فرع سموحة و اتصال ... عشان موضوع سخونة الكونسول
كلمت فرع سموحة اقولهم ان اللباد اللى انتوا حطينه ده ملوش لزمة و ان سخونة الكونسول لسه زى ما هيا و هل ممكن تلغوا التكييف السخن عشان نحل المشكلة دى قالى لا مينفعش طبعا نلغى التكييف السخن انتا بتهرج !!!
فقالى خد نمرة المهندس حسام مدير الفرع كلمه فكلمته قالى نفس الموال قلتله بس فيه افرع تانية للشركة بتاعتكو فى القاهرة بتعملها و تلغى التكييف السخن عشان موضوع سخونية الكونسول يروح قالى لا مينفعش ابقى هاتها نشوفها و ممكن نزودلك اللباد شوية و على فكرة السخونة دى عادية فى عربيات كتير والسخونة دى على فكرة مصدرها شكمان العربية مش الماسورتين اللى انتا بتتكلم عليهم دول ...
قلتله دى مش مشكلتى شكمان ماسورتين انا دلوقتى فيه مشكلة موجودة و ليا انها تتحل ... قالى هات بس العربية و احنا نشوفها قلتله قريب فى صيانة الـ 25 هتلاقونى عندكو
ايه رايكوا هوا مفيش اى تنسيق من اى نوع فى الشركة دى بخصوص مشاكل العربيات اللى بيشتغلوا فيها و لا ده طبيعى يعنى ميمو بسيط كده يتوزع على كل الافرع بخصوص المشكلة دى و ان ده حلها