الموضوع: الفن المسماري - حقائق تاريخية - موضوع متجدد

المشاركة الأصلية كتبت بواسطة Noha-M

انا النهاردة و لله الحمد و انا راجعة من النادي ببص على شنطة العربية لقيت مرسوم علامة nike !!!

والله قعدت اضحك من الهم !! كنت بفكر اكملها و اكتب just do it!!

إيه التوقيع الجامد ده يا نهى باشا :)

Nike أسهل كتير من اديداس و impossible is nothing :)

ربنا يعوض عليكي يا نهى باشا و على جميع ضحايا الفن المسماري

أنا سايب الكليو ما فيهاش حاجة شهر ١١ اللي فات ...متوقع فن سريالي لما أشوفها المرة الجاية إن شاء الله.....ربنا يستر

الفيلشيا نفدت من الفنانين الممسمرين بس البولو بتاعة المدام نابها من الحب كتير

ميخسييي بوووكوووو بوووغ لو بو كومبليمون

جي فوزمبغيي باشا :)
الفن المسماري بقى من حقائق الحياه في المحروسة ...للاسف الشديد ما فيش حل

المشاركة الأصلية كتبت بواسطة Noha-M

انا لسة شايفة واحدة سيراتو فضي و اجدد كمان من بتاعتي و معمول عليها قلب و سهم و عمر + سناء = حب !!!!!!!!!!

زمان كان الحبيبة بيكتبوا على الشجر زي زي صلاح و سميحة دول بتوع المخدة التي لا تنام و لا اسمه الفيلم ده بتاع عبد الحميد حافظ.. دلوقتي بيكبوا على العربيات.. لييييييييه؟ هو الشجر خلص من البلد و لا ايييييييييه؟ و لا هو حب للأذى و خلاص؟

اكيد لو بنز كان عارف اللى هيحصل وان اختراعه هيبقى لوحه لفن جميل زى الفن المسمارى مكنش اخترع العربيات . زى امريكا لو كانت عارفه ان الاشارات فى مصر هتستخدم فى التسول والعيال اللى بيهبطوا عليك بالبراشوت قدام الازاز بخرئه مكانتش اخترعت الاشارات سنه 1910 . اظن كلنا لحظنا ان مفيش حد من الفنانين العباقرة بتوع الفن المسمارى بجميع مدارسه بيشتغل فى لوحه قصدى فى عربيه ابوه او اخوة او حد من قرايبه او صحابه طيب اشمعنى بقى كل شغلهم تصدير ومبيحتفظوش بحاجة لنفسهم فى عربيات اهاليهم