الموضوع: صوت غريب مش قادر أحدد ممكن يكون سببه إيه

السلام عليكم جميعاً
العربية لانوس 2001
من كام يوم حصل أن كان فيه نصف حجر من بتوع الرصيف أمام السيارة ومكنتش واخد بالي وجيت امشي دخل تحت العربية وعوج الجزء الحديد اللي شايل الجزء اللي فيه قفل الكبوت ورفعه لفوق فطبعاً الكبوت اترفع لفوق .. في نفس اليوم نزلت بالعربية بليل .. سمعت صوت زي خبطة ساعات اسمعه وساعات لا (أكثر حاجة ممكن اشبه بيها الصوت دا أنه زي صوت الصاج لما يكون معووج ويتعدل) افتكرت انه ممكن يكون من الكبوت لما اترفع لفوق .. لكن الصوت جاي من تحت وساعات يسمع في كرسي السائق وساعات لاء ومش قادر احدد الصوت بيجي امتى بالضبط ..
المهم رحت للميكانيكي قاللي دا لازم يروح لسمكري علشان يستعدل الجزء الل تحت، وبعدين فكر وجاب شاكوش وعصاية مقشة خشب وقعد يدقدق على الجزء دا في أماكن معينة لحد لما اتعدل والكبوت بقى يقفل عادي وقاللي الحمد لله الخبطة بتاعة الحجر معملتش اي حاجة ثانية .. الحمد لله لحد كده .. المهم قلت له على الصوت اللي بسمعه اخد العربية ولف بيها قاللي مسمعتش حاجة .. أخدت انا العربية ولفيت بيها مسمعتش حاجة .. قلت يبقى ممكن يكون الصوت كان من الخبطة ولما استعدل الجزء دا الصوت راح والحمد لله .. لكن للأسف امبارح وانهارده سمعت الصوت ثاني .. يا ترى حد مر بموضوع الصوت دا قبل كده والا لاء.
آسف للإطالة بس حبيت اشرح ملابسات موضوع الصوت دا ..

المشاركة الأصلية كتبت بواسطة Akram

انت متأكد ان الخبطة ما وصلتش لحاجة تحت العربية مرتبطة بالعفشة .

الحجر جه في نص العربية من قدام ومدخلش أكثر من الجزء اللي انا قلت عليه اللي هو شايل القفل بتاع الكبوت.

المشاركة الأصلية كتبت بواسطة MMamdouh

الميكانيكى عمل حتة فهلوة و دقلك دقتين و عدل شكل العربية و مش شرط يكون اللى عملة مضبوط... ممكن فيه حاجة لسة مش مضبوطة او مرجعتش مكانها و دى اللى يحكم فيها السمكرى

MMamdouh

إن شاء الله أشوف سمكري كويس واروحله.

ناس زمايلي قالت لي أنه ممكن يكون كاوتشه الشكمان اتخلعت علشان كده بتسمع الصوت دا .. بس أعتقد انها لو كاوتشه الشكمان مش هتعمل الصوت دا بالإضافة ان الحجر موصلش أصلاً للشكمان.