مقبل ع شراء تاكسي ف طنطا وعايز اعرف الفرق بين الادا الروسي والمصري 2107
واعرفها ازاي وسعرهم كام لموديلات فوق 2008 واخبار السخنيه ايه
والي عنده حاجه يقولها وجزاكم الله كل خير
عرض للطباعة
مقبل ع شراء تاكسي ف طنطا وعايز اعرف الفرق بين الادا الروسي والمصري 2107
واعرفها ازاي وسعرهم كام لموديلات فوق 2008 واخبار السخنيه ايه
والي عنده حاجه يقولها وجزاكم الله كل خير
السخونيه موجوده فى كل العربيات الادا يس ليها علاج نهائى وعملى
اغير الرداتير لنحاس بدل الومنيوم دا الي انا سمعته
متابع
الروسي هتلاقي اكصدامتها فيبر
المصري الأكصدام حديد
الروسي - اريال الرديو علي الرفرف
المصري - الأيريال علي القايم
الروسي - فيها احزمة امان للكنبة الخلفية
المصري - مافيهاش
الروسي - غالباً 1500 انجيكشن
المصري - 1600 كربراتير
الروسي - بتنزل من غير اي باكتات علي الأبواب
المصري - فيها باكتات علي الأبواب
الروسي - زجاج العربية بالكامل مش مصري وابيض
المصري - زجاج العربية بالكامل ملون ود/جريش
الفروقات لسة كتير اوي وماتعدش
بس دوول كفيلين يكشفوا اي عربية مصري من روسي
تحياتي
بالنسبة للسخونية
هرد عليك بكرة ان شاء الله عشان داخل انام
مراية الروسي صغيره
لكن المصري كبيره
السخنيه لو ملاكي عادي مافيش مشكله ولو حابب ممكن تعزل الصالون كويس وممكن كمان تغير الليتاتير يواحد نحاس
افتح الكبوت لو لقيت كلمه vaz تبقى روسى و الروسى 1500 و المصرى 1600
بالنسبه للسخونيه لو مروحه التبريد على سير متقلقش من السخونيه فقط راجع دوره التبريد و التأكد من عدم تسريب مياه الريداتير و لو كهرباء فيلزم مراجعه دوره التبريد ايضا بالاضافه الى مراجعه سلامه ترموثتات المروحه ... وانا كان معايا عربيتين لادا و عمرى مشتكيت من موضوع السخونيه نهائيا
الف شكر ليكوا ياجماعه والله بس هطمع ف كرمكوا
-ف الاسعار بتاعت الموديلات الي 2008 وانت طالع للحاله التمام
-قدامي 2008 بيقول روسي فبريكه بالكامل 17 الف كم هي جديده من الاخر وبيتكلم ف 45
-2011 مصري 36 الف كم بيتكلم ف 36 بس رشه رفرف بره بس
-2007 كانت ملاكي ومقلوبه تاكسي من 7شهور وعامله 70الف كم ورشه ابيض بس ع لونها الكحلي والباقي فبريكه وروسي بردو عامله 167ال شيل 130 النمره يتبقي 37 هم تمن العربيه ورشها والترخيص
انا كدا قولت الي عندي ربنا معاكوا حلوها انتوا بقي
لا لا مهما كان بس الاسعار دي تقيل قوي انت ب45 دي تجيب لانوس محترمه او نوبيرا احسن هي معاها ل34 35 تبقي كده حلوه اووووووووووي..ده رأي الشخصي والسوق بيختلف
يا باشا
انا بايع لادا 2107 موديل 2005 فبريكة برة وجوة ب 24000
انت بالكتير اوي اوي اوي لو روسي 30000 موديل 2008 فيما فوق
الاسعار دي فين ياجماعه دا كدا احنا بنتخيط في طنطا وبعدين انا عايزها لادا عشان مش ماينفعش اجيب اتنين سواقين واركبهم لانوس او غيرها اكيد مش هيستحملوا زي اللادا
الكلام ده موجود عندنا في اسيوط...وبدل مانت في طنطا اخطف رجلك لسوق الجمعه وهتلاقي اللي انت عاوزه
بص يا جميل انا عايز اعرف روس والا مصرى فى الاجرة هتفرق معاك فى اية
لو عايز اجرة يبقى اتوكل على الله فى المصرى
طيب المصرى زبالة فى التقفيل وقطع السيارة منها غير مطابق لموصفات العمر الافتراضى لقطعة
ولكن -عملى جدا جدا بسبب موضوع الكربيراتيرا -فى الروسى انجكشن -وتصليح وقطع غيارة رخمة فى جميع انحاء الجمهورية -بقول الانجكشن -عشان محدش يفتكر انى بكلم عن السيارة الروسى
الموضوع هنا يختلف من اجرة الى ملاكى
شقه الاجرة قد الملاكى حوالى 10مرات
المصرى فيها باور ودا ميزة فى الشوراع وفى التوكسة
ولكن مش بتاع جرى عشان الباور وحش فى السرعات ( بعد 100ك/ساعة)
موضوع 17 الف دا انا مش مصدق لو كانت اجرة على ابوة (كان معايا سيارة اجرة من 2010/9 الى 2012/4 كانت عملة 170الف كيلو مع العلم انى بياعها عدد 70الف بس -عشان عداد الادا بيقلب كل 100 الف ههههههههههه مضحكة العملية دى )
العربية فكك من عدادها
تكشف على العربية الاول صاج (ال 4 رفارف بيتغيرو -مش هيفرق كتير فى الاجرة يامة هتغير رفارف -ولكن بينزل فى تمن العربية )
اطمن على الشنطة والحوض والاقايم وخلى بالك القايم الى بين البابين بعد استخدام شاق بيفرق وبيتشرخ ركز فى كويس جدا
طيب خش بعد كدة على المتور المتور المتور -من الاخر اسالة فية شمبر -قالك اة يبقى دا راجل محترم
الاقك لا يبقى سعتك مشكورنا تخلع خرطوم الفايز وتشوف بيجيب دخنة بيضاء يبقى شمبر وحاجات تانية تبان فى الفك
مبيجبش -يبقى تمام -واتوكل
العفشة -تجربة وتشوف اخبارها اية
الكوتش والبطارية تشوف اخبارة اية -وتاريخ انتاجة امتى -حتى و لو كان النقشة وضحة وتمام
بعد كدة الفرش الداخلى - كلة بتمنة
ولو فى كاسيت وجوز سماعات -غير بتوع الفبريكة الى فى التابلو -تبقى لوز ال الوز
ومتنساش تبص على مقاس الزيت لتكون مطحنة
فى شراء العربيات تتوكل على الله اولا واخير
ومتبسش لوحدك -خد معاك -اهل الذكر - واهل الذكر دوال يعنى المعلم كل فى مجالة
يعنى سمكرى محترم -وميكانيكى محترم - واوحد صحبك بيحبك وبيخاف عليك
ولين لقاء اخر فى موضوع السخونية ولية الف حل متقلقش -ممكن اقلبها تلاجة
سيبها على الله واسف للاطالة وربنا يوفقك
والله المستعان
على فكرة نسيت اقوللك ان العرض الاول2008 :00020191:ل المصرى
جميلة وشكلها عربية حلوة
والتانى 2011:00020191: برضة حلوة وتنزل شوية فى رشة رفف دى
و تفليها كويس
والتالتة ربنا ييسر لصاحبها
شكلها شقيانة :breakpc2:
بس فيه ملحوظه ان العربيات الي قولتها كلها ملاكي وانا لسه هقلبها وحالتها فوق الخيال عدا واحده بس
مافيش كلام بعد كلام استاذ احمد جمال