انا اكيد هسأل في المرور تاني واتاكد بردو
بس حضرتك لو اتفرجت علي الفيديو اللي انا حاطه
الظابط بيقولك بتعاد كل حاجة حتي الاختبارات
معلش مش عالرف اشغل الفيديو
هو الراجل بيقول ايه ؟
ده المقدم معتز الضبع رئيس وحدة مرور العجوزة بيشرجح المادة 38 من قانون المرور وبتقول:
لما الواحد يغير عنوان بطاقته علي عنوان سكن جديد يجب ان يخطر ادارة المرور التابع له علشان يغير عنوانه في الرخصة للمرور الجديد .. ولو معملش كده خلال 30 يوم من تاريخ صدور البطاقة الجديدة .. لازم يروح المرور بتاعه ويعمل الأجراءات من الاول ويعمل الرخصة كانها اول مرة ويختبر ويجيب شهادات نظر وباطنة وكده
أنت مظرفتش الظرفة الصح ....... كن راشى تعيش مرتــــــــــــاح
يا جماعة الموضوع واضح وبسيط .. سياسة الحكومة المصرية عند تعاملها مع المواطنين :
" وأنا ليه أسهل عليك ، طالما في إيدي أقرفك "
انا مش شايف بروبلم
http://www.nilemotors.net/Nile/111155-a.html
http://www.nilemotors.net/Nile/41972-a-2.html
ذاكر بقى
ياراجل معقول في حد مش عارف المادة 38 ؟
عادي ياباشا انت فمصر وكويس انك غيرتها فالبطاقة بدال ما كانوا يقولولك ان في ماده رقمها 38 ونص بتقول انك تتحبس علشان مغيرتش محل اقامتك فالبطاقة هههههه
انا كنت ساكن فالوراق جمبك وبعدين نقلت للمقطم من 5 سنين كدة بس الحمد لله غيرت البطاقة قبل ما اعمل الرخصه اصلاً فطالعة عالمقطم
عموماً ماتشيلش هم مرور المقطم فيه ناس محترمة ومتفاهمين جداً وبما انك رايح "بما يرضى الله" احفظ الاشارات كويس وهم مش بيعقدوها فالامتحان خالص ولو بتعرف تسوق هتعديه في ثواني ومفيش زحمه كمان
وابقى طمنا عملت ايه :)
نص الماده اهو
المادة ( 38 )
على المرخص له عند تغيير محل إقامته إخطار قسم المرور المختص خلال ثلاثين يوما من اليوم التالى للتغيير بكتاب موصى عليه فإذا كان التغيير إلى محافظة أخرى وجب عليه خلال المدة المذكورة أن يقدم إلى قسم المرور بهذه المحافظة طلبا لنقل قيد الرخصة وإستيفاء إجراءات نقل القيد التى يحددها وزير الداخلية بقرار منه . ويترتب على عدم مراعاة الميعاد فى الحالة الثانية إعتبار الرخصة ملغاة
اذن السؤال هل الحاله التانيه تنطبق عليك؟؟؟؟؟
والى افهمه من نص الماده ان فى الحاله الاولى لاتعتبر الرخصه ملغاه .........
على فكره راجع مدير اداره المرور الى حضرتك تابع ليها وادخل واتكلم معاه فى حدود النص القانونى ده لان الموظفين اغبياء وبيفسرو على مزاجهم
متبقاش حكومه مصريه لو ممرمتطش الناس على الصغيره و الكبيره يا راجل انا اتبهدلت علشان اجيب استاماره 7 جوند و بعد كده قالولى لاء مينفعش عايزين 6 جوند مع ان الظابط اللى فى التجنيد قالى هات 7 جوند عادى ..دى بلد تكره الواحد فى عيشتو
الحمد لله .. رحت المرور وعملت كل جحاجة من اول وجديد وكأني بعمل رخصة جديدة بس من غير اختبارات
اتضح بقي انا لمادة 38 دي بتلغي الرخصة ورقياً .. بمعني انك بتجيب شهادة باطنة ونظر .. وتشتري نموذج اصار رخصة أول مرة زي أول مرة عملنا فيها الرخصة .. وبعدين بتتصور وخلاص مفيش اختبار
الحمد لله .... عملتها وخلصتها في ساعتين زمن
واسف للأزعاج انا قلت اطمن الناس علشان يكونوا عارفين انها مفهاش اختبار
مبروك
شكرا على المعلومات
ياريت كل الناس تاخد بالها
ايوه كده
يبقى الكلام منطقى
مبرووووووووووووك
مبروك
الف مليون مبروك
مبروك ياباشا الرخصة الجديدة ههههههه
مبروك يا باشا
طمنتنى - و زى ما قولتلك قبل كده
طب هو ينفع أمشي برخصة قيادة طالعة من مرور يختلف عن مرور رخصة السيارة ؟!
أنا رخصة عربيتي تبع نفس عنوان البطاقة الجديدة لكن رخصة القيادة تبع عنوان البطاقة القديمة !!