الموضوع: حملة لتنظيم المرور في شارع الهرم

ده الهرم ارحم بكتييييييير من فيصل .. انا من فيصل وبشوف العجب
والله ببقة جاى من اى سفر بالعربية وببقة شايل هم زحمة فيصل من قبل ما اروحله بجد حاجة تقرف
وبالنسبة للاخت لبنى بتقول كانو بيحطوا شباب واقفين فى الفتحات علشان الناس تعدى
ده كانو عساكر امن بيحطوهم قدام فتحات المدارس بس علشان يعدوا الاطفال مش اكتر من كده
كانو بيقفوا بالنهار بس وبعد كده اختفوا وبعدين كده كده الشارع زحمة ومحدش بيجرى فيه جامد غير بالليل متأخر
وتنمنى انهم يظبطوا الشوارع دى شوية او يوسعوها لأنهم عاملين الرصيف من على الجمبين كبير جدا وجنينه فى النص كبيرة
المفروض يقللوا مساحة الارصفة والجنينه دى شوية هتفرق اكيد
وتحيا مصر

الله يلعن الهباب شارع فيصل....
ده شارع يقرف.....انا ساكن فيه
و فعلا مش بنزل من بتنا بسببه....
و اكتر حاجه لازم يتصرفوا فيها ..الركن صف تاني و ثالث فيه
و الميكروباصات الللي يمشي وراها يجيلوا شلل...
كل شويه تقف و في نص الشارع هي و عربيات الجمعيه

المشاركة الأصلية كتبت بواسطة fathisaad

مشاكل شارع الهرم للقادم من الجيزة

1)سيارات الميكروباص اللى بتقف قبل النفق و ايضاعند جامع نصر الدين
2)توقف تانى بسبب السيارات الموجودة امام قسم العمرانية و فتحة الدوران للخلف الموجودة ايضا امام القسم
3)توقف ثالث بسبب شارع ناصر الثورة و السيرات القادمة منه عكس الإتجاه لتدخل شارع الهرم
4)توقف عند الطالبية-ناجية سنتر-بسبب السيارات الراكنة صف تانى و ثالث للعرايس و فى نف الوقت فتحة الدوران للخلف الموجودة فى نفس المكان
5)طالبية تانى عند النفق اللى محدش بيستعمله و الناس مصره تعدى الشارع
6)طالبية ثالث عند فتحة الفاندوم لأن الميكروباص بيركن علشان ينزل الناس امام فتحة الدوران الدوران
7)كايرو مول و الميكروباص واقف صفين للتحميل
8)توقف عند شارع ضياء الميروباص صفين بيحمل
9)دوران للخلف عند المطبعة و فى الوقت نفسه الإتجاه المقابل متوقف تماما
10 )الشبراوى بتاع الفول و بنزينة موبيل الوحيده فى شارع الهرم بنزين 80 و مسرح الزعيم و السينما كلهم فى حوالة 20 متر قبل شارع العريش و كل عربيات السينما راكنه
11) شارع العريش صفين ميكروباص و دوران للخلف بعده متوقف لان الإتجاه المقابل متوقف

كفايه لحد هنا علشان انا كده وصلت عند بيتنا المره الجايه اكمل لحد نادى الرماية

نسيت الخمس صفوف بتوع الميكروباصات اللى عند كنتاكى او ومبى سابقا والمشاه
ونسيت الملف اللى قدام ناجيه سنتر
بصراحه شارع الهرم فل لحد ما بوصل للملف بتاع المطبعه بكون كسرت على ميه عربيه عشان اعرف اعدى واروح ويكون كسر عليا مليار ميكروباص وموتوسيكل
امبارح واحده ست قدامى بتلف الملف بتاع المطبعه شمال اللى وراها واللى جاى من الطريق مش مديها فرصه تلف ركبوها الرصيف بتاع الجزيره اللى فى النص وكانت راكبه فيرنا يعنى الست دمها نشف لحد ماعرفت تنزل من الرصيف تانى

اشارات ايه بس يا راجل حرام عليك هو شارع الهرم ناقص زحمة!!
لو عملت اشارة واحدة أضمنلك انو شارع الهرم كلو هيقف بالاضافة الى ميدان الجيزة و شارع المنيل كل ده عشان تنظيم المرور؟!!
مينفعش, البلد زحمة و مفيش حل لموضوع المرور لأنه اللى بيحصل ده اسمه اخلاقيات الزحام, و احنا مش ناقصين لجان و اشارات و مخالفات و هى دى الحاجات الى فعلا بتعطل انسياب المرور.