هو ممكن الحرارة توصل 110 كتير وميحصلشي نقص في المياه

**asaid** · 10-07-2012 04:10 PM

وانا مشغل التكيف الحرارة بتجيب بتاع 107 لفترة وتنزل تبقى 100 مثلا المهم انا ماشي برده ومش بيهمني . الغريب اني مش بلاقي المياه بتقل يعني المفروض ان درجة غليان المياه 100 يعني المفروض يبقى في بخر و المياه تقل وانا بمشي كل يوم على كده. بس انا بحط مياه خضرا هل درجة غليان المياه الخضرا اعلى من 100؟
انا شاكك يكون ساعة الحرارة بتخرف بس انا معاد تشغيل المروحة تمام عندي زي المعروض في مؤئر الحرارة عند 88 المروحة بتشتغل يعني كده الساعة مش مزودة.
هل من تفسير؟ لأني كنت عايز اركب مروحة امام السربنتينة عشان السخونة بس عايز اتأكد ان درجة حرارة المؤشر بجد مش تهيس

**mohamed_rhem** · 10-07-2012 05:21 PM

ممكن يكون الترموستات باظ او المروحة ضعفت

كمان حط مياه موبيل بدل المياه العادية بترفع درجة الغليان

**Elawany13** · 10-07-2012 06:16 PM

فعلا المياه الملونة الخاصة بالرداتير درجة غليانها اعلى من 100 درجة مئوية
ونفس الكلام بالنسبة لدرجة تجمدها

**sakr_skoda** · 10-07-2012 10:29 PM

حساس الحرارة عندك مهيس كان عندى نفس المشكله ودوختنى وطلعت روحى وفى الخر لقينا حساس الحرارة مهيس غيرته المشكله ذالت والكل تمام التمام........*

**Elawany13** · 12-07-2012 03:01 AM

المشاركة الأصلية كتبت بواسطة AhMeD MeTwAlY

جي تراقبني هنا في القسم كمان

حبيبي اخبارك ايه والشاهين عمله معاك ايه
بالنسبة لموضوع المايه تأكد ان حساس الحراره مظبوط وبعدين لما توصل 100 حضرتك انزل افتح القربه لو طرد مايه اعرفه ان الحساس شغال تمام مطردش مايه شيله ارميه وركب واحد تاني

انا جيت القسم هنا من الشريط اللى بيلف فوق فى المنتدى

هههههههههههههههههه
متنساش ان عندنا فليشيا بتاعت الحاج
ياعنى من حقى ادخل قسم سكودا

أنت بقى ايه اللى جابك هنا
انت معاك 2 شاهين
يالا اتفضل على قسم فيات
ههههههههههههه

الحمد لله الشاهين كويسه معايا
ربنا يديمها نعمة ويحفظها من الزوال

**asaid** · 12-07-2012 03:42 PM

المشاركة الأصلية كتبت بواسطة mmosly

وممكن برده يكون فى سده فى الريداتير علشان كده تدفق المياه قليل جوا الماتور

ودى معرفتها سهله اوى

شيل الخارطوم الى خارج من القربه وانفخ فيه شوف كده معدل ألى خارج من النحيه التانيه الى داخل القربه مناسب ولا مخنوقه

لعل وعسى

طبعا كلامى مش اكيد

بس نصيحه منى هات ريداتير جديد لو لقيت كده وريح بالك

انا عندى بشغل التكييف والحراره الله اكبر مش بتزيد عن 90 علشان حطيت السنه الى فاتت ريداتير صينى المنيوم

طيب سؤال ومفيش مروحة أمامية عند حضريتك امام السربنتينة بتاعت التكيف؟
وهل ريداتير الصيني بيركب عليه المروحة القديمة اللي عندي بالقميص بتعها من غير ما أغير حاجة؟ انا مش عارف اصلا الريداتير اللي عندي ده إيه ممكن يكون الصيني اللي بتقول عليه