عرض للطباعة
المواصافات .. honda cbr 400 r
بتشتكى من خرم فاليادتور
انا عاوز اغيره ناس قالولو اعمله عند شركه المنوفى فى شارع شبرا.. الكلام دا سليم ؟؟!!
علشان انا عاوز اغيره 3 مصوره
ولا ايه افضل حلو او اشتريه منين او اعمل ايه يكون افضل حل..
الف شكرا
منتظر رودكم
والسلام عليكم
تكمله.. هو الياديتور مش عاجبنى... ومش عاوز اللحمه انا عاوز اغيره خااااااالص... ياريت اعرف افضل حل ايه
والتكلفه هتكون اد ايه... ثانيكو
الف سلامة علي البايك يا ريس ..
وان شاء الله بسيطه
ايه هو الياديتور؟؟؟
اقتباس:
المشاركة الأصلية كتبت بواسطة ztx
الراداتير هو الجزء المسئول بالاحتفاظ بالمياه اللازمة لتبريد موتور البايك
وممكن على ما اعتقد ممكن يتلحم بس معرفش ايه نظام سعره استيراد
متشكر ليك يا باشا علي الإفادة بارك الله فيك :)اقتباس:
المشاركة الأصلية كتبت بواسطة alfath8
حلوه فاليادتور هههههههههههههههه جامده اول مره تعدي عليا هو مين ياباشا الي قالك ان اسمه كده ؟
اكيد ياباشا قصدك الريدياتور او الريداتير
المهم شوف لا تجيب استيراد ولا يحزنون ممكن اي واحد بتاع ريداتير حتى لو عربيات يعملهولك
اصل كل الي حيعمله حياخد الاصلي الي راكب عليه ويقطع عليه حته جديده وهيا هياها مش حتفرق
بالعكس ممكن يركبلك واحد 3 ماصور او اكتر ويكون افضل من الي كان راكب فيها كمان لان الي راكب فيها
مخصص نوعا ما لليابان واروبا وامريكا وكده فا تحسه مبيديش كفائه اوي خصوصا على السرعات القليله
عموما لو عايز واحد متخصص للبايك حتمشي كاناك رايح للدقي حتلاقي الكبري اطلع انزل حتلاقي
محل اسمه البن البرازيلي خش يمين على طول اسئل على هيما بتاع اليادتور قصدي الريداتير
حيعملكواحد افضل من الاورجينال الي راكب في البايك انا مجرب عنده مرتين مره للريس ومره للكاستم
وكان السعر مبيعديش 200 جنيه بس كان شغله مظبوط 100 % ,, الاستيراد اكيد حيبقى مستعمل ويحعمل 500 ل 800 جنيه ولو جديد خليهم باكو
وطبعا لما يعملك واحد ابقى شوف انت عايزه كام ماسور ونوعه خليجي ولا ايه بالظبط بس حتلاقي الخليج ممتاز جد في الحر
وبلاش لحام وتعديل والكلام الفاضي ده زي عدمه
اولا احب اشكرك بجد ياgmc>>>>واحب اتشرف بعرفتك بجداقتباس:
المشاركة الأصلية كتبت بواسطة gmc
انا روحت عند هيما بأمانه الراجل دا تمام.. تمااااااااااااام
عملى واحد اتنين ماصوره نحاس
ومأخدشى وقت انا روحتله الساعه 2 الظهر اخته منك على الساعه 5
وظبطهولى وميه ميه
وبعد التركيب امبير الحراره مش بيعدى الربع نهائى غير كل فين وفين لما افحت المكنه
وكلفنى 200 جنيه
وشغله مشاء الله عليه تمام... احلى حاجة فيه مش تنك مش زى ناس كتير شفتها... بيضحك ويهزر وراجل زى الفل بجد ... الف شكر ليك ياحبى :*
العفو يا معلم ويشرفني معرفتكاقتباس:
المشاركة الأصلية كتبت بواسطة ahmednabeeh
وهيما ده جدع اول مره رحت كنت ناسي المحفظه في السياره ركب وكله تمام كام 200
طاب انا نسيت الفلوس قالي مش مهم هاتهم بعدين هههههههه مفيش ساعة زمن ورجعتله
طلع جدع وفعلا مش تنك ويحسسك ان الموضوع سهل مش صعب مش الي كنت بعمل عنده العربيه
ابن التيت قعدها عنده يومين ما علينا عموما لو حبيت تصلح حاجه تاني لا قدر الله طبعا
قولي وانا افيدك تصلحها فين وبسعر رخيص لان عدا عليا كل العيوب والتصليحات وحافظ
اماكن الناس الي بتصلح كلها في القاهره وعارف مين فيهم الكويس والوحش
انا لو كنت عايز ادبسك كنت بعتك عند ناصر الاخضر في شبرا بتاع بايك بردوا بس تنك
وسعره ارخص من هيما بس شغله زفت وهو اسمه ناصر الاخضر ههههههههههه عشان
كان غاوي يغسل وشه بمية الريداتير وكان بيبقى لون وشه اخضر فا طلعتها عليه ههههههههههه
عموما مبروك الريدداتير الجديد
تسلم ربنا يخليك ليا ياحبىاقتباس:
المشاركة الأصلية كتبت بواسطة gmc
والله يبارك فيك والله مش عارف اقلك ايه ... طيب نستغلك بقى ههههههههه
انا عاوز اشد البايك بتاعتى يعنى اوديها عند حد يبصلى عليها يشدهالى شده حلو اولسهات بلى للعجل كدا يعنى.. بس عاوز حد مضمون.... وبكرررررره البطئ فالشغل
قولى انت ايه رأيك فالكلام دا ومستنى منك رد
تسلم ياحبى:*
استغل يا باشا براحتك ههههههههههههاقتباس:
المشاركة الأصلية كتبت بواسطة ahmednabeeh
في واحد مضمون تسيب البايك عنده وانت مغمض لو لمدة سنه ترجع وتلاقيه هوا هوا
محمد انور الي عند الملك الصالح جمب معرض الاخشاب بس بطيء نوعا ما
جمبيه بقى في المنيل الشهاوي في واحد اسمه هاني هناك صاروخ في الشغل وشاطر
بس سعره اغلى نوعا ما
عايز واحد شاطر وسعره ارخص وانا بحب اعمل عنده مش عارف ليه
شامبو في الحلميه ليه اخ اسمه ياسر هوا الي بيصلح ده شاطر جدا بس خليك واقف ومتسبش البايك