موقف في بريدجستون أول الهرم انهاردة
بأختصار كدة روحت اظبط زويا الأفيو بتاعتي أنهاردة و انا معروف هناك يعني
و عارفين اني معايا الاستيكر على الأزاز
المهم الحساب كام 30 جنيه
قولتله بس انا معايا الاستيكر
قالي طيب ثواني و قعد يعمل حاجات على الكمبيوتر و بعدين قالي معلش حتى بعد الخصم هيبقى 30 بردو !!!!!!!!!!!!!!
قولتله ازاي قالي اصل الخصم أصلاً لو هتظبط زوايا امامي و خلفي مع بعض بـ 50 جنيه بعد الخصم بيبقى 30
قولتله بس انا معنديش زوايا خلفي
قالي حظك كدة
بس اداني فواحتين بيتعلقوا في المراية بصراحة ريحتهم حلوة قالي واحدة للأفيو و واحدة للياريس
هو انا كل مرة بدفع من غير ما اسأل بس بقوله اني معايا الاستيكر و بكون عامل كذا حاجة مع بعض فمش بدقق قوي في الحساب
لكن المرة دي كانت زوايا بس
و من حوالي 10 ايام كنت بعمل للياريس و هي من غير استيكر و كان الحساب 30 جنيه علشان كدة خدت بالي .
هو كان الموقف ده حصل من زمان مع محاسب تاني و رد عليا رد مقنع اني كنت لازم اقوله قبل ما يعمل الفاتورة اني معايا الاستيكر .
لكن رد انهاردة كان اشتغالة بصراحة .
بس للحق معاملتهم في المجمل لسة محترمة
بس هرجعلهم تاني بكرة علشان الكاوتش بيصفر مع التهدئة بالفرامل بعد ظبط الزوايا