حامل الاكواب

**mummy_47** · 23-06-2008 12:28 PM

معلش يا جماعة انا عندي استفسار ممكن يكون مش مهم لكن بيضايق وخصوصا اني لما كنت مسافر مطروح حسيت انها مشكلة فعلا فارجو نصيحتكم...انا عربيتي نوبيرا اوتوماتيك وفيها حامل اكواب مزدوج..وحامل الاكواب ده اصبح سايب يعني مش شغال بيعلق على طول ومش بيعشق في مكانه...يعني اما الواحد بيكون مسافر بيحب يشرب كوب شاي او عصير فاكيد حامل الاكواب ده مهم..ومش عايزكم تضحكوا عليا..فهل يوجد حد كويس يقدر يصلحة من غير ما يبهدل الطابلوه الابنوس بتاعها..
مع خالص شكري

**masafi5** · 23-06-2008 01:57 PM

لا لا انسي عندي برضو معلق ومبيمسكش مكانة

**ads** · 23-06-2008 03:07 PM

انا كان عندى مابيطلعش الا لما تشده بأديك وفكيته لاقيته عباره عن مجرتين بيجرى عليه الحامل وقطعة بلاستيك ركبه على سوسته الى بتدفع الحامل لما تضغط عليه وقطعة البلاستيك هى الى بتمسك الحامل لما تضفطه لجوه المهم زيت المجرتيت ب aki وشديت السوسته شويه علشان تدفع الحامل بقوه اكتر وجمعته تانى وجربته لاقيته شغال ذى الساعه

**mummy_47** · 23-06-2008 04:11 PM

المشاركة الأصلية كتبت بواسطة ads

انا كان عندى مابيطلعش الا لما تشده بأديك وفكيته لاقيته عباره عن مجرتين بيجرى عليه الحامل وقطعة بلاستيك ركبه على سوسته الى بتدفع الحامل لما تضغط عليه وقطعة البلاستيك هى الى بتمسك الحامل لما تضفطه لجوه المهم زيت المجرتيت ب aki وشديت السوسته شويه علشان تدفع الحامل بقوه اكتر وجمعته تانى وجربته لاقيته شغال ذى الساعه

طيب قولي عملته عند مين عشان انا معرفش اعمل ده لوحدي

**ads** · 23-06-2008 04:16 PM

المشاركة الأصلية كتبت بواسطة mummy_47

طيب قولي عملته عند مين عشان انا معرفش اعمل ده لوحدي

انا عملته بنفسى لاكن ممكن اى كهربائى يفكهولك ويظبتهولك

**mummy_47** · 23-06-2008 04:19 PM

يعني انا لو شديته هيطلع معايا بسهوله ولا لازم افك الوش الابنوس الاول وافك التسجيل

**ads** · 23-06-2008 04:29 PM

المشاركة الأصلية كتبت بواسطة mummy_47

يعني انا لو شديته هيطلع معايا بسهوله ولا لازم افك الوش الابنوس الاول وافك التسجيل

هتفك الوش الابانوس وهوه عباره عن كلبسات بيركب بالضغط وهتلاقى مسمارين فى الجنبين فى وش الدرج بتاع الحامل هتفك المسمارين وتشد الدرج بس براحه علشان ممكن يكون قافش مكانه وممكن يكسر وبعد ما طلعه بره هتلاقى عليه وش بلاستيك ممسوك ب4 مسامير هتفك الاربع مسامير هتلاقى الحامل من جوه هتسحبه لبره هتلاقى المجرتيين وفى الدهر هتلاقى قطعة استنلس مسكه قطعة بلاستيك وبينهم سوسته صغيره هى الى بتدفع الحامل لبره لما تتدوس عليه وقطعة البلاسنيك هى الى بتمسك الحامل لما تزوقه لجوه هتجرب الجزاء ديه سليمه ولا لاء وبتقوم بوظفته ولا لاء وزى ما قلتلك انا شديدت السوسته شويه علشان الحامل عندى مكنش بيطلع الا لما اشده وزيت المجريتين بزيت aki بتاع الكاسيت وجمعته والحمد لله اشتغل زى الفل

**mummy_47** · 23-06-2008 04:32 PM

الف الف شكر ليك وانا هجرب وان شاء الله يظبط

**ads** · 23-06-2008 04:36 PM

المشاركة الأصلية كتبت بواسطة mummy_47

الف الف شكر ليك وانا هجرب وان شاء الله يظبط

اطمن الموضوع سهل جداً بس عايز شويه حساسيه فى الفك والتركيب علشان ماتكسرش حاجه او تجرح حاجه وبالتوفيق

**maged** · 23-06-2008 04:49 PM

طيب انا كمان عندى طفاية السجاير اللى فى التابلوه جزء منها اتكسر يعنى انا مش بدخن سجاير انما شاريها كده الكسر فى الحرف اللى بيدخل فى المجرى بتاعة التبلوه يعنى الكسر فى الطفايه نفسها وبتبقى سايبه اى مطب تخرج من مكانها
فهل يمكن تغييرها او موجوده اشتريها شكرا