الموضوع: هل توافق على حجب المواقع الاباحية ؟ ... حمله

المشاركة الأصلية كتبت بواسطة nokia

موضوع جميل ومثير للجدل بصراحه حكايه كل واحد مسئول ورقيب عن نفسه صعبه

فعلا لكل شاب .لما المواقع مثلا تتقفل بردوا هتلاقى البنات فى الشارع ماشيه بملابس

أفظع من اليومين دول .علشان يتصلح حال الشباب يبقى لازم الأفلام العربيه يتمنع منها

كل منظر وكلمه خليعه ثانيا البنات اللى بتمشى فى الشارع ( الكاسيات العاريات رؤوسهم

كأسنمة البخت المائله ) لو التزمنا وتمسكنا بالدين وكل واحده تلبس حجاب أو إسدال

هايقل الدوافع الجنسيه عن الشباب والمعاكسات تقل وكل شاب يتمسك بالدين ويصلى

هيلاقى نفسه بقى كويس علشان مشى فى طريق الهدى وحس جواه بالحياء مش هايعاكس

أى بنت علشان هايبقى مكسوف من ربنا والبنات لو بتصلى هاتبقى مكسوفه من ربنا إنها

تلبس محزق فى الشارع وتحط برفان جزاب وفواح يشمه اللى ماشى فى آخر الشارع

فوق كل ده إن البنات حرام تنزل من البيت وهيه مستعطره .قال رسول الله صلى الله عليه وسلم ( أيما إمرأه إستعطرت وخرجت فمرت على رجال ليجدوا ريحها فهيه زانيه ) صدق رسول الله صلى الله عليه وسلم .شوف بقى كااااااااام بنت مسلمه بتخرج من البيت
وحاطه برفان .ده غير الملابس اللى بتلبسها .لو كلنا تمسكنا بالدين هانعلى لفوق ولفوق
ونبقى فى تقدم وحال أحسن .معلش طولت عليكم والمواضيع دخلت فى بعض بس خلاصه الكلام إننا لازم نحاول نتمسك بالدين مثلما قال الحبيب رسول الله صلى الله عليه وسلم
تركت فيكم ما إن تمسكتم به لن تضلوا بعدى أبدا كتاب الله وسنتى .صدقت يا رسول الله

الصلاه والسلام عليك يا رسول الله .والسلام عليكم ورحمه الله وبركاته

انا معاك في الكلام دة وخاصة الافلام المصرية الحقيرة اللي كلها بقت مشاهد جنسية علنية. هو فية اية بالظبط؟ الناس جري لها اية؟ المشكلة اننا الدولة العربية الوحيدة في الوطن العربي اللي بنتج افلام بطريقة بشعة كاننا بنتنافس علي حاجة ترضي ربنا. زمان كانت الافلام فيها فكرة بتوصلها للناس او قضية معينة يتعايشها الشعب وكيفية حلها بس ما كنتش كلها افلام بورنو بالشكل المهين دة. نفسي يكون فية رقابة تمنع الحاجات دي. علي فكرة السبب الرئيس وراء ارتكاب جرايم الاغتصاب والاختطاف وراها الافلام الاباحية دي. ارحموا الناس واتقوا الله فيما تقدمون.

الموضوع ينقسم الي جزئين :
الجزء الأول : ديني وفكري ويختص بهل نريد وقف وحجب هذه المواقع ام لا ؟؟
الجزء الثاني : تقني ويختص بالناحيه الفنيه .. اي هل يمكن حجب هذه المواقع كلها او معظمها او لا يمكن ؟؟
---------------
بالنسبه للجزء الأول :
قال تعالي "كنتم خير أمة أخرجت للناس تأمرون بالمعروف وتنهون عن المنكر" (آل عمران/110)
وقال تعالي "وتعاونوا على البر والتقوى ولا تعاونوا على الاثم والعدوان" (المائدة/2)
والنفس البشريه لها اوقات قوه واوقات ضعف ولذلك امرنا الشرع بالإبتعاد عن الاماكن والوسائل المؤديه الي الحرام حتي لا تجتمع مع ضعف النفس فنقع في الحرام
وكمثال علي ذلك انه حرام الجلوس في مكان يًَُشرب فيه الخمر
والموضوع ده زي لما يكون فيه خوف من فيرس يُنقل عن طريق الحشرات .. فكيف نواجه هذا الفيرس ؟؟
المواجهه علي مستويين :
1- زياده المناعه ( التركيز علي التربيه الدينيه الصحيحه وزرع المبادئ والقيم والقدوه الصالحه والرفقاء الصالحين -الصاحب ساحب )
2-مكافحه هذه الحشرات ومحاوله القضاء عليها او محاوله منعها (او منع معظمها) من الوصول لنا ولأبنائنا
ولذلك اعتقد ان حجب المواقع دي مطلوب جدا .. (حتي لو حاول البعض البحث عن طرق لكسر الحجب) .. لأن لو فكرنا بالطريقه دي يبقي المفروض نسمح لتجار المخدرات ببيع المخدرات في السوبر ماركت .. وطبعا ده خطأ

يعني خلاصه الكلام ان المواقع دي تُعامل زي المخدرات .. نحاول نحجبها بكل ما اوتينا من قوه

------------
الجزء الثاني : جانب فني (هل ينفع فنيا حجب هذه المواقع )
اسيب الإجابه للمتخصصين وان كنت اعتقد ان الإجابه هتبقي :
ينفع حجب 95 % من هذه المواقع
وفيه قاعده بتقول : ما لا يدرك كله لا يترك كله
وعليه فيجب حجب هذه المواقع

---------------
وخلينا حتي ننظر للمواقف التاليه :
-ابنك او بنتك بيلعبوا علي النت وفجأه يظهر لهم المناظر دي
-اختك طلبت منك مساعده في بحث بتعمله .. انت بتبحث علي النت واختك بجوارك ويظهر لكم هذه المناظر
-انت في العمل وبجوارك مديرك (او انت لوحدك حتي ) وتظهر هذه الصور ..

والناس اللي بتقلل من مخاطر الموضوع ده وبتقول نشوف البطاله و..و.. الأول.
اقول لهم : ان الرسول قال حديث معناه : ما تركت فيكم فتنه اشد علي الرجال من النساء.
وبعدين هو احنا لما نحارب المواقع دي يبقي معناه اننا اهملنا البطاله و..و..وكل القضايا الأخري ؟؟
احنا لو فكرنا بالطريقه دي ممكن نقول .. وهيا جت علي الخمور .. احنا عندنا مشاكل اهم
لأ .. المطلوب محاربه الفساد في جميع المجالات وفي نفس الوقت..

أنا كمان عاوز أشارك معاكم


أنا عندى برنامج ممتاز يحجب هذه المواقع وتقدر إنت بنفسك تحدد مستوى الحماية المطلوبة وكمان تقدر تحدد الوقت اللى الأولاد ممكن يتصفحوا الإنترنت فيه وكمان تقدر تمنع الألعاب فى أوقات معينة وكمان تقدر تعرف إيه الصفحات اللى كانوا فيها عن طريق التقارير اللى البرنامج يقدر يعملها

أخويا عمل دونلود للبرنامج ده من الإنترنت وجاب الكراك بتاعه كمان علشان يبقى البرنامج كامل


ها أسأله على الرابط بتاع البرنامج بالكراك

وسوف أقوم بوضعه على المشاركة

فكرة ممتازة أتفق معها تماماً
وبالتأكيد لن نستطيع حجب المواقع الإباحية 100%
ولكن كما قيل ما لا يدرك كله لا يترك كله

وإذا كان الإنسان رقيب على نفسه
فكيف يكون حال هذا الرقيب إذا أعمته نيران الشهوة
أظن أنه سيصبح رقيباً فاشلاً

وإذا كانت الخمر حرام
نجد أن الله تعالى أمر بإجتنابها وليس بعدم شربها
بمعنى أنك لو جلست في مكان تشرب فيه الخمر بالرغم من أنك لم تشربها لأنك رقيب على نفسك
إلا أنك أصبحت مذنباً لأنك جلست بالقرب منها والله أمر بإجتنابها أي بالإبتعاد عنها
وذلك ليكون الإنسان في دائرة بعيدة عن المحرمات تحميه من الوقوع فيها

لذلك فأنا أؤيد هذه الحملة
وأتذكر أنني منذ عدة سنوات أرسلت إلى جريدة الأهرام طلباً بذلك
وبالفعل تم نشرة بالجريدة
لكنه لم يجد آذاناً صاغية

وأنا معكم لنحمى أنفسنا وأهلينا من كل سوء وشر