أخواني الكرام .
أرجوكم ....... أحذروا برنامج فيبر ...... فهو برنامج إسرائيلي المنشأ و الادارة .
يعني اللي عنده البرنامج على جهازه ......... كل المعلومات اللي على جهازك عند الصهاينة جيرانا الحلوين .
أحذروا و خلوا بالكم .
عرض للطباعة
أخواني الكرام .
أرجوكم ....... أحذروا برنامج فيبر ...... فهو برنامج إسرائيلي المنشأ و الادارة .
يعني اللي عنده البرنامج على جهازه ......... كل المعلومات اللي على جهازك عند الصهاينة جيرانا الحلوين .
أحذروا و خلوا بالكم .
:|
رقم الفاكس بتاعهم بيبدأ ب972 مفتاح اسرائيل فعلا :|
http://viber.com/dmca.html
بس هل بالضروره يكون برنامج تجسس !
اكيد ؟؟
على كده كل المعلومات السياديه في جهازي عندهم ؟؟؟ زي ارقام البنات وصورهم ؟ اخص
حتضر اعرف بنات تانيين :)))
اولا مشكور علي التنبيه بس يا تري الموضوع اكيد؟.......انا عن نفسي من ساعه ما جبت الموبايل مستخدمتوش غير مره واحده و عشان كده همسحه من باب الاحتياط
ممكن تعرفونا ببرنامج viber
برنامج فايبر عامل زي برنامج الواتس اب نوعا ما
وهو برنامج تواصل ومكالمات مجانية زي الماسنجر بتاع البلاك بيري بس البلاك بيري رسائل فقط بس هنا لما تيجي تتواصل مع شخص
بدل ما في البلاك بيري عن طريق االبي بي بن كود لا هنا عن طريق رقم موبايل الشخص
بتحطه وتعمل اضافه ولو هو مشترك في البرنامج بتقدر تتراسل معاه عادي
بس هو شغال على كله
ايباد اي موبايل يعني مش مقتصر على نوع معين او سيستم معين
وعلى فكره بردوا برنامج الواتس اب عليه كلام
بعدين اغلب البرامج ديه مش بتشفر معلوماتك غير حيالله بس البرنامج الي فعلا بيشفر بياناتك
ولايمكن اي جهه رسميه او حتى الشركه صاحبت البرنامج تجسس على بياناتك
الا باذن رسمي وخطاب رسمي الخ الخ والبرنامج اسمه line
أنا كنت بستعمل برنامج رهيب اسمه فيرنج
Viber was founded by Talmon Marco who served for four years in the Israel Defense Forces and held the position of CIO of the central command. He graduated Cum Laude from the Tel-Aviv University with a degree in Computer Science and Management .
=============================
Israel IL / ISR 972
=============================
Please ....... our Designated Agent at the following address:
DMCA Complaints
DMCA Officer
Viber Media Inc.
40 Kimonos St. 3095 Limassol, Cyprus
Tel Number: +1 (646) 810-8711
Fax Number: +972 (3) 634-5562
Email Address: notice@viber.com
يعني هو ايه المعلومات الي بتبقي موجودة في التليفون غير رسايل نصيه او اسماء اشخاص هتفيد دوله اسرائيل في ايه الموضوع ده هو البرنامج ده للمصرين فقط مهم قبل كده قالو كلام عن ياهو و لسه كل العالم بيستعمله عادي
خلاص يا جدعان كفايه لايك بقى ...
هههههههه
برضو مش حعترف برقم اي واحده
:p
طب واية المشكلة ياتوت لو من الجن الازرق طالما مجانى وبيفيدنا يبقى شغال
ياراجل دة الفايبر والفرينج والسكاى بى وفروا ملاااايين على البشر
ايه المشكلة ؟ ده برنامج كبير ومعروف ومش بيتجسس على معلوماتك , ومعتقدش انه معمول للتجسس على اكتر من 100 دولة في العالم يعني
طيب انا بسأل نفسي السؤال دا... هو ليه برنامج زي دا مجاني والناس تقدر تنزله وتوفر علي نفسها فلوس مكالمات دوليه بالهبل... الشركه المنتجه مستفيده ايه؟؟؟
معلومات ممكن تكون بتقولها وبالنسبالك عاديه ممكن تفيدهم واذا كنت انت مش في مكان مسؤل فا ممكن
غيرك ذو منصب يكون بيستخدمه او حتي مجرد وجوده علي الجهاز يكون بيفيدهم.. بفكر بصوت عالي
السلام عليكم .
يا جماعة إذا كان البرنامج مفيد ..... فأعتقد و الله أعلم أن ضرره أكبر من فائدته .
البرنامج له بدائل ...... زي السكايب مثلا .
الفرق أن السكايب أن بتعمل حساب جديد و ملوش علاقة بتليفونك أو دفتر عناوين التليفون أو قائمة الأسماء .
طبعا بما أن كل البرامج دي برامج صهيونية أمريكية (أغلبها ) الأمر ما يسلمش .
و لكن الفيبر .... و الواتس أب ..... بيشتغلوا مع رقم التليفون و قائمة الأسماء .
الله أعلم بقى إذا كانوا بيأخدوا بياناتنا أو لاءة .
أنا قلت أبلغ علشان اللي شاكك في الأمر ....... يوقف أستخدامه .
و اللي عايز يكمل ........ مفيش مشكلة خالص لو شايف أن ده كويسه له .
و الله الموفق
ياسيدي كبر مخك الدوله بكبرها اكيد مخترقه هتيجي علي الفايبر مثلا طيب فكر في الاقمار الصناعيه مثلا ولا حتي جوجل ايرث الي خلوه للعامه من سنوات بالتأكيد وصلو لانظمه تقنيه اكتر منه بكتير تخيل انته لما يكونو شايفين قواعدك العسكريه ولا مطاراتك ولا ولا ولا هتبقي جات علي الفايبر وبعدين لو جات علي الفايبر يبقي هيجيلهم شلل من كتر الرغي الي فيه انا اعرف ناس بتقعد بالساعتين ترغي في حاجات ملهاش اي تلاتين لازمه اكترها اه ياحبيبتي عامله ايه طيب اتغديتي ولا لسه طيب اتغديتي ايه طيب ايه اخبار العيال اتعشو ولا لسه وهلما جرا ولا انته فاكر لما يكون في تنسيق بين قيادات عليا ولا خلافه هيكون عن طريق الفايبر ولا تانجو مثلا ههههههههه
يا أخواني أنا مش بتكلم عن المحادثات الصوتية .
أنا بتكلم عن بياناتك اللي بتكون كلها عند الشركة .
و لو قرأت رخصة الأستخدام فيها بند بيقول أن بيانات تحصل عليها الشركة هي ملك للشركة و في حالة بيعها (شركة فيبر) تنتقل الملكية للشركة الجديدة (يعني بياناتك و بياناتي و أرقام تليفوناتنا بأسماء أصحابهم .... عند شركة صهيونية )
أنا بس بحذر للي عايز يأخد حذره .
طيب ما ال icqبرضة اسرائيل !!
و برامج كتير جدا كدة
الناس بيطورو نفسهم فى كل حاجة
مش شرط خالص يكون التجسس الهدف
و لو كان دا الهدف كان هيكون مش معروف مصدرة او اى مصدر واهمى
شكرا على التنبية ، وفعلا الموضوع مهم جدا ، وعلى فكرة التجسس مش بس اني اعرف مين مخبي سلاح فين ، الأهم اعرف مين (عايز) يعمل اية فى المستقبل والجو العام عامل اية
انا شخصيا هشيلة وواثق اننا عندنا اللى يعرفوا يعملوا برنامج افضل منة وفى انتظارة
اللي عايز يقتنع و مقتنع أن الأسرائليين مش بيستغلوا أي فرصة للتجسس علينا هو حر في رأيه .
بس لاحظوا أن صاحب البرنامج ........ كان شغال في الجيش الصهيوني
صدفة غريبة ........ و لا مش غريبة ؟
أنتوا عارفين أنهم بيتجسسوا على أمريكا ذات نفسها و كل شوية يتمسك جاسوس و بعدين الأمريكان يسيبوه ... الناس دي متغلغلين في كل شئ .
أنا قلت أحذر ....... و اللي عايز يستمر ....... يتفضل ........ و اللي عايز يوقفه ...... يتفضل .
كل واحد حر .
فاكرين حادثة التجسس الشهيرة بتاعة موبينيل
برج التغطية اللي كان موجود في العريش حد من الجواسيس في الشركة ضبطه على أنه يرسل ناحية فلسطين .
و طبعا الصهاينة كانوا بيتجسسوا على المكالمات المحلية و الدولية على أد ما يقدروا .
طيب تفتكروا هما حاولوا يوصلوا أنهم يرشوا واحد علشان يتجسسوا على شبكة تليفونات .
تفتكروا أن برنامج زي ده و بتاعهم و ملكهم و صاحبه كان ضابط في الجيش بتاعهم
تفتكروا هايسيبوه الفرصة دي ؟
الله أعلم اللي بيعملوه و ايه اللي في ضميرهم الزبالة ........ فالحذر واجب .
يا جماعة الراجل حذر بمعلومة صحيحة ، اللي بيشتغل في وظيفة سيادية سياسية او امنية او دبلوماسية ياخد بالتحذير ، اما البني ادم العادي اللي زي حالاتي مثلا مش هو المستهدف ومش حيضيعوا وقتهم علشان يسمعوا بيقول ايه ، بس كده !