لمحترفى القيادة-ما هى الوصفة السحرية لركن العربية

**hazem_khidr** · 21-06-2007 04:42 AM

متشكر جدا يا استاذ/حازم على الملحوظة الهامة جدا جدا وان شاء الله هعمل بيها وادعيلك

العفو يا باشا و انا تحت امرك في اي استفسار و خد بقي شويه حاجات لزوم السواقه
1.سخن العربيه الصبح علي الاقل دقيقتين و ما تسمعش اللي يقولك اطلع عادي من غير تسخين (في فرق لما تقوم من النوم و تجري و في فرق لما تاخد نفسك و بعد كده تجري)
2.امشي دايما و خلي بينك و بين اللي قدامك مسافه امان حتي لو ماشي في زحمه و قدامك اي عربيه ما تلزقش فيها لعل و عسي يريح اي وقت يقوم يخبط فيك سيب بينك و بينه متر مثلا.
3.لو مثلا دخلت ركنت في مكان مزنوق ولا حاجه (بين عربيتين بالطول مثلا و دخل من ورا عمود) لما تخش ما تعدلش الدركسيون و سيب الدركسيون علي نفس الكسره اللي داخل بيها و لما تيجي تخرج و انت مغمض حتلاقي العربيه طلعت من غير اي مشاكل :lol:
4.دايما شغل النور الواطي و انت ماشي و خلي بالك من النقر و المطبات بالليل و طلعات الكباري ما تحاولش برضه تتصدر ورا عربيه ممكن لاي حال العربيه دي تنزل شويه انت اللي حتبقي خسران
5.ماشي علي الطريق خلي بيني و بين اللي قدامك مسافه امانعلشان لا قدر الله هو وقف في اي لحظه تقدر انت تفاديه.
عموما اهتم بالكلام دا و ان شاء الله بالتمرين حتوصل لكل حاجه
المداخله الجايه اعملك ازاي تطلع امريكاني و تعمل خمسات :mrgreen: :mrgreen:

**fahd_628** · 21-06-2007 12:08 PM

والله يا باشا هيا بتيجى بالممارسة

يعنى فى الاول حتقعد كتيير علشان تركن و بعدين حتاخد على ابعاد العربية و زاوية العجل ( قصدى بيجى يمين او شمال لكام درجة اصل فية عربيات متعبة جدا فى الركن و بتكون الزاوية بتاعتها صغيرة )

و شكرا

**fady** · 21-06-2007 12:20 PM

حاول حضرتك في الاول تشوف اي واحد من اصحابك و تخليه يقف قدام كل ركن من اركان العربيه و انت راكب جوه العربيه.
بالطريقه دي حضرتك هتقدر تستوعب ابعاد العربيه عامله ازاي و ده ان شاء الله هيساعدك كتير قوي بعد كده سواء في القياده او الركن.

:)

**Nader** · 22-06-2007 08:59 PM

صعب اوي الشرح نظرى كدة.

**bassam nagy** · 23-06-2007 02:06 PM

انت الاول حتطلع بحيث تكون محازى بالظط للعربية اللى قدام تمام

ةبعد كده ترجع بحيث يكون تلت العربية جنبية فراغ والتلت التانى جنبية العربية اللى قدام تمام اقف
تجيب عجلك كله يمين بحيث تخش بضهرك تخحش بالعربية لحد ما تلاقى نفسك قربت من الرصيف
اوقف اعدل عجلك كله شمال وارجع لورا حتلاقى نفسك فى وسطهم بالظبط

**WaelSalim** · 22-10-2007 11:42 AM

معلومة..
خالي اختبر قيادة علشان الرخصة في السعودية وكانت دي ملاحظاته.... لو مبصتش بعينك لورا وانت بتركن هتسقط وقتي.. لازم تبص لورا والمرايات وحدها مش كافية.. ده اولا..
ثانيا خلي بين عربيتك والعربية اللي جنبك تقريبا نصف متر
ثالثا ارجع للخلف لحد ما تلتين عربيتك يبقي موازي للمكان اللي هتركن فيه..
رابعا اكسر العجل علي الاخر وارجع لورا
خامسا ارجع لحد ما تبقي شايف ركن عربيتك علي استقامة واحدة مع ركن المكن اللي هتركن فيه..
سادسا اكسر العجل كله للناحية التانية وارجع لحد ما تبقي علي استقامة واحدة مع العربية اللي قدامك واللي وراك..
سابعا اعدل عجلك وظبط المسافة بين اللي قدامك واللي وراك عشان محدش وهو خارج يعورك في اكصدام ولا حاجة..

**eng_mkhalaf** · 22-10-2007 01:47 PM

المشاركة الأصلية كتبت بواسطة Everlasting

جرب اللعبة اللذيذة دي ... بتعملك إزاي تركن

http://www.addictinggames.com/parkmycar.html

مشكور وجارى التجربة

**casperinoo** · 23-10-2007 02:07 AM

ان بدأت تظبط معايا بعد اسبوع...
1 قبل متقرب من المكان اللي هتركن فيه ادي انتظار علشان غير كده هتلاقي واحد جيه لزق فيك من ورا ومديها كلكسات...لو مشغل انتظار وبرده كلكسات يبقي فكك منه واركن برحتك ومتستعجلش ..علشان عربيتك والعربيتان اللي هتركن بينهم

2 خلي عربيتك موازيه للعربيه اللي قدام والمساف بينك وبينها قليله واخر عربيتك يبقي مع اخر العربيه اللي قدام....واكسر الدركسيون علي الاخر في اتجاه المكان اللي هتركن فيه

ارجع بطىء بس خلي بالك
1 بوز عربيتك اللي هو ((عكس المكان اللي هتركن فيه))
2جمب عربيتك اللي ناحية المكان اللي هتركن فيه

ارجع لحد مايكون بينك وبين الرصيف نص متر...اقف واعدل الدركسيون
والافضل تعدل واحده واحده وانت راجع((بس ده لو المكان واسع شويه ))لو ضيق يبقي تقف وتعدل
وارجع تاني بس خلي بالك من العربيه اللي وراك

وان شاء الله هتظبط معاك
المهم خد وقتك وبراحتك وفكك من اي حد ...لأن ديه الحاجه الوحيده اللي هتقف قدامك :? :?