[mklb1]
كل عام وأنتم جميعا بألف خير وصحة وسعادة
وعلشان السعادة تكمل فى رمضان اللى هو شهر القرءان فأنا عندى طريقة من مجرباتى الشخصية لختام القرءان الكريم مرة واحدة على الأقل فى رمضان وملخصها كالآتى :
كلنا يعلم أن عدد صفحات القران هو 603 صفحة صح ؟
طيب حنقول إنها 600 صفحة علشان حنعمل عملية قسمة بسيطة .
600 صفحة نقسمهم على 30 يوم يكون الناتج 20 صفحة
بعد كده نقسم الـ 20 صفحة على 5 (يعنى الخمس صلوات)فيطلع الناتج 4 صفحات يعنى تقراء عند كل صلاة 4 صفحات فقط لا غير (ممكن 2 قبل الصلاة و 2 بعدها)
طبعا أنا باقول ده الحد الأدنى يعنى ممكن حضرتك لو بدأت بالموضوع ده تلاقى نفسك وانت بتقرأ الاربع صفحات بتوع كل صلاة إنك عاوز تقرأ المزيد ومستمتع بقراءة القرءان وأن لسه عندك شوية وقت قبل قيام الصلاة وإن الأربع صفحات دول عمليا مش حياخدوا منك أكتر من 5 أو 6 دقائق .... تخيلوا
نريد الهمة
وأسألكم الدعاء بالشفاء وتقبل صالح الأعمال
[/mklb1]
