'طلب تسعير ماتيريا 2006 مانيوال بسرعة ارجوووووكم

العربية 2006 مانيوال شركة برة و جوة بالكامل و عدادها 70000 كيلو
العربية حالتها جيدةجدا و مفيش فيها حاجة غير مراية يمين مكسورة و خبطة صغيرة فى الرفرف االخلفى و كسرت معاها فانوس خلفى يعنى نقدر نقول 1000 جنية المراية و الفانوس
المهم ان العربية دى كل الناس عارفة انها نادرة و قطع غيارها مش عارف هلاقيها فين و بكام ؟
المهم هى معروضة عليا ب 55000 و محتااااااار جدا
انا معايا فيرنا 2008 و العربية حالتها كويسة بس طبعا الماتيريا اوسع و احلى بكتير بس مش عارف كدة صح و الا لو غريت هرجع اندم تانى
:orangeabli::satelite:

هي نفس متور السريون ال١٥٠٠ يعني لا تقلق من سيور وخلافه جميع قطع الغيار فى التوكيل وعند بتوع التقطيع وانت متقلقش ان اعربيه نادره وانت اكيد مش ماشي تخبط فى الناس وده هو سعرها فى المستعمل من ٥٠ ل ٥٥ وهى افضل من الفيرنا طبعا مليون مره يابانى وزجاج فاميه اصلى وايرباجز وabs وكفايه انك تكون مميز مش راكب عربيه كل البلد ركباها العربيه النادره ميزه مش عيب على فكره وربنا يوفقك

افضل من الفيرنا طبعا بكتير وحاجتها معمره جدا وموجوده فى التوكيل ممكن معنديش فكره عن سعرها

نصيحة : لا تقارن ياباني بكوري ابدا

اقتباس:

---

المشاركة الأصلية كتبت بواسطة ahmed_fahmy

هي نفس متور السريون ال١٥٠٠ يعني لا تقلق من سيور وخلافه جميع قطع الغيار فى التوكيل وعند بتوع التقطيع وانت متقلقش ان اعربيه نادره وانت اكيد مش ماشي تخبط فى الناس وده هو سعرها فى المستعمل من ٥٠ ل ٥٥ وهى افضل من الفيرنا طبعا مليون مره يابانى وزجاج فاميه اصلى وايرباجز وabs وكفايه انك تكون مميز مش راكب عربيه كل البلد ركباها العربيه النادره ميزه مش عيب على فكره وربنا يوفقك

---

لو كدة فعلا دى تبقا اتحلت مشكلة كبيرة جدا لان السيريون موجودة و منتشرة
بس ياريت حضرتك تتأكد من المعلومة دى لانها هتفرق كتير جدا

اقتباس:

---

المشاركة الأصلية كتبت بواسطة ramyhekal

افضل من الفيرنا طبعا بكتير وحاجتها معمره جدا وموجوده فى التوكيل ممكن معنديش فكره عن سعرها

---

انا عارف وتاكد انها احسن من الفيرنا 100 مرة بس الحاجة الوحيدة الى قلقانى هى اسعار قطع الغيار و هلاقيها و الا لأ

اقتباس:

---

المشاركة الأصلية كتبت بواسطة MITSUKERO

نصيحة : لا تقارن ياباني بكوري ابدا

---

انا عارف ان الفرق بينهم كبير جدا بس انت عارف ان الفيرنا قطع غيارها ببلاش و اى حد بيشتغل فيها يعنى من الاخر اى حاجة تحصل فى العربية مش هتكون مشكلة و علاجها هيكون سهل
انما الماتيريا انا معرفش حاجة عنها و كل الى انا محتاجة هو قطع غيارها بتتباع فين و اسعارها اية و كمان سعر العربية الى معروضة عليا دة مناسب و الا لأ

:openflower3::satelite::openflower3:

السعر ممتاز وانا بأكدلك الموتور نفس الكود بتاع السريون 1500

توكل علي الله

هو نفس المتور ولعلمك انت اخرك هتعمل صيانه وتغير سيور دي عربيه يابانى مش كوري وقطع غيار الفيرنا الرخيصه دى المش اصلى برضو عايز اوضح المعلومه دي وضيف على كده حتي الكوري الاصلى اقل جوده بكتير جدا وبعدين فيرنا لا تقارن بالماتريا كده بتظلم الفرنا لان دي تتقارن بلانوس مثلا يعنى مينفعش تقول كرولا والا ايلانترا اليابانى موضوع هتفهمو ان شاء الله لمى تتوفق فى العربيه دى واتأكد انك مش هتبقى عايز تنزل منها عكس الفيرنا بتتمنا توصل بسرعه ديقه جداً ومفيش فيها اي حاجه علميه او امان او تكنولوجيا والماتريا دى كانت فوق ال١٠٠ الف جنيه يعنى مينفعش تقارنها بفيرنا ولعلمك لولا جهل التجار وسوق مصر المتخلف كانت العربيه دى مستحيل تتباع اقل من ٨٠ الف جنيه مستعمله توكل على الله قبل ما تتباع ويا ريت متسمعش كلام اللى بيتكلمو على اسعار قطع الغيار والكلام الفاضى ده

اقتباس:

---

المشاركة الأصلية كتبت بواسطة mohamed_rhem

السعر ممتاز وانا بأكدلك الموتور نفس الكود بتاع السريون 1500

توكل علي الله

---

جزاك الله خيرا و شكرا لإهتمام حضرتك

اقتباس:

---

المشاركة الأصلية كتبت بواسطة ahmed_fahmy

هو نفس المتور ولعلمك انت اخرك هتعمل صيانه وتغير سيور دي عربيه يابانى مش كوري وقطع غيار الفيرنا الرخيصه دى المش اصلى برضو عايز اوضح المعلومه دي وضيف على كده حتي الكوري الاصلى اقل جوده بكتير جدا وبعدين فيرنا لا تقارن بالماتريا كده بتظلم الفرنا لان دي تتقارن بلانوس مثلا يعنى مينفعش تقول كرولا والا ايلانترا اليابانى موضوع هتفهمو ان شاء الله لمى تتوفق فى العربيه دى واتأكد انك مش هتبقى عايز تنزل منها عكس الفيرنا بتتمنا توصل بسرعه ديقه جداً ومفيش فيها اي حاجه علميه او امان او تكنولوجيا والماتريا دى كانت فوق ال١٠٠ الف جنيه يعنى مينفعش تقارنها بفيرنا ولعلمك لولا جهل التجار وسوق مصر المتخلف كانت العربيه دى مستحيل تتباع اقل من ٨٠ الف جنيه مستعمله توكل على الله قبل ما تتباع ويا ريت متسمعش كلام اللى بيتكلمو على اسعار قطع الغيار والكلام الفاضى ده

---

انت كلامك كلة مظبوط و العربية الحمد للة اخدناها ب 54000 بس الى شبط فيها خالى و هو الى اخدها يعنى الحمد للة مارحتش بعيد و فعلا زى ما انت بتقول مينفش نقارنها باى كورى نهائى العربية فعلا ملهاش حل و تحفة بكل المقايس و ان شاء الله لو ظهرت قدامى ماتيريا تانى اكيد مش هسيبها
ربنا يبارك لة فيها و يحفظهالة
و جزاك الة خيرا على النصيحة و الاهتمام

مبروك عليكو وربنا يحفظهلكم

الف مبروووووووووووووووك يا كبير انا فى نفس حيرتك والموضوع ده شجعنى بعد ماكنت خلاص ناوى اخلع من العربيه انا قدامى عربيه ماتيريا 2007 فابريكا جوه وصاحبى عايز يبعهالى بس انا خايف من قطع الغيار ياريت تفدنى بالله عليك فى الموضوع ده وتقولى تجربتك مع الماتيريا

العربية الى اشتريناها 2007 برضو و انا بس كنت فاكر انها 2006
العربية ما شاء اللة تحفة و الصالون واااااسع جدا و خامات الصالون محترمة بجد يعنى مش هتلاقى الصالون كلة بلاستيك زى الكورى
و غير كدة الباور خفيف جدا و الموتور اداءة ممتاز و طبعا التكييف مبيأثرش على السحب تماما
ما شاء اللة عربية محترمة جدا و ان شاء الله التغيير الى جاى تكون ماتيريا اتوماتيك

طيب وموضوع قطع الغيار ووالوطيان اللى طالع عليها ده

شوف الموضوع ده انا كنت عامله وشوف الردود وقولى ايه رايك

http://www.nilemotors.net/Nile/304450-a.html