Goodle باشا
والله دة أنت تنفع مؤلف سينمائي كبير .... وصفك لرواد مدرسة "البوب الشنكوت" كان وصف زي العسل .. خلاني كأني شايفهم قدامي بشحمهم ولحمهم
عرض للطباعة
Goodle باشا
والله دة أنت تنفع مؤلف سينمائي كبير .... وصفك لرواد مدرسة "البوب الشنكوت" كان وصف زي العسل .. خلاني كأني شايفهم قدامي بشحمهم ولحمهم
مش عارف ليه يا استاذ محمد و انا باقراء موضوع الفن المسماري و أثاره على شخصية سيارتي العزيزه ..مش عارف ليه جه في بالي علي الزيبق و المقدم دليله و سنقر الكلبي...تفتكر ليه؟
يا فندم مصطلح هواة هنا مش مقصود بيه غير المحترفين.. إنما هو مقصود بيه هواة لأنهم يهووا هذا الفن.. وزي ما انت عارف إن "الهاوي ينقّر بمساميره" ... ههههه.. حلوة حلوة :) :)
نييجي للجد بقى...
حضرتك ده أسلوب وبعض الناس بتعتقد خطأ إنه مدرسة قائمة بذاتها..
شوفي يا سيدي.. الفنانين دول بينتموا لمدرسة "الواد بصلة" المذكورة آنفاً (راجع الشرح في صحفات الموضوع) اللي طوره نهجها الفنان المتميز زقلط (شكر خاص للباحث المحترف الهاوي الأستاذ mohamed_88sk على إضافاته)
ويعد هذا الأسلوب من الأساليب الرومانسية في الفن المسماري، إذ أن هذا الأسلوب مستوحى من القصص الخيالية القديمة ومنه استقى النقاد الإسم المميز له: أسلوب "الأميرة المخطوفة"
ويستوحي هذا الأسلوب كما يظهر من أسمه من قصة الأميرة المخطوفة التي تركت فتات العيش ترسم خطاً ورائها لكي ينقذها أهلها من خاطفيها..
ومن هذا المنطلق الرومانسي (والذي يحوي الكثير من الحنين إلى قصص الأطفال وفترة الطفولة.. المشردة في أغلب الأحوال) وعليه فإن الفنان المسماري يقوم بترك كحت (غالبا من يكون طوليا) أثناء مروره الكريم على سيارات المنطقة وهو رايح في الداهية اللي رايحها.. ويستمر الكحت مادام هناك سيارات في المتناول، واحدة بعد الأخرى، وذلك كي لا يضل عن طريقه... الله لا يرجعه :)
وهذا الأسلوب مظلوم في حق النقاد والجمهور إذا أن لوحاته ماتفتء أن تدمر ما أن تتحرك واحدة أو أكثر من العربات التي كانت ضمن اللوحة الواحدة.. لذا ينصح دائما الجمهور من عاشقي هذا الأسلوب بمتابعة الفنانين عن كثب حتى تتحين لهم الفرصة (إما لمشاهدة اللوحة كاملة وإما لعكش الزفت ده بعد ما بهدل عربيتك) :) :)
شكرا وإلى اللقاء في حلقة قادمة بإذن الله.. :)
شكرا يا أستاذ محمد عالثناء ده .... بس حضرتك عارف إن الفن ده مظلوم من قبل بعض الناس وده اللي خلاني أذكر بعض المعلومات اللي تساعد على تحسين صورته (ربنا ينتقم من بصله الكبير وكل اللي جم وراه )اقتباس:
(شكر خاص للباحث المحترف الهاوي الأستاذ mohamed_88sk على إضافاته)
http://www4.0zz0.com/2008/06/25/14/334324049.jpg
دي لوحة xo مسمارية (سنييه) لفنان موهوب اسمو eslam الله ينتقم منه ودة علي شنطة سيارة والدي من حوالي شهر
الحمد لله وصلت اللوحات المسمارية لعربيتي الليون اللي مكملتش كام شهر !
واللي مستغربله إن البيه كان بيتعلم الفن بتاعه في إلإكصدام الخلفي
اشمعنى مش عارف ؟!!
Thanks
Eng.Sherif Shaker
جايز كان قاعد في الارض يا شريف..
يا اما نايم تحت العربية..
او الحل الاهير بقي..
ان الطفل المعجزة.. لسة مش بيعرف يمشي اصلا..
بيزحف لحد ما وصل لمكان التعليم الاول للفن المسماري..
المفروض تعمل اعلان علي عربيتك بقي..
اول جداري مسمارية اكصدامية في جمهورية مصر العربية.. :) :)
يا خبر أبيض إيه الأفترا ده منه لله بجد .... بس يا ترى كسب ولا لأ بعد الأذى ده :):)اقتباس:
http://www.nilemotors.net/Nile/image.../wol_error.gifThis image has been resized. Click this bar to view the full image. The original image is sized 749x392 and weights 22KB.http://www4.0zz0.com/2008/06/25/14/334324049.jpg
دي لوحة xo مسمارية (سنييه) لفنان موهوب اسمو eslam الله ينتقم منه ودة علي شنطة سيارة والدي من حوالي شهر