لا بالعكس هو في سرعه في الهرم!!!!!
بيزعقوا علشان هم مستعجلين يلموا زباين وانا ماشية عل مهلي وقافلة الطريق هههههههههههههههههههه بذمتك دي حاجة تستحق يتنرفزوا عليا
عرض للطباعة
هو المفروض يتعمل شويه انفاق في المناطق المتكدسه
ذي الطوابق و العريش و العشرين و الطالبيه...
علي شويه كباري صغيره لزوم التسليك...
طيب ايه رأيكم لو قللو مساحة الجنينة اللى نص الطريق دى ؟؟ فى فيصل او الهرم ؟
على فكره الناس اللي بتحلم انهم يعملوا مترو او نفق في شارع الهرم او فيصل
احب اطمنهم انهم مش هيشوفوا اليوم ده ابدا و لا عيالكم و لا احفادكم لأن الموضوع اتناقش 100 مره و كل مره يلغوا الفكره عشان الحفر بتاع المترو او النفق هيعمل اهتزازات خطر على الهرم و دي مر ما هيكون ليها حل الا لو عملو بطانه للمترو او النفق :cute:
انا عن نفسي عندي الهرم يقع و يعملو المترو او النفق ماهو مش معقول اقعد احرق في دمي طول السنه عشان سايح جاي يتفرج على شويه حجاره اسبوع بالكتير و هيرجع بلدهم
أنا شايف إن الحل يا إما يخلوا الهرو إتجاه واحد و فيصل الإتجاه العكسى أو يعاد نظر فى طريقه سير الميكروباصات و فتحات الدوران للخلف . يعنى مثلا يبقى فيه أماكن محدده لوقوف الميكروباصات زى محطات كده و فيها يكون الجزيره الوسطى أصغر و ممنوع الركنه جانب الرصيف علشان وقوف الميكروباص ما يعطلش الطريق. كمان ممكن نقسم الشارع ل 3 حارات و محظور على النقل الجماعى السير فى الحاره اليسرى. كمان ممكن نحدد حاره واجده فقط للدوران للخلف و نحددها بعوائق فى الأرض علشان الشارع يفضل ماشى حتى مع وقوف من يريد الدوران للخلف . و الأهم إنهم ينقلوا الفتحه بتاعت الدوران للخلف اللى فى الكوم الأخضر قدام بيتى علشان لما باجى من الدائرى مش باعرف أدخل الجراج على طول و لازم ألف من التعاون. ياريت تتنقل تاحيه الطوابق شويه. و ألف شكر لكل من ساهم فى هذا الإنجاز.
اعتقد لو الطرق الموازيه لشارع الهرم وفيص اتظبطت ممكن تبقى بديل ويخفف شويه الزحمه على الشارع الرئيسى
ذى شارع ترسا ويليه شارع العروبه ويليه شارع الثلاثينى بتاع العمرانيه
و شارع الطالبيه المنيل بستين الف نيله من تكاتك وميكروباصات
كده فيه اكثر من مخرج للوصول الى النفق
بس العششششششششششششششششوائيات هناك قاتله بجد زحمه تمووووت والحل ده اظن صعب برضوا
يا حلاوووووووووووتهم لما يرخصوا للتوكتوك وتلاقيه محتل شارع الهرم او فيصل
يا سلام , واضح من كلام حضرتك إنك مش عايزه التوكتوهات تترخص ؟!!!!! يعنى علشان حضرتك معاكى فلوس تشترى عربيه الناس الغلابه تموت ؟!!!!!!
يا سلام وهو حضرتك فرحان اوى بالغوغائيه اللى عملينها فى الشارع
وبعدين هو الشخص اللى مخلى ابنه 7 سنين ده سايق توكتوك وماشى بيه ياذى خلق الله
خايف على ابنه اووووووووووووووى يعنى
وحضرتك اكيد بتشوف 75% فى الشوارع الداخليه دى الى بيسوق التوكتوك اطفال ما بين 7:18 سنه والباقى اغلبهم بلطجيه
يعنى حتى ادراكهم العقلى ناقص ولا يعرفوا اى شى من قواعد المرور وتلاقيه راكن فى نص الشارع عشان يحاسب زبون
او مشغل الكاسيت على اخره تدى له كلاكسات ذى ما تحب هو فى صومعه ثانيه ولا سامعك اساسا
هو ده مش خطر عليهم انا يعنى اللى هموتهم من الجوع
ثانيا التكتوك ده حل ايه من مشاكل مصر ده زود الطين بله زحام وجرائم خطف وسرقه واغتصاب وحوادث وبايعين مخدرات وارف
ثالثا هى الناس كانت عايشه قبل اختراع التوكتوك ده ازاى مكنوش لاقين ياكلوا ودلوئتى اصبحوا من الاثرياء بفضل الاكتشاف اللعين ده
ورابعا
ممكن تقولى بس على 3 فوائد بس عملها التوكتوك فى الشارع المصرى
ولا فايديتن حتى
خامسا احنا بلد عشوائيه وتشجع تكاثر ونمو العشوائيات بما فيها من تخلف وجهل واشكال مختلفه للجريمه
عشان كده هيرخصوا للميكروب ده ويمشى فى الشارع يقرف الجميع اللى راكبه عربيتها واللى ماشيه على رجلها بمنتهى الانحطاط الاخلاقى وتقولى
هو عشان حضرتك عندك عربيه عاوزه الغلابه تموت
نفسى اسالك سؤال صغير
هو لو مكنش التوكتوك ده دخل مصر اساسا الغلابه كانوا هيعيشوا ازاى بدونه ؟
السبب الرئيسى فى زحمة الهرم هيا الملفات
انا اول مرة فى حياتى بشوف ان عند الملف بييعراضو الرصيف و ياكل ربع الشارع فا العربيات بتتكوم على بعض عند كل ملف
المنطقى و المعمول بى فى كذا مكان انا شفتة ان عند الملف بيقطع من الرصبف و يزود حارة تدخل فيها العبريات الى هتلف
و بكدة بيحافظ على سيولة الطريق للناس الى مكملة
الرصيف اللى فى نص الشارع عريض جدا وعاملين لى فيه حديقه عريضه طبعا ماهو ده لازم يبقى شكل حضارى وورد وزرع وكلام فاضى مش برضوا الاجانب بتعدى فى الشارع ده
مش عارفه ليه افتكر ت منظر شارع الهرم لما يبقى حد من الافاضل معدى
تلاقى اليوتيرن ده مليان ورد وفل وياسمين من اول النفق الى مطلع الهرم
انا نفسى اشوف اللى بيعمل الملفات دى بيفكر ازاى
يعنى هيخسر ايه لو انه فى الملف استغنى عن الجزيره الوسطى مساحه الملف فقط وخلى العربيات تاخذ اليوتيرن بسهوله بدل ماهو واخد اليوتيرن من نص الاتجاه المقابل
يا بنتي شارع الهرم ده اساسا عاملينوه حقل تجارب
شوفي كام مرة على مدار العشر سنين اللي فاتو غيروا ويهدوا يا بنوا في الرصيف الوسطاني بس
مال سايب
الحمدلله ربنا تاب عليا من شارع الهرم ده اصلي كنت ساكن هناك زماااااااااااااااااان
ربنا يكون فى عونكم بجد بس هو على فكره خف شويه بعد ما عملو الدائرى
زمان كان شارع الهرم ده مصيبه وزحمه بطريقه وحشه اوووى
هم بيعرَّضوا الرصيف فى الملفات عشان ياخد العربيه اللى هتلف (ملاكى - نقل - اوتوبيس ....)
عشان تاخد الملف وتطلع على الاتجاه المعاكس من غير ما تضايق اللى فى الاتجاه المعاكس
عشان كده بيخدوا جزء من الاتجاهين بحيث يكون اليوترن على شكل نص دائرة تسمح لاطول عربيه (اوتوبيس) انها تلف من غير ما تحتاج تجيب مرشيدير وترجع وتطلع
ويبقى سنتر الدايرة فى نص الجزيرة اللى فى النص
وبما ان الجزيرة اللى فى النص مش قد قطر الدايرة دى فبوسعوا الجزيره عند الملفات
ربنا يرحمنا
ومش نجيلك فى شارع زحمه :)
التوكتوهات حلت مشكله كبيره فى مصر , معظو مناطق القاهره مناطق عشوائيه يعنى ما فيش تخطيط يعنى شوارع ضيقه لا تصلح للسيارات أصلا, من هنا جاء الإحتياج للتوكتوك كوسيله تستطيع الوصول للمناطق الداخليه فى المساكن ,و إفتكرى إن 99 % من السيدات اكبار فى السن قدرتهم على المشى ضعيفه , كمان التوكتوك أجرته أقل كتير من التاكسى يعنى أى حد يقدر يركبه ببساطه . أما بالنسبه للأولاد صغيرى السن فا دى مسأله رقابه و تقنين , و بعدين برده مش معنى إن جدرتك عندك عربيه إنك تمنعى التوكتوك !!! أمال حاتعملى أيه لما البسكلتات تانتشر بعد غلاء البنزين !!!!!
ماشى هتتكلم على الغوغائيه فى الكائن الفضانى اللى اسمه التوكتوك
ولا على مميزاته
تعالى نحسب المزايا اللى حققها التوكتوك للناس وللشارع
انت قولى ميزه وانا ااقولك عيب ونشوف هو فعلا بيحل مشكله ولا مجرد باب مفتوح للحكومه تلم منه سبوبه حلوه فى القريب العاجل
امبارح كنت هعمل حادثه فى شارع الهرم
فيه كائن كده شكله بنى ادم
وراكب الكائن الفضائى المسمى بالتكتوك ده
وطالع من شارع جانبى الى شارع الهرم الرئيسى وياريته بص على الطريق ولا شاف اللى جاى ده مكوك فضائى فجاءه طلع قدامى على شارع الهرم والراكب مطلع ايده بيشاور كانه بيدى اشاره شمال اصل السواق حابب يلف الناحيه الثانيه من شارع الهرم فجاءه كسر عليا من ناحيه اليمين
مفيش غير انى اخبطه او اكسر على اللى شمالى وفعلا كسرت شمال
راح العبقرى اتعطلت منه المركبه الفضائيه فى مدخل اليوتيرن ووقف الشارع كله وراه
وانزل زووووء بئه
تقدر تقولى ده مش اهمال ويحمل الكثير من الخطوره للراكب والماشى واللى قاعد فى بيته حتى
انا مش ضدد التكتوك بس كمان ضدد الاهمال والعشوائيه
أنستى العزيزه لازم نفرق بين الشئ فى حد ذاته و بين إستعماله.
فى رأىى التوكتوك من وسائل الإنتقال الجميله و الرخيصه و المناسبه لبلدنا و لكن عندنا مشكله كبيره تتمثل فى عدم التقنين و عدم وضع قواعد للناس تلتزم بها و عدم وجود رقابه من الأساس, يعنى بدل ما نقول التوكتوك وحش لأ نقول عايزين قواعد و قوانين تطبق عليه و على من يقوده يعنى فكرى كده لو حضرتك ما عندكيش عربيه و مضطره تركبى ميكروباص من اللى بيمشوا فى المناطق الداخليه زى الشارع العمودى على شارع الهرم فى الطالبيه ( مش عارف اسمه الحقيقه) أنهى أفضل و أكثر إجتراما و تحقيقا لسيوله المرور ,العربيات الموجوده الأن اللى هى أصلا عربيات نص نقل و الناس بتركبها من الخلف دون أى إحترام لأدميه أو شروط سلامه ؟ و لا التوكتوك ؟؟؟
أعتقد التوكتوك أرحم بكثير و لكن يحتاج تقنين .
كمان إنتشاره سوف يحجم من الميكروباصات الغير أدميه و الى فى معظم الأحيان تتسبب فى إختناقات فى المناطق العشوائيه و ما أكثرها.
هااا إقتنعتى ولا نقول كمان ؟؟
تسمحلى بفرصه ارد عليك فى نقطه نقطه
فى رأىى التوكتوك من وسائل الإنتقال الجميله و الرخيصه
فين الرخص ده النفر بجنيه يعنى اغلى من ميكروباص الهرم ولا رمسيس
و المناسبه لبلدنا و لكن عندنا مشكله كبيره تتمثل فى عدم التقنين و عدم وضع قواعد للناس تلتزم بها و
عدم وجود رقابه من الاساس
ومش هيبقى فيه رقابه الا لما يترخص هتكون رقابه معدومه عشان يعرفوا يلموا كم قرش
, يعنى بدل ما نقول التوكتوك وحش لأ نقول عايزين قواعد و قوانين تطبق عليه و على من يقوده
يا سيدى هى قوانين المرور اللى كل شهر تستجد كانت نافعه مع مالكى السيارات وسائقى الميكروباص والنقل وغيره
نحن بلد لا يحكمها الا قانون العشوائيه والبلطجه
يعنى فكرى كده لو حضرتك ما عندكيش عربيه و مضطره تركبى ميكروباص من اللى بيمشوا فى المناطق الداخليه زى الشارع العمودى على شارع الهرم فى الطالبيه ( مش عارف اسمه الحقيقه) أنهى أفضل
اسمه شارع الطالبيه او عثمان محرم
الميكروباص افضل من ناحيه الامن لانى مستحيل اركب توكتوك مع عيل صغير شارب مخدرات وطالع يقضى على ارواح الناس
و أكثر إجتراما
مفيش وسيله مرور محترمه فى مصر اعذرنى
و تحقيقا لسيوله المرور
الميكروباص افضل لان عدده مستحيل يوصل ربع عدد الكائنات الفضائيه المنتشره دى وكمان الزحمه بسبب عم الالتزام بالركنه او الاتجاه
,العربيات الموجوده الأن اللى هى أصلا عربيات نص نقل و الناس بتركبها من الخلف دون أى إحترام لأدميه أو شروط سلامه ؟ و لا التوكتوك ؟؟؟
هو التكتوك فيه شروط سلامه ؟؟؟ طب فين قولها لى يمكن معرفهوش
هو التكتوك فيه احترام للادميه طب فين جرائم السرقه والاغتصاب اللى حصلت من سواقين التكتوك وحتى جرائم سرقه التكتوك نفسه
أعتقد التوكتوك أرحم بكثير و لكن يحتاج تقنين .
صعب تقنين مثل هذه المركبات لان الشوارع الداخليه او العشوائيه يصعب السيطره عليها نهائيا
كمان إنتشاره سوف يحجم من الميكروباصات الغير أدميه و الى فى معظم الأحيان تتسبب فى إختناقات فى المناطق العشوائيه و ما أكثرها.
اللى انا بشوفه ان التكتوك بيعمل زحمه اكثر من الميكروباص 200 مره
هااا إقتنعتى ولا نقول كمان ؟؟
صعب الاقتناع صدقنى اذا كان وسيله مواصلات تخدم الشوارع الداخليه
فعددها تفوق على عدد المارين فى الشارع
واللى بيسوقها اما مسجل خطر او بائع مخدرات او اطفال ما دون الخامسه عشر
والقله القليله منهم شباب يبحث عن اى شغله والسلام
والله انا مش كارهه التكتوك ده وعمرى ما هركبه مش لان عندى عربيه
لانى وسائل الامان فيه معدومه اولا وثانيا سلوكيات السائقين ترعب
وانصح اى سيده كبيره او بنت او ست متركبش توكتوك لوحدها مهما كان لانه جمب بيتى حصلت جريمه اغتصاب من سواق تكتوك لبنت عمرها 13 سنه
واخر سرق شنطه ست واقفه تنتظر تاكسى
وغيرها كثير
يا جماعة انتوا بتحلموا انهم يعملوا شارع الهرم اتجهاة وفيصل اتجاة ود كدة هيبقة ظلم لناس تانية
والحلم الاخر اللى بيقول ان يتعمل مترو انفاق دة صعب المنال او مستحييييل كمان
انا عندى فكرة بجد هتحل الازمة بنسبة 75% من الزحام ومش هيكون فيها ظلم للركاب او المتعسرين فى السير بللنسبة للملاكى وهوة كلااتى
منع سير الميكروباص نهائيا داخل شارع الهرم او فيصل
هتقولى والناس كدة هتركب اية منتا كدة ظلمتهم
فى حل تانى اسرع بكتييير من حفر نفق للمترو لانة صعب ومستحيل للمنطقة دى
طب اية الحل
هقلك
ازالة تامة للجزيرة الوسطى بين الطريقين ذهاب وعودة وتوسيع الطريق من الجنبين لان مساحة الرصيف كبيرة امام المحلات
وبعدين
عمل مترو
قلنا مش هينفع
لا هينفع
مترو سطحى بين الطريقين زى مترو مصر الجديدة ومدينة نصر
ودة هيمحوا الميركروباص نهائى
وهيبقة اسرع فى كل الاحوال للمواطن العادى
ارخص فى تعريفة الركوب
وسيلة مواصلات ادمية وامنة
القضاء على الفوضة العارمة والاعداد الهائلة للميكروباص
تنفيذة سهل وسريع وغير مكلف مقارنة ببدائل اخرى ونتائجة مضمونة فى حل المشكلة بنسبة كبيرة جداا
لو فى حد لية تعليق ياريت يقلنا
:verygood: