل السواقة في الزحمة ...
يا باشمهندس سمير أنا سواقتي علي مدينة الشروق- طريق السويس - تجمع خامس - أول طريق السخنه يعني مش داخل مدينه خالص متوسط سرعاتي 80 - 100 - 120
يمكن لما كنت راجع من الساحل علي 170 الكمبيوتر طبع علي استهلاك عالي 8.3 - لو عايز اصفره بريسيت برده
أستاذ عاطف
معدلات الاستهلاك اللي بتظهر علي كمبيوتر رحلات العربية مش بس مرتبطة بمتوسط السرعة سواء علي طرق سريعة أو طرق داخل المدن و لكن أيضا بتعتمد علي أسلوبك في القيادة
يعني مثلا انا في التجارب الاولية للعربية و علي طريق السخنة / القطامية وصلت لمعدل أستهلاك 13 لتر / 100 كم و وصلت لمتوسط سرعة تعدي ال 140 كم/ ساعة تقريبا (علي ما اذكر) لأني كنت ماشي 200 كم/ساعة لفترات محددة و الباقي مابين 140 و 180 كم / ساعة تخللها العديد من الكيك داون و الفرامل المفاجئة
لكن نرجع لأسلوبي في القيادة العادية بأحقق أرقام من 6.5 الي 7.5 لتر / 100 كم
و اليومين دول لأن مافيش سفر خالص و القيادة كلها في مناطق مزدحمة أرتفع معدل الاستهلاك الي مابين ال 8 و 9 لتر / 100 كم نظرا لأن متوسط السرعة لايتخطي حاجز ال 30 كم/ساعة
أستاذ / كريم
ياريت فعلا لما نذكر معدل الاستهلاك نذكر معاه متوسط السرعة من خلال قراءات كمبيوتر رحلات العربية ده هايوضح لنا فعلا حاجات كتير
الأخوة الكرام / نجوم هيونداي
أسعد الله يومكم بكل الخير ....
بعد أذن حضراتكم و أذن صاحب الموضوع طبعا هأطلب من حضراتكم طلب صغير , علشان نقدر نضم الموضوع ده لمجموعة الموضوعات المهمة الخاصة بالالنترا md
المطلوب من السادة ملاك العربية أنهم يكملوا النموذج التالي من واقع قراءات كمبيوتر رحلات العربية مع ذكر تفاصيل خاصة بالعربية و بالسائق في نفس النموذج علشان نقدر نستنتج معدلات أستهلاك العربية دي
[frame="1 80"]
(1).. مواصفات العربية (مانيوال - أوتوماتيك) : .........................[/frame]
(2).. الكيلومترات الكلية المقطوعة للعربية : ......................
(3).. متوسط أستهلاك البنزين في كل تفويلة (من الكمبيوتر) : ...... لتر / 100 كم
(4).. المسافة المقطوعة خلال التفويلة (من الكمبيوتر) : ...... كم
(5).. متوسط السرعة خلال تلك المسافة (من الكمبيوتر) : ....... كم/ساعة
(6).. حالة الطرق التي تم قطع المسافة السابقة عليها (خارج المدن - داخل المدن - كلاهما) : ...
(7).. أسلوب القيادة (عادية - رياضية - أقتصادية) : ............................
هأبدأ أنا بنفسي من واقع كمبيوتر رحلات العربية حاليا (اليوم 28/07/2012)
[frame="1 80"]
(1).. مواصفات العربية (مانيوال - أوتوماتيك) : أوتوماتيك أول فئة
(2).. الكيلومترات الكلية المقطوعة للعربية : 24670 كم
(3).. متوسط أستهلاك البنزين في كل تفويلة (من الكمبيوتر) : 8.3 لتر / 100 كم
(4).. المسافة المقطوعة خلال التفويلة (من الكمبيوتر) : 185 كم
(5).. متوسط السرعة خلال تلك المسافة (من الكمبيوتر) : 36 كم/ساعة
(6).. حالة الطرق التي تم قطع المسافة السابقة عليها (خارج المدن - داخل المدن - كلاهما) :
حتي الان داخل مدينة القاهرة (الرحاب - مساكن شيراتون - التجمع الخامس - مدينة نصر)
(7).. أسلوب القيادة (عادية - رياضية - أقتصادية) : أقتصادية (بمعني : أن لمبة الايكو منورة معظم الوقت)[/frame]
تحديث لبيانات الاستهلاك اليوم (30/07/2012)
النهاردة فولت التانك و العربية أخدت 22 لتر لحد ما طلمبة المحطة فصلت
بيانات كمبيوتر العربية :
(1).. الكيلومترات الكلية المقطوعة للعربية : 24870 كم
(2).. متوسط أستهلاك البنزين في كل تفويلة (من الكمبيوتر) : 8.1 لتر / 100 كم
(3).. المسافة المقطوعة خلال التفويلة (من الكمبيوتر) : 249 كم
(4).. متوسط السرعة خلال تلك المسافة (من الكمبيوتر) : 37 كم/ساعة
(5).. حالة الطرق التي تم قطع المسافة السابقة عليها (خارج المدن - داخل المدن - كلاهما) :
حتي الان داخل مدينة القاهرة (الرحاب - مساكن شيراتون - مدينة نصر)
(6).. أسلوب القيادة (عادية - رياضية - أقتصادية) : أقتصادية (بمعني : أن لمبة الايكو منورة معظم الوقت) و لكن تخللها بعض الفترات فيها حرق زيادة خاصة علي الاوتوستراد بسبب المطالع و زحام الطريق الذي استوجب مني بعض الحرق و الكيك داون
نيجي بقي للحسابات خارج قراءة الكمبيوتر :
- المسافة المقطوعة : 249 كم
- البنزين المستهلك : 22 لنر
- متوسط الاستهلاك الحسابي : 8.835 لتر / 100 كم
- الصفيحة (20 لتر) بتعمل 226.36 كم (داخل المدينة)