الشراء عبر الانترنيت

**أحمد كمال** · 13-07-2012 03:44 AM

المشاركة الأصلية كتبت بواسطة dede_dodo88

أنا عمري ما أفكر أشتري بالفيزا من أمازون لأنه مش مضمون + مش كله بيوصل لمصر + أجراءات الجمارك و التخليص هنا أنا اللي هتقرف فيها..

أنا عادي بشتري بالفيزا بس لما بيكون من trusted online store بيدعم التوصيل لمصر بfedex مثلاً فهما اللي بيخلصولي الجمارك و الحاجة توصلي لحد البيت و بحاسبهم عليها..

Edfa3ly.com أحسن حل لو حاجة مبتوصلش لمصر على طول و ممكن تدفع كاش أو فيزا من عندهم, هما هيعملولك كل حاجة و الحاجة توصلك للبيت و مصاريفهم مش كتير و كل فترة بيعملوا عروض زي تخفيض على الجمارك أو الشحن و هكذا..

سؤال برئ : أمازون مش مضمون ليه؟ ده واحد من أكبر و أأمن المواقع العالمية ! انا بقالي اكتر من 10 سنين باشتري منه بالكريدت كارد عادي جدا .......

المشاركة الأصلية كتبت بواسطة sherif khalifa

امازون مش بيشحن لمصر
لازم shop and ship فى aramix بس خالى بالك من التكلفة
ممكن تتعامل مع ادفاعلى او اى حد زيهم

مش كل انواع البضاعة على امازون ما بتتشحنش مصر على فكرة .......

**nimaster** · 13-07-2012 11:37 AM

انا اؤيد كلام الاخوه عن امازون
من احسن وامن المواقع اللى تشترى منها

**mido** · 13-07-2012 12:42 PM

انا بشترى من aliexpress ناس صينين و غلابه و على قدنا :)
الحاجات رخيصه بس تكلفة الشحن غاليه بس انا بشحن بالبريد العادى و بتجيلى على البيت بس بتاخد وقت

**Dr_Mido** · 13-07-2012 01:01 PM

منا زيك بجيب منهم حاجات كتير وفى اراميكس فى الصين بجيب منهم

**أحمد كمال** · 13-07-2012 05:07 PM

المشاركة الأصلية كتبت بواسطة marsguy

أنا لو جمعت فلوس الحاجات اللي إشتريتها من أمازون كان زماني متجوز مرتين :)

أمازون ده أجمد خدمة عملاء شفتها في حياتي

بس أنا عمري ما إشتريت وبعت على مصر، دايماً بابعت على أمريكا أو إنجلترا

اهلا بيك ..... كنت فاكر نفسي الوحيد اللي مضيع فلوسه عالشوكولاتة و اللبان