الموضوع: كورس مراقبه جويه ( atc ) أيه رأيكم ؟

المشاركة الأصلية كتبت بواسطة GMC

شغل الطيران مقرف من المراقب للمهندس للطيار الغلطه بجون ومفهاش هزار وكله بيلبس ههههههههههههه

فعلاً معظم اللى شغالين فى المجال ده ماشيين بستر ربنا

صاحبى كان لسه بيحكيلى عن مصيبه عملها كان هيلبس طيارتين فى بعض :)

المشاركة الأصلية كتبت بواسطة احمد المصرى

انا شخصيا شغال محاسب تكاليف وكرهت المجال دا بصراحه

يا باشا أنا كرهته من ال interviews اللى عملتها ومش متخيل نفسى فيه بصراحه ربنا يعينك :)

المشاركة الأصلية كتبت بواسطة 3mr Farrag

بصراحه ما عنديش اي فكره ان المراقبه الجويه
ولا مراتباتها كام...
بس لو هتدفع مبلغ ذي ده ..طبعا ادرس طيران مدني
انا بفكر فيه جديا بس شويه كده
اقل تكلفه ممكن تلاقيه في الفلبين في حدود المبلغ اللي معاك و ممكن اقل كمان
بس الفكره في الشغل...
انا سمعت من واحد عايز يدرس طيران ان فيه اكاديميات بتعملك عقد مع الكورس
بأنك بعد ما تخلص الكورس يشغلوك علطول...دي كانت في كندا و سعرها في حدود 250 الف
بس مش عارف اسم الاكاديميه بصراحه

ادخل علي المنتدي ده و دعبس فيه
: : Flying Way : :

للأسف موضوع الطيران معقد شويه ومقلق بصراحه

لأنك بتدفع مبلغ كبير سواء هنا أو بره ( كده كده هترجع تعادل )

ده غير أن مصر للطيران مبتطلبش طيارين غير كل فين وفين وفيه كام دفعه اتخرجت ومحدش اشتغل لسه

ولو فكرت تشتغل فى شركه تانيه لازم تعمل تايب رايتنج على أى طراز من الطائرات الكبيره بحوالى 100 ألف جنيه :)

ممكن تعمله على حساب الشركه اللى قدمت فيها بس بتاخد عليك شيكات وبتلزمك تقعد مده معينه ( احتكار من الأخر )

أنا أعرف أتنين طيارين خدوا الكورس بره واحد أشتغل فى مصر للطيران بس عشان والده فى منصب كويس فيها
والتانى لسه معملش عدد الساعات المطلوبه منه

أنا بصراحه مقلق أدفع المبلغ ده كله وفى الأخر أقعد فى البيت عشان معنديش واسطه :@

المشاركة الأصلية كتبت بواسطة kh_fawzy

ممكن تاخد كورس ترحيل جوى dispatch ودة شغله بيبقى كويس

أنا كنت سمعت عن الكورس ده قبل كده وتكلفته مش كبيره مقارنه بالكورسات التانيه

لو امكن شوية تفاصيل عنه

المشاركة الأصلية كتبت بواسطة mohammedaladel

كان حلم عمرى أكون طيار حربى دخلت كلية تجارة إنجليزى وأنا بكرهها عمى أنا رايح 4 إن شاء الله ونجاحى كل سنة بمعجزات وما زلت أكرهها وهفضل كارهها ومش بحب المحاسبة خالص ولا عمرى حضرت محاضرة فى الكلية دى الواحد بيروح يزور السكة المهم الطيران المدنى مكلف قوى قوى والشغل مش مضمون عامل زى الرخصة الخاصة بتاع العربية بتطلعها عشان تسوق عربيتك ودى تعادل شارة الطيران الخاص ودى تمنها هيعدى فيه بعدها شارة الطيران التجارى وطيران العدادات والحسبة دى كلها هتقف النص مليون باكو يتعدوا كاشات فترة التدريب ممكن تبقى سنة ونص بتروح تتدرب فى مطار العريش والرقابة الجوية بتاخد شارة المراقبة والتنظيم الجوى وبرضه بمبلغ كويس وفى النهاية تدور على شغل طبعا الطيران المدنى طيارات أرواح ناس عايزين طيار يكون خبرة مش موجودة عند حضرة الخريج فبيتعبله شوية على بال ما يروح شركة زى مصر للطيران ودا لنك المعهد ادخل وشوف لو إنت فلوسك كتير وغاوى يبقى خش طيران ولو إنت غاوى مراقبة جوية ( مهنة صعبة مش سهلة ) لو إنت شاب زى كتير شباب طريقه مكسر مش باينله فيه غير الضباب ههههههه خليك فى حالك وكمل فى مجالك اللى ربنا كتبهولك وربنا يفرج كربنا كلنا للعلم انا واحد قريب جدو والد أمى دخل المراقبة الجوية كان عيل فاضى قوى ولكنه بعد ما ا تخرج اتعين وبقى فى مستوى أفضل للعلم أنا لحد الوقت دا حلمى أكون طيار حربى !!!!!!!!! نفسى فى المستقبل لو ربنا كرمنى ورحت بلد أجنبى آخد من هناك رخصة طيران مدنى أرضى بيها ولو جزء من حلمى اللى إتقتل جوايا وفى النهاية بص ع اللنك بتاع المعهد وشوف كل حاجة مسعرة للعلم ممكن تصقط وتروح عليك الفلوس لو ما ذاكرتش

egyptian aviation academy | index
egyptian aviation academy | index

:_alshmokh11:

للأسف أنا نفس الكلام بالظبط فضلت الكليه عن أى حاجه خاصه عشان أكون مع صحابى

وعمال بندم ومش عارف انا ايه اللى عملته فى نفسى ده :(

بس بحاول على قد ما أقدر أصلح الغلط ده جايز ألحق نفسى

المشاركة الأصلية كتبت بواسطة Hesham Hamza

للأسف أنا نفس الكلام بالظبط فضلت الكليه عن أى حاجه خاصه عشان أكون مع صحابى

وعمال بندم ومش عارف انا ايه اللى عملته فى نفسى ده :(

بس بحاول على قد ما أقدر أصلح الغلط ده جايز ألحق نفسى

تندم على إيه إنت دخلت كلية تمام وبفلوس مش كتير لو دخلت المعهد دا إنت مش معاك مؤهل عالى دى أول حاجة تانى حاجة زى ماكلنا متفقين إنك عشان تشتغل عايزلك شغلانة والموضوع دا بياخدوه نزاهة بمبدأ اللى معاه قرش محيره يجيب حمام ويطيره أنا مرضتش أدخل هندسة طيران برغم عشقى لعالم الطيران عشان عارف نهايتى وإن مفيش تعليم فى مصر شيش بيش يا صديقى لدرجة إن اللى معاه تمن المعهد دا بيروح ياخده من أمريكا أو الأردن فى أيلا أفيشن Ayla Aviation مستوى أعلى من هنا بكتير فى النهاية أنا مغلطتش حتى لو معايا فلوس بالهبل كنت هدخل تجارة أنجليزى اللى أنا مبحبهاش وبعد ما أتخرج لو كان ليا عمر هاخد رخصة الطيران نزاهة مش أكتر أوعى تحط فى دماغك إنك غلطت دا نصيبك وربنا شايفلك الصح هتتعب لو مشيت عكس عجلة القدر وتلاقى نفسك برا تراك الدنيا خالص أنا ندمت على كل لحظة ندمت فيها على اللى فات إزاى تندم على حاجة مش بإيديك ؟؟؟ نصيحة منى كمل فى مجالك ولو هتدخلها عشان المقابل المادى يبقى بلاش لو هتدخلها لأن امكانياتك وفيرة وإنك فعلا بتحب الطيران يبقى خدها نزاهة وتقبل مرورى

انا لو عندي ربع المبلغ دا اطلع ع اوكرانيا وادرس هناك
الدراسه هناك ارخص من مصر وشهادتها معتمده وفي فرصة للعمل بفيزا الدراسة عادي
يعني كليه هندسة لو هتدرس بالروسي هتكلفك بما يعاجل 5000 الاف مصري في السنة
وكذلك المجالات الطبية

والله انا زيكم يا وولاد بس حقوق انجليزي مفروض اكون متخرج من سنتين
والحقيقه المره ان مفيش حد في مصر داخل حاجه بيحبها الا من رحم ربي
وكل مابلاقي نفسي خروف في المجال المنيل ده بفضل ادعبس ع النت في مجال الطيران لانه
في بالي من زمان ولقيت احسن سعر مقابل جوده رخصه طيران الفلبين في حدود 60 الف ج شامله كل حاجه بالاقامه بمصاريف الكليه ومعاك حوالي 250 ساعة طيران (طبعا ولا تعمل حاجه)
بس الكلام ده من فترة طويلة الصراحه باقالي كتير مش متابع

حضرتك بجد بتفكر تدفع المبلغ ده ؟

قبل ما تقرر محتاج تقعد مع نفسك شوية وتحكم هل غاوى المجال دة فعلا وناوى تكمل فيه ولا منظرة
قبل اى حاجة لازم تبقى حاطط فى دماغك , مجال متعب + مسئولية مش سهلة (ارواح ناس وشوية حديد بملايين) + الكورسات مش رخيصة وفوق دة كلة متضمنش انك تتخرج تلاقى الوظيفة على طول