مسافر بالفلوانس و محتاج نصايحكم

**Mandible** · 09-07-2012 04:28 PM

السلام عليكم .. بما اني خدت خبرات كتير من المنتدى ده و قسم الرينو بالذات ، حبيت استشيركم في موضوع السفر خصوصا اني مسافر بكره الصبح ان شاء الله الساحل و عايز ردود سريعة جدا .

انا اول مرة اسافر بالفلوانس و محتاج اعرف ايه اللي اشيك عليه قبل اما اسافر .. و هل لا قدر الله لو حصل حاجة في الكاوتش و عايز اغيره هينفع امشي بالاستبن ال 15 ده ؟ و المفتاح و المسامير بتاعته موجودة و لا لأ ؟ و لو في اي حاجة اضافية تنصحوني بيها اكون شاكر جدا ليكم .. و شكرا

**HAITHAM1985** · 09-07-2012 05:07 PM

المعتاد : الكاوتش والهوا يتظبط على 28 - قربة الميه - زيت الموتور - الباكم - جركن 10 لتر بنزين - جركن 10 لتر ميه - شنطة العدة - شنطة إسعافات - 5 فيوزات - وصلة سلك 3 متر مجوز - حبل - كلبسات لو عربيتك طاسات مش جنط - لو مسلم إقرا ما تيسر من القرأن مع دعاء السفر المعتاد ....... ولو مسيحى مش فارقة برضوه إقرا ما تيسر من الإنجيل مع دعاء السفر إن وجد عند المسيحين - نمرة ونش شغال على طريق مصر إسكندرية

وإبقى هاتلى معاك شوية ميه من الساحل أتبارك بيهم

على رأى مكى : الصيف داخل يلا نعمل فورمة الساحل " جيم ميشو " ههههههههه

**Mandible** · 09-07-2012 05:59 PM

المشاركة الأصلية كتبت بواسطة haitham1985

المعتاد : الكاوتش والهوا يتظبط على 28 - قربة الميه - زيت الموتور - الباكم - جركن 10 لتر بنزين - جركن 10 لتر ميه - شنطة العدة - شنطة إسعافات - 5 فيوزات - وصلة سلك 3 متر مجوز - حبل - كلبسات لو عربيتك طاسات مش جنط - لو مسلم إقرا ما تيسر من القرأن مع دعاء السفر المعتاد ....... ولو مسيحى مش فارقة برضوه إقرا ما تيسر من الإنجيل مع دعاء السفر إن وجد عند المسيحين - نمرة ونش شغال على طريق مصر إسكندرية

وإبقى هاتلى معاك شوية ميه من الساحل أتبارك بيهم

على رأى مكى : الصيف داخل يلا نعمل فورمة الساحل " جيم ميشو " ههههههههه

ههههه ربنا يباركلك و الله ضحكتني و ان شاء الله اجيبلك شفشق مليان مية و رمل تعملنا بيهم كام عروسة بحر صغيرين كده ... بس سؤال لولبي .. هو ايه الباكم ده ؟

**jackson_75** · 09-07-2012 07:48 PM

زيت باكم , اللى هو يعنى زيت الفرامل تبص عليه ولو ناقص تزوده

**MohammedAladel** · 09-07-2012 09:04 PM

زيت الباكم يتم تزويده فى حالة وجود تسريب فقط لكن المفروض لو نقص بشكل طبيعى نسيبه عشان يدى فرصة للمبة بيان الفرامل لما التيل يبدأ يتعب المهم سفر سعيد ورحلة سعيدة :)

**Ahmed Selim** · 09-07-2012 09:21 PM

١- شيك علي ضغط هواء الكاوتش و اظبطه زي ما مكتوب على باب السواق
٢- شيك على مستوى مياه التبريد و زيت الموتور و زيت الفرامل بالمرة
٣ شيك على العدة بتاعة تغيير العجل
٤- خللي معاك عدة إسعافات أولية و طفاية حريق للطوارئ
لو عرفت تخللي معاك جركن بنزين احتياطي يبقى كويس

توكل على الله و سافر

**wael2sh** · 10-07-2012 11:34 AM

معلومة عرفتها أحب أشارك بيها ,,,الورقة البتاخدها من الموظف بتاع الكارتة مضيعهاش علشان دي وثيقة تأمين ضد الحوادث لاقدر الله و مكتوب عليها كده خلف الورقة , مصيف سعيد إنشاء الله

**moh_gawad** · 11-07-2012 01:50 PM

ضغط الكاوتش فى الفلوينس أثناء السفر 35 أمامى و 32 خلفى

**gym1974** · 12-07-2012 11:17 AM

سفر سعيد وسالم ان شاء الله مالك يا عم خايف ليه كده ده انا بسافر بالكليو بتاعتى شرم الشيخ كل شهرين مرة ده انا أن شاء الله لما اجيب الفلوانس هأسفر كل اسبوع مش كل شهرين توكل على الله