هو لسة فيه ناس بتحكم عالعربيات من حيث كورى قصاد يابانى يبقى اليابانى يكسب؟؟
احنا عندنا عربية نيسان صنى مو2008 يابانى
ونوبيرا 1 مو1997 كورى
الاتنين full option
نيجى الاول للمقارنات الغير قابلة للجدال ...يعنى اللى من نوع 1+1=2
واللى محدش يقدر يختلف عليها سواء منحاز للعربية او لأ:
الخامات: النوبيرا خاماتها انضف من الصنى بمراحل
الوسع:النوبيرا اوسع وكنبتها الخلفية اريح
الذكاء فى التصنيع:مش هايعرفها غير اللى فصص العربيتين واللى مافصصش هاقوله افتح كبوت العربيتين جنب بعض والحكم ليك وكذلك الكماليات جوة العربية ..لصالح النوبيرا
من الاخر النوبيرا تكسب الصنى ماعدا نقطتين
الاولى تكييف الصنى بيتلج العربية فى اقل من 30 ثانية وماتشحنش ولا مرة من يوم ماجبنا العربية مع ان العربية مابتتحركش غير وهو شغال ليل ونهار
التانية دركسيون النوبيرا اريح من الصنى الا ان الصنى سواقتها اسهل من النوبيرا وباحس انى كاشف كل زوايا العربية بسهولة عكس النوبيرا اللى بتتساق بالوَيَم وزواياها صعبة جدا
نيجى بقى للمقارنة القابلة للجدل
الثبات:
النوبيرا جبت بيها 180 ولازقة فى الارض
الصنى اخرى فيها 130 وبردو كانت لازقة فى الارض بس النوبيرا انعم فى التحكم والسواقة وماعرفش ظروف الصنى بعد السرعة دى ايه لانى ماجربتش
يكفى ان الفرق مابين العربيتين 11 سنة ومع ذلك النوبيرا لسة بتنافس الصنى
مع ان دى كورى ودى يابانى وفى عُرفنا الكورى دا زبالة واليابانى هو التوب
حاجة كمان،
الكورى مابنصلحش فيها حاجة الا اما تبوظ وتجيب اخرها
اليابانى على طول صيانة دورية وتغيير قطع الغيار قبل ماتبوظ
ويمكن هو دا السبب اللى مخلى الناس تفتكر ان العربيات الكورى مابتعمرش مع ان العيب مش من العربية ..العيب من اللى سايقنها
تقبلوا مرورى واعتذارى لصاحب الموضوع لخروجى عن غرضه
المفضلات