العربيه بتبطل لوحدها

**iahamza** · 11-07-2012 09:51 AM

شباب الاوبل السلام عليكم

معايا كورسا 1200 - حصل معايا مشكله اتكررت كتير على مدار شهر وهى ان العربيه بتبطل لوحدها وهى واقفه او وهى ماشيه على سرعه وادورها تانى مره تدور ومره لا

فى مره كلمت الكهربائى قالى مبدئيا شوف طرمبه البنزين شغاله ولا لأ عن طريق فك الخرطوم الواصل للكربيراتير وعملت كده ولقيته بيجيب بنزين -قالى تمام

بعد كده قالى شيل كبل الموبينه ولمسه للعربيه مع التدوير لو جاب شراره تبقى الموبينه شغاله وعملت كده و طلعت شراره وبعد موصلت الكبل تانى العربيه اشتغلت بعد اكتر من ساعه ونصف على الطريق بحاول فيها

المهم عرفت ان كل مره تبطل انزل اشيل الكبل واحطه تانى تشتغل
اخر مره الكهربائى قالى عاوز موبينه

نسيت اقول ان فى كل مره بتبطل بسمع صوت فرقعه مرتين تلاته

اسف للاطاله واتمنى مساعدتكم

**mazagngi2010** · 11-07-2012 10:01 AM

موبينه او ممكن كونتاكت او وساخه بنزين

**iahamza** · 11-07-2012 11:50 AM

شباب ممكن سعر الموبينه و الطرمبه جداد

**tananybasha** · 12-07-2012 12:40 AM

الطرمبة شغاله خلاص
الموبينا
شوف المشط
او حساس الكرنك نضف الفيشة بتاعته الأول

**wama00** · 15-07-2012 06:30 PM

انا نفس مشكلتلك بالظبط بس ده حصل معايا لما مونت للاسف من بنزينة التعاون اللى فى شبرا الخيمة لا وايه فولت التانك ولاد التتتتتتتتتتتتتتتتتتتتتتت تتتتيت مش عارف خلطينة ب 80 ولا عاملين ايه بالظبط العربية بقت زى الزفت زفت بتطل وانا ماشى كتيييييييير وافضل اتحايل عليها لحد ما تدور تانى ولازم اذود بنزين اوى علشان يعدى الرواسب اللى فى الشاشات واسمع صوت فرقعة فى الشكمان,,, المهم خلصت التانك وفولت من بنزينة نضيفة وسبحان الله الفرق بقى رهيب بنزين 92 بجد العربية سحبها زى الفل,,,, لكن اتزنقت تانى وانا ماشى برضة فى زفت شبرا الخيمة بس المره ديه كانت بنزينة موبيل ولاد الستين تيييييييييييت نفس الحركة تانى العربية بتبطل وسبتها وسافرت وهى مركونة دلوقتى مش عارف لما انزل بقى اعمل فيها ايه افضى التانك ولا ايه؟؟؟ اخويا بيقولى ما بتكملش 10 متر وتقف؟؟؟؟ منهم لله اللى بيغشوا البنزين