الموضوع: خبطت بتاع ديلفري

المشاركة الأصلية كتبت بواسطة eng f3lix

ولا تعالي ولا اي كلام من ده
الحمد لله ان مش ابن وزير ولا رجل اعمال كبير من بتوع البلد عشان تقول عليا متعالي والكلام ده
وانا مش ندمان اني عملت كدة بصراحة بالعكس فرحان وفخور بنفسي
وجايز حضرتك محصلكش موقف معاهم عشان تعمل كدة بس ان شاء الله الايام بنا وبكرة تشوف كلامي صح ولالا لما يحصلك موقف هتقول ياريتني وياريتني


ومين قالك ان لو حصل وكان الراجل خبطني انه يطلع سليم او انا اطلع سليم
انا حاولت انقذ مايمكن انقاذه ومش هأذي نفسي ولا هأذي ناس ملهاش ذنب عشان واحد زي ده
وبصراحة شايفك متعاطف اوي مع الناس دي بدون سبب .. هتقولي انسان هقولك ده عالة على المجتمع ولو فضل وسطنا يبقى عمرنا ماهننضف ولا نتقدم

(واحد زى ده - عالة ع المجتمع - لوفضل وسطنا عمرنا ما حاننضف)

كل ده وتقول انك مش متعالى ؟؟؟ بصراحة انت صعبان عليا

أما فرحتك وفخرك بنفسك فياريت ماتنساهمش يوم القيامة...لما ربنا يحاسبك على أذية بنى أدم كرمه الله واهنته أنت وتفاخرك بذلك من أجل اتجاهات سير فى الشوارع من صنع البشر

وأرجو من الله ألا يرتد اليك مافعلت فى نفسك أو أهلك

"فستذكرون ما أقول لكم وأفوض أمرى الى الله ان الله بصير بالعباد" صدق الله العظيم

المشاركة الأصلية كتبت بواسطة أبومعاذ

رغم إني معاك إنهم مستفزين جدا ً بس كنت ممكن تهوشه بس بدل ما تعوره ولا تكسره :(

+111111
و كان ممكن الموضوع يكبر عن كده و تعمله عاهه لا قدر الله

المشاركة الأصلية كتبت بواسطة eng f3lix

النهاردة راجع من مدينة نصر وعند ميدان سفير ماشي على اليمين خالص ولقيت موتوسيكل ديلفري جاي في وشي عكس وفجأة ......
قرر انه يمشي في اتجاهي فاملقاش حد يلف قدامه غيري وانا اساسا بقيت بموت في المشاكل
هووووووووب
خبطه وهو بيلف وقع اتدحرج على الارض وقعد يقول ( اااااه يا رجلي ) لاني زنقت رجله الشمال في الموتور بتاع الموتوسيكل


طبعا الخساير عندي شوية خدوش لاني يدوبك ريحت عليه بس ترييحة جامدة شوية
وكدة كدة كنت هرش العربية فامش فارقة

طبعا الناس اتلمت وحرام عليك ومش حرام عليك ولقيت امين شرطة جاي بيقولي انا شوفت ان انت مش غلطان في حاجة وهو جاي عكس لو تحب نعمل محضر ونحبس الواد ده قولتله لا كفايا هو كدة اتربى

لحظة من فضلكو
طبعا فاكرين ان الحادثة دي غصب عني
لا طبعا دي بمزاجي
انا شايف الزفت جاي عكس في وشي وحاطت احتمال انه يعمل الحركة الزبالة دي
الناس هتفتكر اني فرملت على قد مااقدر .. لا بالعكس انا قاصد اخبطه ومش هاممني الخساير
اولاً العربية اللي ورايا كانت لازقة فيا ولو وقفت جامد هيخبط فيا وششششش + ان كان فيها اطفال يعني ممكن لاقدر الله حد يحصله حاجة بسبب الكلب اللي خبطه ده
ثانيا وده الاهم انا حبيت اعمل كدة عشان اعلمه الادب وميعملش حركة زي دي تاني


اول ماخبطت البقف ده نزلت من العربية وانا على الباب كدة بقوله ( قوم من قدامي والا هكمل عليك ) طبعا قعد يحاول انه يقوم والناس بتساعده وهو شايفني مستبيع ومش فارقة معايا راح من سكات بدأ يتحرك

وادي قصتي مع بتاع الديلفري خصوصا ان ليا تجارب كتير معاهم
مرة واحد يكسرلي المرايا ويجري في الزحمة
ومرة واحد يخبطلي الرفرف في الزحمة بردو ويجري
وحلفت بعد كدة ان اي حد يقع قدامي مش هسيبو


ماذا تفعل لو كنت مكاني؟ xD

كنت كمل عليه وريحنا منهم